Tag: 公廁

公廁補完計劃 日本網民出NERV公廁圖熱傳

公廁補完計劃 日本網民出NERV公廁圖熱傳

地點係「第三新東京」箱根,呢個喺箱根町金時公園入面嘅《Evangelion》公眾用洗手間,係舊有洗手間面積嘅4倍以上,其實喺今年2月已經重開,不過因為疫情關係,可能好多EVA迷都未去過。而且除咗有NERV標記,門外亦有絕對領域,就連泊車位都係EVA風!之後仲有其他網民分享咗2號機電動車充電裝置,好番要去!

Read more ›

【有片】世上最靚公廁 挪威超強設計睇埋北極光

【有片】世上最靚公廁 挪威超強設計睇埋北極光

公廁駛唔駛靚成咁?挪威喺建築物設計方面好出色,估唔到連公廁都咁高質,最近呢個位於挪威Gildeskål市鎮附近road Fv17嘅公廁就成為網民熱話,由建築師Marit Justine Haugen同Dan Zohar設計,位處無敵海景旁邊,仲可以睇到北極光!入嚟有片睇。

Read more ›

【公廁有愛】日本司機豪捐1000卷廁紙 報答公廁救命之恩

唔係最新,不過呢排日本2ch網民討論緊,所以想同大家分享吓。日本愛知縣犬山市嘅公廁最近收到1千卷捐贈嘅廁紙,原來有個50幾歲嘅男司機有日揸車途中有便意去咗呢個公廁,見到入面有廁紙提供,即時好感動,為咗表示謝意,佢之後捐咗1千卷廁紙比呢個公廁,花費大約3萬円,連公園負責人都話無諗過會收到呢種方式嘅感謝,亦無諗過有人會捐廁紙。不過日本網民嘅留言仲精警:「會俾中國人偷走喎」、「韓國嘅話應該會捐一年大便」。講返轉頭,其實每次去日本旅行人有三急都好放心,佢哋嘅廁所唔止乾淨,好多時仲有埋廁紙供應,而且免費,絕對係世界級水準。只可惜一兩年遊客越嚟越多,好多主要景點嘅公廁都越嚟越污糟‥‥‥

Read more ›

【星戰之日常】黑武士去公廁白兵護駕 超級英雄figure突入實景

早幾日報導過攝影師Paweł Kadysz嘅「黑武士之日常」相集,今日又有另一位好介紹,嚟自加拿大嘅Daniel Picard好鍾意流行文化,呢輯相將星戰角色、超級英雄融入生活,例如黑武士去公廁、蝙蝠俠周街噴塗鴉,每張都好精彩,佢嘅做法係將自已嘅figure擺好指定動作再影相,之後用軟件key返入實景相度,佢之前出過本相集《Figure Fantasy》,入面有大量figure寫真實景相,amazon有得買,水準好高,推介。

Read more ›

日本公廁似發光甜品 靚到唔急都想去

呢度唔係遊樂場,只係普通日本街頭,呢間亦唔係糖果屋,其實係一個公廁,有名堂曰「Melting Dream」,屬Oita Toilennale藝術節展品之一。呢個靚到只有童話世界先有嘅公廁,由藝術家Minako Nishiyama、Mika Kasahara同Yuma Haruna合力創作,顏色鮮艷奪目,以紅色為主題色,無論尿兜牆壁抑或廁格大門,統統都俾雪糕圍繞,夜晚著埋燈就更加夢幻Feel,真係靚到唔急都想入去參觀吓。

Read more ›