Post Tagged with: "全新"

東京比卡超Cafe一週年紀念 全新Menu櫻花比卡超好可愛
by / on 04/03/2019 at 7:19 am

東京比卡超Cafe一週年紀念 全新Menu櫻花比卡超好可愛

唔經唔覺日本嘅Pokémon Cafe已經開咗1年,為咗慶祝,由3月14日至4月26日會推出新menu,其中最吸引係比卡超嘅櫻花主題蛋糕,其餘仲有奇異種子蔬菜漢堡、噴火龍烤肉等等新菜式,飲品照舊都有杯墊送,今次仲每位客人都會送一張一周年紀念限定嘅「櫻花比卡超午餐墊」,去開東京嘅比卡超迷記住訂枱嘞。

Read more ›

【奇特】日本全新女子組合 要用「虛擬貨幣」睇演唱會
by / on 08/01/2018 at 7:23 am

【奇特】日本全新女子組合 要用「虛擬貨幣」睇演唱會

日本嘅女子組合有好多,不過今次呢個真心覺得奇特,呢隊「仮想通貨少女」唔止造型夠晒獨特,女僕服裝加面具,更特別係佢哋目的係宣傳虛擬貨幣。8個成員分別代表不同貨幣,例如大家熟悉嘅Bitcoin又或者Ethereum、NEO、MonaCoin等。將來要睇佢哋嘅演唱會又或者買佢哋嘅產品,都係要用虛擬貨幣。不過佢哋喺Twitter強調自己唔係推廣投資,而佢哋所揀選嘅8種貨幣,都係有信心喺未來會繼續存在嘅,信唔信先?

Read more ›
日本Sailor Moon Cafe     全新Menu東京/大阪/名古屋9月開店
by / on 11/09/2017 at 7:19 am

日本Sailor Moon Cafe 全新Menu東京/大阪/名古屋9月開店

去開日本嘅Sailor Moon迷嚟緊又可以再去Sailor Moon Cafe嘞,官方啱啱公佈東京、大阪同名古屋都會開期間限定嘅Sailor Moon Cafe 2017,有全新Menu,最搶眼應該係禮服蒙面俠嗰個全黑咖喱飯,好似跌咗入黑洞咁。另外好大陣仗嘅芭菲都好特別,東京嗰間最早開,9月22日開始,大阪同名古屋分別係9月28日同29日,提提大家,想去嘅記住要預約。

Read more ›
【新片速報】麥當勞比卡超全新展示法 美國CES跳盒而出Twitter熱傳
by / on 09/01/2017 at 7:12 am

【新片速報】麥當勞比卡超全新展示法 美國CES跳盒而出Twitter熱傳

美國消費電子展CES啱啱完咗,其中好多日本網民留意呢段片同喺Twitter分享。影片示範用Hologram展示麥當勞開心樂園餐,比卡超會喺個盒度跳出嚟,個漢堡又會轉轉吓。其實Hologram唔係新嘢,今次由英國公司kino-mo展示嘅全新Holograms裝置,名為Kino-mo Hypervsn。BTW,如果未來全線麥當勞都用呢啲裝置做展示牌,等嘢食嘅時候都幾頭暈,不過小朋友應該好開心。

Read more ›
AC米蘭新竇內部圖集  紅黑主色超巨型UEFA盃
by / on 08/07/2014 at 8:35 am

AC米蘭新竇內部圖集 紅黑主色超巨型UEFA盃

世界盃嚟到尾聲,好多愛隊已經出局,係時候收拾心情留意吓聯賽消息。最近意大利嘅AC米蘭搬總部,由用咗50年位於Van Turati嘅舊址,搬到去新地點Casa Milan,大家都好八卦球會總部係點嘅樣?首先所有裝潢都係用返球會嘅經典紅黑色,入面有餐廳、寫字樓、賣紀念品嘅商舖同埋博物館,仲有個3米高嘅UEFA獎盃,超巨型。入面仲展示咗好多足球、球衣,最型係屋頂,有球員模擬起腳踢波,入嚟有相慢慢睇,AC擁躉下次唔好去錯舊舖喇。

Read more ›
超曳Emoji公仔    舉中指作嘔好實用
by / on 10/12/2013 at 7:26 am

超曳Emoji公仔 舉中指作嘔好實用

玩WhatsApp最開心莫過於用Emoji嘅得意公仔,可惜好多想用嘅圖案都無得玩,例如嘔吐、condom、舉中指呢啲大膽啲嘅設計。無聊網友Adam Ellis同埋Conz Preti最近就設計咗18個新Emoji,睇落幾實用,網站仲有教學,模擬大家喺WhatsApp入面點活用呢啲公仔,好幽默。不過呢兩日大家都玩緊路姆西,咁正經嘅公仔都係提唔起大家興趣o架喇。

Read more ›