Post Tagged with: "公園"

日本超細「公園」 得一隻熊貓搖搖椅Twitter熱傳
by / on 24/07/2019 at 7:13 am

日本超細「公園」 得一隻熊貓搖搖椅Twitter熱傳

想像中日本嘅公園通常都好靚好大,但凡事總有例外。最近有網民發現喺東京神田有個好細嘅公園,最奇妙嘅係中間只有一個俾小朋友玩嘅熊貓搖搖椅,旁邊完全無其他設施,連棵樹都無。網民都話呢個設計好奇怪,懷疑當局係咪突然超支所以加唔到其他嘢。有網民分享返未改裝前呢度原來有好多俾街坊健身嘅簡單設施,似乎改完仲差過未改。入嚟有得睇埋其他公園嘅特別設計。

Read more ›

【有片】螺旋形之棒 日本公園呢個裝置點樣玩?
by / on 02/06/2019 at 3:40 pm

【有片】螺旋形之棒 日本公園呢個裝置點樣玩?

香港越嚟越少公園,就算有,入面啲設施都好似冇以前我哋細個啲咁刺激,滑梯又高啲啦,爬嚟爬去嗰啲馬騮架都高好多……咁日本就有網民喺公園見到呢個裝置,到底點樣玩呢?之後有網民搵到個正式名叫「くるくるすべり棒」,仲有人出圖,話自己整咗個鞦韆俾仔女,好正!

Read more ›
日本地震後遺症 大阪公園出現「流浪貓」
by / on 25/06/2018 at 7:16 am

日本地震後遺症 大阪公園出現「流浪貓」

早前大阪地震,好多喵嚇到跳窗走,喺Twitter搜尋「#迷子猫」就會見到大量貓主尋貓嘅啟事。啱啱有人喺大阪某公園見到一隻肥貓,睇個樣好哀愁,加埋肥肥哋嘅身型,都估到佢係有主人養開嘅,樓主話佢每見到有人經過就會喵喵叫,相信好努力咁搵緊主人。希望佢同埋其他走失咗嘅貓,都可以快啲成功返到屋企啦。

Read more ›
日本名古屋公園「低頭族」陷阱   網民話似遊戲畫面
by / on 02/05/2017 at 7:49 am

日本名古屋公園「低頭族」陷阱 網民話似遊戲畫面

今時今日個個行路都望住部手機,如果條路好似圖中呢條咁,大家肯定死梗嘞!有日本網民最近放咗呢張相上Twitter,地點係名古屋嘅久屋大通公園,網民睇完都好有共鳴,仲話好想裝個鏡頭偷拍有無人中招。另外樓主話呢個格局令佢諗起《Dark Soul》、《古惑狼》之類嘅遊戲,好多網民出圖回應,入嚟有回帶。

Read more ›
【有片】公園伯伯就是強 上野公園體操單槓選手
by / on 29/04/2017 at 10:45 am

【有片】公園伯伯就是強 上野公園體操單槓選手

傳說中九龍仔公園都曾經出現過轉到上天嘅隱世體操阿伯……日本方面,呢位日本網民就遇到一位,見到佢專業嘅起手式,最後落地嗰吓引嚟圍觀者歡呼同埋拍手,勁呀伯伯!不過都係小心啲好。

Read more ›
日本札幌公園紅葉配雪景超靚    北海道風景圖twitter熱傳
by / on 07/11/2016 at 7:14 am

日本札幌公園紅葉配雪景超靚 北海道風景圖twitter熱傳

噚日報導過日本北海道札幌已經有積雪,去玩嘅記住著多件衫嘞。日本仲有人影咗札幌大通公園嘅靚景,地下有遍地紅葉,紅葉下仲有積雪,超靚!輯相喺Twitter熱傳。估唔到秋天嘅紅葉配冬天嘅積雪可以咁靚,睇完好想即刻飛去北海道呀!

Read more ›

【有片】去到日本!超正喵星人專用背囊 肥喵親身測試行公園
by / on 06/10/2016 at 7:13 am

【有片】去到日本!超正喵星人專用背囊 肥喵親身測試行公園

呢個喵星人專用嘅背囊都一排喇,之前都介紹過,香港都有得賣啦,不過今次去到日本有埋真貓示範。呢段片最近喺日本Twitter熱傳,片中嘅喵星人同貓奴一齊行公園,坐喺背囊嘅佢好好奇,周圍望風景,個肥貓頭搖嚟搖去勁可愛,唔止佢開心,跟喺佢後邊嘅途人都睇得開心。入嚟有回帶,amazon有類似款式有得買。

Read more ›
【唔係掛】日本汪星人以為去公園  發現去「動物醫院」即時變臉
by / on 27/08/2016 at 11:10 am

【唔係掛】日本汪星人以為去公園 發現去「動物醫院」即時變臉

汪星人唔單止聰明,認路仲好叻。最近呢段片喺Twitter熱傳,片中嘅日本狗狗坐喺主人架車入面,好開心咁望住車外風景,一心諗住去公園玩,點知當佢突然發現原來係向住動物醫院出發時,表情即時巨變,仲露出好驚驚嘅樣,雖然有啲可憐,但係網民就覺得佢好可愛又好好笑嘞。

Read more ›
神秘比卡超石像現身公園       網上熱烈討論粉絲趕住影
by / on 08/08/2016 at 7:15 am

神秘比卡超石像現身公園 網上熱烈討論粉絲趕住影

《Pokemon GO》嘅新update激嬲唔少fans,不過見夜晚公園依然人山人海,就知班精靈訓練員仲係咁齊心。最近喺美國New Orleans嘅fans仲厲害,一夜之間喺公園入面起咗個巨型比卡超石像,蹺晒手嘅比卡超腳下踩住個精靈球,好正。估計應該係用樹脂或者玻璃纖維製造,但就無人知係邊個興建,但就成為咗網上嘅熱門話題,好多人仲專登去影相留念,有人仲專登cosplay埋比卡超去跳舞拍片,入嚟有得睇。

Read more ›
紐約市公園設計圖似足《進擊的巨人》 超高圍牆與世隔絕
by / on 27/03/2016 at 1:08 pm

紐約市公園設計圖似足《進擊的巨人》 超高圍牆與世隔絕

第一眼見到呢張相就諗起《進擊的巨人》,不過呢個地點喺紐約,而個城牆唔係50米高,而係3028米高!可惜暫時只係構思。設計師 Yitan Sun同埋Jianshi Wu想建造一個與眾不同嘅紐約市公園,唔單止大,而且要深,佢哋希望挖深地底睇到岩床,另外每面圍牆都用上高反光玻璃,令到視野更加廣闊。不過地價咁貴,有生之年都唔知有無機會睇倒呢個咁特別嘅公園。

Read more ›
【放豬】墨西哥流行公園放豬 日本網民睇到流口水
by / on 20/11/2015 at 7:15 am

【放豬】墨西哥流行公園放豬 日本網民睇到流口水

之前都見過有人養豬仔當寵物,不過帶佢哋去公園散步我都係第一次見。最近墨西哥就興起帶豬仔去公園散步,據講係身份嘅象徵,有人仲幫隻豬仔著埋靚衫扮靚,好浮誇。件事法新社報導完之後,好快就傳到日本,日本網民嘅留言好精警,例如話:「睇到口水停唔到」、「非常時期可以做食材喎」、「飼料嘅駛費應該好平,因為豬乜都食。」,有人仲話著咗衫嘅黑豬有啲似芝娃娃!

Read more ›

巴西貘BB誕生 日本伊豆公園有得睇
by / on 16/10/2015 at 7:12 am

巴西貘BB誕生 日本伊豆公園有得睇

呢隻巴西貘BB我覺得有啲恐怖,不過日本網民就覺得佢好得意!啱啱喺日本伊豆シャボテン公園出世,同爸爸媽媽唔同款,唔係深褐色而係自成一格嘅梅花班紋,身長40cm高30cm。翻查資料,巴西貘係南美洲最大嘅野生陸地動物,雖然佢哋天生細膽,但都有攻擊性,之前愛爾蘭動物園就有隻啱啱生咗BB嘅巴西貘媽媽咬傷咗個2歲半女童,仲將女童個肚劏開11厘米闊嘅傷口,好恐佈。好彩女童最後康復出院,所以下次見到巴西膜都要小心啲,千祈唔好一邊篤佢哋一邊嗌好得意呀。

Read more ›
新片速報《侏羅紀公園》真人版   紐約公園搞事
by / on 12/11/2013 at 7:17 am

新片速報《侏羅紀公園》真人版 紐約公園搞事

《侏羅紀公園》我上星期先翻睇完,雖然特技有啲舊,但依然覺得好刺激。啱啱喺網上見倒有人翻拍現實版侏羅紀,不過發生地點係紐約嘅Prospect公園!一開始有四個打扮抄足侏羅紀嘅演員,揸住架四驅車周街問人侏羅紀公園喺邊,睇到結尾居然有巨型恐龍出現,途人嚇到雞飛狗走,個人認為啲演員嘅戲流流哋,隻恐龍就‥‥‥都幾大隻嘅‥‥‥

Read more ›