Tag: 入錢

日本超實用locker小窗口 拎漏嘢唔駛再入錢

日本超實用locker小窗口 拎漏嘢唔駛再入錢

去親日本都會善用佢哋嘅locker,特別係買完好多嘢,或者臨上機前準備去血拼嘅時候。日本有網民分享咗北海道札幌車站呢款locker, 每格locker仲有個小型開關口,俾啲大意嘅朋友漏咗嘢都可以拎返,例如漏咗支嘢飲呀,漏咗個散紙包呀之類,方便拎之餘又唔駛扣錢,好偉大嘅發明。之後有網民話小樽站都見到,似乎都幾普遍。

Read more ›

古惑鬧鐘 想重響要入錢

自從鬧鐘有咗Snooze呢個重響功能之後,大家越嚟越爛瞓,同房阿哥個鬧鐘每隔10分鐘響一次,響足一粒鐘,真係好想跳起身踢醒佢,可惜眼瞓時手軟腳軟‥‥‥好喇,終於有救星嘞,呢個鬧鐘個樣無乜特別,但如果你想按Snooze掣叫佢遲幾分鐘再嗌醒你時,就要入!錢!喺咁重要嘅時刻,究竟大家會入錢繼續瞓,抑或死死地氣起身?建議送比同房嘅兄弟姊妹或者伴侶,再唔係想儲錢嘅都可以考慮買返個,盛惠美金$39.99,不過要先準備定硬幣喺床頭。

Read more ›