fbpx

Tag: 全球

《動物之森》全球流行「鄰居等級表」 S+級動物得6隻

《動物之森》全球流行「鄰居等級表」 S+級動物得6隻

最近見《動物之森/ 動物森友會》嘅鄰居仲多過見真實嘅朋友,有人嫌自己嘅鄰居樣衰會趕佢走,有人好珍惜自己嘅得意動物,啱啱日本Twitter熱傳呢個全球流行動物排名,睇到不同動物嘅等級,唔係一定得意就高等級,S+級只得6隻,快啲睇吓自己啲鄰居係咩等級啦。

Read more ›

【新片速報】《龍珠》超型宣傳短片    斯路宣言全球入侵

【新片速報】《龍珠》超型宣傳短片 斯路宣言全球入侵

呢段廣告宣傳片好型,龍珠手機遊戲《Dragon Ball Z Dokkan Battle》公佈全球下載數突破3億,段新片見到喺渋谷最旺嘅街頭,以至世界各地嘅屏幕,都被入侵見到斯路嘅宣言!段片喺Twitter一日唔夠已經超過500萬瀏覽,入嚟有片睇。

Read more ›
ZOZOTOWN創辦人Twitter派100萬円 x100    破全球紀錄3日500萬轉發

ZOZOTOWN創辦人Twitter派100萬円 x100 破全球紀錄3日500萬轉發

日本時裝購物網Zozotown嘅宣傳一向唔錯,之前聯乘Pokemon推出過懷舊8bit產品,又試過送緊身衣幫客人量度呎吋,最近佢哋嘅創辦人兼CEO前澤友作趁新年喺Twitter搞咗個派利是活動,由於新年期間銷售額突破100億円,佢親自拎每人100萬円出嚟派俾100個網民。參加方法就係轉發佢個帖同埋follow佢帳戶,由1月5日開始為期兩日,直至今日已經有超過560萬個轉發,打破咗全球Twitter最高轉發次數!而佢嘅帳戶followers亦由50萬左右跳升到超過600萬,好誇張!

Read more ›
【有片】全球最凍地方 跌破零下62度一樣要返工

【有片】全球最凍地方 跌破零下62度一樣要返工

喺香港10度以下都覺得好凍,但其實全球最凍嘅地方喺Oymyakon,啱啱跌到落零下62度!置身其中連眼睫毛都會結冰。而魚市場啲魚全部唔駛雪,因為本身已經夠晒凍。呢個地方係俄羅斯西伯利亞東北部一個村莊,海拔大約741米,係有人定居之中最凍嘅。村入面住咗500人,不過零下62度都一樣要返工,學生就好啲,低過零下52度就唔駛返學嘞!不過佢哋嘅夏天都好似香港咁熱,6-8月有時會高過30度。呢個咁特別嘅地方都吸引咗好多遊客,例如之前就有幾個中國籍男人唔著衫喺池入面潑水,仲拍埋片‥‥‥入嚟有大量相同片睇。

Read more ›
全球最多人睇過嘅相 攝影師再拍攝3張新作

全球最多人睇過嘅相 攝影師再拍攝3張新作

先補充一下冷知識先,呢張Windows XP嘅Wallpaper相信大家都見過,原來佢有個名叫「Bliss」,又原來佢係由攝影師Charles O’Rear喺1996年喺美國加州Sonoma County拍攝嘅。至今呢張相已經有超過10億人睇過,係全世界最多人睇過嘅相。最近呢位已經76歲嘅攝影師為航空公司Lufthansa拍攝咗呢外3張相,都係風景圖,主要係為智能手機而設嘅wallpaper,入嚟有得欣賞吓,好高質,不過要好似當年嗰張咁受歡迎,可能要iPhone預載咗做開機wallpaper先得嘞。

Read more ›
89歲全球最老外科醫生     每日做4個手術

89歲全球最老外科醫生 每日做4個手術

89歲依然可以活得好精彩。呢位今年88歲嘅婆婆Alla Illyinichna Levushkina係全球最老嘅外科醫生,雖然已經88歲,但每日依然做緊大約4個手術!喺墨西哥附近嘅醫院Ryazan City Hospital工作嘅佢行醫67年,做過過萬個手術,但就話無諗過退休。至於長壽嘅秘訣佢話主要都係乜都食、經常笑同喊,咦,你同我都得喎。

Read more ›

【圖集】全球最年長喵星人 31歲食得瞓得一臉霸氣

【圖集】全球最年長喵星人 31歲食得瞓得一臉霸氣

喵星人最長壽可以去到幾歲?原來大過31歲都無問題嘅!31歲,即係人類嘅141歲,人瑞級數嘞。呢隻喵星人Nutmeg被認為係全球最年長嘅喵,啱啱過咗31歲生日。26年前佢喺主人Liz嘅後花園出現,之後就成功被收養,上年佢嚴重中風,不過好快已經康復,仲越嚟越強壯。由於佢係老人家,所以每朝早5點就會起身要嘢食,不過養佢嘅主人都越嚟越老,大家一齊早啲起身晨運咪啱晒囉,祝你健健康康,食得瞓得,繼續奴役人類。

Read more ›
全球最高19歲男 234cm多病痛要加油

全球最高19歲男 234cm多病痛要加油

234cm,7呎8吋,係全球最高嘅青年,如果佢以呢個速度繼續長高,相信好快就會高過全球最高、8呎2吋嘅Sultan Kosen。呢位喺美國Michigan嘅青年Broc Brown,佢阿媽話佢讀幼稚園時已經5呎2吋,到中學已經6呎,高中就7呎……高人一等,但係其實係患上「cerebral gigantism」,已經心臟、脊髓都有問題,仲天生只有一個腎,佢細個嗰陣,仲有人同佢阿媽講過話佢養唔大……好彩係o依家情況都幾好,係買衫褲鞋、床同凳全部要訂造駛多啲錢咁,希望佢身體健康啦,仲快唔快高長大就……

Read more ›
【相集】全球最巨型喵星人 「緬因貓」霸氣十足

【相集】全球最巨型喵星人 「緬因貓」霸氣十足

噚日介紹過一隻重28磅長4呎嘅巨型緬因貓(Maine Coons),其實呢個品種嘅喵星人係家貓之中最巨型嘅。外國攝影師Robert Sijka好鍾意影貓,佢嘅Facebook有大量緬因貓嘅相,全部都好高質,緬因貓隻隻個樣都好霸氣,有啲似老虎,而且細細隻個樣已經好成熟,入嚟有得慢慢睇,大開眼界呀!

Read more ›
【人類最強body】全球最年長健美婆婆 每星期跑130公里

【人類最強body】全球最年長健美婆婆 每星期跑130公里

成日嗌攰唔做運動嘅我,睇完呢輯相有啲無地自容。呢位啱啱80歲嘅婆婆Ernestine Shepherd係全球最年長嘅女性健身者。佢每日凌晨3點鐘起身,每星期跑130公里,主要食蛋白、雞肉、蔬菜同飲大量嘅水。佢仲喺2010贏咗健力士世界紀錄最年長女健身者嘅名銜,好威威。不過我發現佢都係由56歲開始做運動,即係話我仲可以hea多一段長時間‥‥‥

Read more ›
【新片速報】全球最長單車誕生 36米長只可以行直路

【新片速報】全球最長單車誕生 36米長只可以行直路

自從有咗健力士世界紀錄,幾無聊嘅嘢都可以攞嚟鬥,最新破紀錄嘅有呢架號稱世界上最長嘅單車,長度接近36米,只可以行直路,全架單車都係用演唱會經常見到天花板掛燈嘅桁架(Trusses)連接,單車無坐位,所以坐喺啲桁架上面踩都幾痛吓。架車只有兩個坐位,一個喺最前一個喺最後,不過要搵到咁長嘅大直路可以踩到一啲都唔容易,同埋都係唔明點解要整咁長。

Read more ›

Instagram網羅全球「潮爸」 fashion嘅嘢‥‥‥

Instagram網羅全球「潮爸」 fashion嘅嘢‥‥‥

Fashion嘅嘢,我哋識條鐵咩?呢班型棍阿爸走在潮流最前線,外國Instagram有個叫「fashiondads_」嘅帳戶,網羅全球型爸肉照,有豹紋長褲配赤膊,有短褲短襪襯穿窿Crocs,仲有全紅色嘅短褲光棍腳造型,留意佢哋悠然自得嘅表情,薑果然係老嘅辣。如果香港要搵潮爸,我淨係諗到四哥夠資格入呢個group。

Read more ›
新片速報     全球首個截肢女歌手 新MV未來義肢型到震

新片速報 全球首個截肢女歌手 新MV未來義肢型到震

就嚟踏入2015年,係需要一啲突破,一啲正能量。網上見倒呢個歌手Viktoria Modesta嘅MV,好想介紹比大家。佢係世界上第一個截肢嘅流行歌手,得返一條腿嘅佢最近出咗首新歌《Prototype》MV,載歌載舞之餘,仲換上不同款式充滿未來感嘅義肢,型到震。個MV仲有故事,最後話比大家知:「Some of us were born to be different」啱!同其他人唔同唔緊要,最重要堅持自己信念,識欣賞嘅自然會識欣賞。

Read more ›
文青必到! 全球最大Starbucks   樓高三層有圖書館

文青必到! 全球最大Starbucks 樓高三層有圖書館

日本嘅Starbucks經常有限量產品買,原來部份可能出自西雅圖Capitol Hill呢間全球最大嘅Starbucks。呢間樓高三層嘅Starbucks,除咗有兩個咖啡吧枱,仲有餐廳、圖書館同埋生產少量Starbucks產品嘅工廠。設計方面好有歐陸情懷,而且夠環保,天花板嘅日光可以透射到下面幾層,年中慳返唔少電費。

Read more ›
倫敦貴樓!媲美香港劏房   床位上「二樓」

倫敦貴樓!媲美香港劏房 床位上「二樓」

倫敦最近樓價同香港一樣嚇死人,咁香港有劏房,英國倫敦都有號稱全球最細嘅單床套房。位於北倫敦Barnsbury嘅呢間屋,只得188呎,賣港幣360萬左右。間屋麻雀雖小,但就有齊廚房、浴室、客廳,因為張床搬咗上二樓,要上床瞓覺就要由廚房旁邊嘅位置爬上「二樓」,好彩樓底夠高,不過瞓覺就要小心碌落床,死硬。

Read more ›