fbpx

Tag: 內褲

日本創意扭蛋     男裝內褲「重要位置」抽出紙巾

日本創意扭蛋 男裝內褲「重要位置」抽出紙巾

日本嘅扭蛋題材層出不窮,最近KOROKORO就推出呢款古怪扭蛋,係男裝內褲嘅紙巾袋呀!紙巾可以喺呢個隱蔽位置抽出,好有創意。另外佢本身都係一個袋仔嚟嘅,可以裝headphone、眼藥水等細小雜物,內褲一共有4個款式,都係大路嘅格仔、直條紋,4月推出,鍾意嘅記住留意返。

Read more ›

《聖鬥士星矢》內褲 青銅聖衣系列登場

《聖鬥士星矢》內褲 青銅聖衣系列登場

都唔知第幾彈咯,《聖鬥士星矢》內褲出到青銅聖衣系列,天龍座、天馬座、鳳凰座、仙女座同白鳥座有齊,紫龍、星矢、一輝、瞬同冰河你鍾意邊款?各3024日圓。講明男女都啱著喎,不過話雖如此,但我唔會揀瞬囉,若真個著上身,硬係覺得唔知點咁。

Read more ›
【有片】實在太強!甜睡系列 日本推出小褲褲枕頭套

【有片】實在太強!甜睡系列 日本推出小褲褲枕頭套

真係威,咁都諗到,條片仲教埋你點用先至係專家,首先你要套落個枕頭度,之後可以枕個頭上去,又可以聞一聞好醒神,之後仲可以……對唔住,我講唔出口。2376円,如果阿媽問你咩嚟,你可以照直答佢係一條內褲,如果佢再問你點解肥咗咁多同點解係女裝嗰陣,你唯有答佢係你女朋友留低o架啦,冇事嘅。

Read more ›
【放送事故】日本年輕主播露底走光 網民討論內褲款式

【放送事故】日本年輕主播露底走光 網民討論內褲款式

睇到「日本」、「主播」、「露底」呢啲字,的確會引到好多人入去,呢個日本2ch討論區嘅標題黨成功引咗網民入去,結果?原來係男人嚟嘅!不過佢無講大話,真係爆呔露底,而且露得好徹底,網民發現佢嘅條紋內褲好似Paul Smith出品,有人話佢著得太花巧,有人笑個「提供目」,仲有人話攝影機專登影住呢個位好有惡意。記住下次條褲唔好買咁緊嘞!

Read more ›
【學術研究】日本網民熱烈討論:「真係有女仔著內褲直接坐?」

【學術研究】日本網民熱烈討論:「真係有女仔著內褲直接坐?」

唔講真係無乜留意,講起又好多人想研究吓。日本網民最近研究女學生喺動漫入面「坐」嘅細節,發現啲女生如果裙太短,會變成著住內褲直接坐喺枱面,於是問現實生活會唔會發生?有人留言話:「咁坐會好凍喎」、「夏天就得,冬天太凍」、「根據我嘅經驗,女校會發生」、「好污糟喎」、「少數人會咁做」、「用男人比喻嘅話,大概等於除咗條褲小便」、「踩單車好多都係咁樣直接坐」。有圖有真相,除咗漫畫圖仲有真人圖。BTW,其實好多女仔短裙入面著咗打底褲,大家諗多咗啫。

Read more ›
日本喵星人性感扭蛋    一條底褲兩份著超可愛

日本喵星人性感扭蛋 一條底褲兩份著超可愛

日本扭蛋公司RE-MENT今次呢套扭蛋應該會令貓奴瘋狂。今次主題係偷著主人內褲嘅喵星人,總共有9個款式,內褲包括野性嘅豹紋、通爽嘅日式底底、卡通公仔,不過最正都係「I Love Dog」同埋兩隻喵星人一條內褲兩份著呢兩個款式。想買嘅要等到9月5日,作為貓奴,應該想儲齊一套啦!

Read more ›

【新片速報】日本品味男裝內褲    吹過夏威夷空氣網上限售100套

【新片速報】日本品味男裝內褲 吹過夏威夷空氣網上限售100套

呢條由日本公司Seiren生產嘅男裝內褲DEOEST好勁,聲稱喺夏威夷嘅山邊晾曬過,所以著起嚟特別輕柔舒適,而家喺官網或者樂天網有得買,6580円,但係只限網上訂,而且限量100套。佢哋仲拍埋片,影住一條條內褲喺山上隨風飄揚。唔知有無得同時間買埋瑞士山區肺呢?一次過買可以慳啲運費嘛。

Read more ›
日本網民又投票 最令男人退縮的內褲顏色

日本網民又投票 最令男人退縮的內褲顏色

女性只著內衣,本來係一個好性感嘅Moment,都唔駛諗咁多嘢喇,但偏偏日本人向來都好感性,所以又搞咗個投票,主題就係見到咩色嘅內褲會反感。第一位係米色,我會理解為肉色,而投票者就話係因為太有大嬸嘅感覺;第二位係紫色,話太浮誇喎。之後就有女性出聲鬧:「你哋係咪入得二次元太多,吓吓綠色、粉紅色橫間先睇得開心?」唔,係,我哋係值得反省吓……呢個投票雖然只係得97個回答數(22歲至39歲嘅在職男性),但睇到都自然會諗,最驚都係肉色啦,最鍾意……白色?

Read more ›
新片速報    8-bit女裝t-back  真人演釋集資生產

新片速報 8-bit女裝t-back 真人演釋集資生產

用8 bit圖像整成嘅tee見得多,女裝T-back內褲都係第一次見。設計師唔係男人,而係來自葡萄牙嘅一男一女,由於兩位自細好鐘意打機,於是興起自製8-bit內褲嘅念頭,仲搵埋性感model親身演釋,效果好養眼。佢哋而家喺Indiegogo集緊資,價錢方面都唔平,$25美金一條,即係大概港幣$200左右,有齊8隻色任揀,另外免運費,買美金$75仲有珍藏銀色版,有埋number同簽名。作為遊戲迷,我覺得可以支持吓,但係買完之後送比邊個好?

Read more ›
碧咸內褲廣告老翻版    現實總是殘酷的

碧咸內褲廣告老翻版 現實總是殘酷的

現實總是殘酷的,睇廣告見碧咸、龍格堡賣內褲廣告,一嚿嚿腹肌好似畫出嚟咁(葡萄話),現實係點?外國媒體The Sun搵咗一班肥肥哋嘅男士,叫佢哋模仿Calvin Klein、Armani、D&G廣告入面嘅造型同甫士影相,效果好奇異,睇完就明點解碧咸咁紅。補充一點,呢個post我係為重口味嘅女讀者而寫,如果男讀者想警惕吓自己都歡迎入嚟參觀。

Read more ›
Bandai手機內褲第二彈   富士山配神秘格仔貼

Bandai手機內褲第二彈 富士山配神秘格仔貼

Bandai之前3月份推出嘅iPhone內褲「SmartPants」大受歡迎,近排日本最hit話題係富士山成為「世界遺產」,呢條底褲仔都應一應節,推出第二彈,除咗富士山款式,仲有蕉仔同埋窩釘等款式,最特別係今次仲跟內褲送多一個「神秘格仔貼」,比你貼喺內褲嘅神秘地帶,嘻,即係Home掣呀!預計7月底開賣,照舊200円一條,一套七款,想買真係要去信和問吓相熟舖頭,或者叫去開日本嘅朋友幫手買,到時幫我買多份吖唔該。 

Read more ›

Bandai推出iPhone內褲 遮住Home掣唔走光

Bandai推出iPhone內褲 遮住Home掣唔走光

開頭睇到呢段news嘅時候,真係估唔到係大廠出品。呢幾條名為「SmartPants」嘅底褲,係俾iPhone著嚟遮住個Home掣嘅,當然,你部GS III或者Xperia想著都可以著,不過著咗你按唔到啲掣咁解啫。講番正題,一套8款,每條200円,會喺3月開賣,喺佢哋嚟到香港之前,相信會成為遊日嘅最佳手信!不過,我都係鍾意唔著褲通街走,奔放吖嘛!

Read more ›