fbpx

Tag: 公車

【有片】中國司機揸車食杯麵被停職    日本網民:「喺漫畫見過!」

【有片】中國司機揸車食杯麵被停職 日本網民:「喺漫畫見過!」

中國經常都會發生離奇事件,最近有單新聞講有個喺合肥開公車嘅女司機喺駕駛期間食杯麵,仲要俾人影到放上網,件事傳開咗之後而家個司機已經被停職。咁日本都有網民睇到放上2ch討論,留言好精警,例如:「食麵包呢啲單手可以做到嘅都明白,但杯麵要雙手食喎」、「如果食冷凍蕎麥麵仲勁」、「喺漫畫入面見過」、「係咪自動駕駛車?」不過原來日本都有:「我喺日本都見過貨車司機一邊食杯麵一邊揸車」、「我都見過,用手肘頂住軚盤嚇死人。」各位駕駛人士,都係唔好挑戰,太危險嘞!

Read more ›

【揚威海外】中國公車生蘑菇 日本網民:「好嘔心!」

【揚威海外】中國公車生蘑菇 日本網民:「好嘔心!」

好噁心!呢單新聞喺日本2ch討論區見到,喺中國已經發生咗幾日。事發地點係湖北省武漢市,有乘客搭搭吓公車發現車頂上面生咗幾粒蘑菇,由於太震驚,佢影咗相放上網,點知好多人都放相出嚟,原來佢哋都見過唔少公車入面有蘑菇!估計因為天氣潮濕加上無乜清潔,導致長出蘑菇。中國嘅「專家」仲剎有介事走出嚟提醒民眾啲蘑菇係唔食得嘅!日本網民就留言話:「好嘔心,唔好嚟日本」、「點生得出嚟?不可思議」、「係因為無定期定掃啦」‥‥‥今次去到生蘑菇,仲要唔止一架,真係過份咗啲。

Read more ›