fbpx

Tag: 入樽

保證入到樽Party Room 送球星聖誕卡

保證入到樽Party Room 送球星聖誕卡

「TimeOut」由兩個後生仔經營,裡面有機打、有波睇、有水吹、有畫睇、有嘢食有嘢飲,最重要係有一個係人都保證入到樽嘅可調校升降籃球架,係一個知道呢一世都唔夠高入樽嘅籃球發燒友Party Room。臨近聖誕,佢哋當然歡迎大家租場開P,仲有自家繪製球星聖誕卡免費派發添。支持小店,支持肯用心畫公仔嘅人,啲畫都畫得好唔錯架。大家未諗到地方開P的話,不妨考慮吓。

Read more ›

【有片】現實中還原 《Slam Dunk》櫻木、宮城突襲山王

【有片】現實中還原 《Slam Dunk》櫻木、宮城突襲山王

《Slam Dunk》嘅高校生,無論身高同技術都係似外國多啲,所以漫畫入面嘅場面,都可能要交俾外國學生嚟完成……有日本網民放咗呢條片上Twitter,話好似湘北對山王,櫻木同宮城兩大天才合作嘅突襲一擊Alley-oop!

Read more ›
《Slam Dunk》新圖發佈 「一切在高中結束?」

《Slam Dunk》新圖發佈 「一切在高中結束?」

呢條題係咪好有幻想?不過唔係大家諗嗰樣,而係「スラムダンク奨学金」第10回募集嘅新圖……井上雄彥近年會出《Slam Dunk》新圖都係得呢個獎學金喇,今次見到花道、流川、沢北!一句:「高校ではおわれない、君へ。」因為呢個獎學金係俾高中生畢業後去美國留學嘅,熱血到癲!

Read more ›
有片:勾手入樽射三分 Harlem連破七紀錄

有片:勾手入樽射三分 Harlem連破七紀錄

哈林花式籃球隊(Harlem Globetrotters)喺美國亞里桑拿州鳳凰城某體育館 連破七個健力士世界紀錄,包括一,蒙眼最遠射球69呎6吋;二,一分鐘內雙人射入最多三分球19球;三,下手最遠射球84呎8.5吋;四,膝跪背籃下手最遠射球60呎7.5吋;五,蒙眼勾手最遠射球50呎3.5吋;六,用鼻轉籃球最長時間7.7秒;七,一分鐘最多入樽15個。老實,首先,每項紀錄都唔知NG咗幾多次,另外,除雙人射三分同入樽之外,其他項目都係符碌居多,亂拋亂掟唔使點技術,我同你,分分鐘都可以維園街場破紀錄。

Read more ›
有片:擔梯+打觔斗+跳彈床 創意Dunk勁到核爆

有片:擔梯+打觔斗+跳彈床 創意Dunk勁到核爆

新一季NBA開鑼,睇Stephen Curry、LeBorn James同James Harden大顯身手固然開心,睇創意Dunk其實一樣開心!以下呢五個Dunk真係勁到核爆,一,騎膊馬騎到高過個籃,打橫直落入樽;二,跳彈床加轉體720度,入樽一次過入兩個波;三,擔梯企得高個籃框,打後空翻直至灌籃;四,超高屋頂跳入泳池入樽;五,雙人合作,跳彈床打觔斗再交波,後者接實籃球再入樽……唔好講其實唔難,有一定危險性,有能力都未必有膽識玩呀。

Read more ›
新片速報 神級籃球入樽片 2百萬點擊YouTube熱爆

新片速報 神級籃球入樽片 2百萬點擊YouTube熱爆

呢條籃球片超正,由外國好出名嘅YouTuber NigaHiga製作,玩機關傳籃球,最後仲入埋樽,3日已經過2百萬點擊,必睇!一般玩骨牌效應嘅機關都係用波子,今次就改用大大個籃球,玩法複雜機關都放大晒,而且今次傳送嘅路程勁遠,仲有超過10個人一齊合作傳球,由屋內玩到屋外,規模好龐大,難怪準備都要用足3日,記住睇埋個結尾,堅好笑。

Read more ›

毛織《Slam Dunk》安西教練 軟綿綿有神韻

毛織《Slam Dunk》安西教練 軟綿綿有神韻

呢啲毛織嘅公仔,旺角都有得買,不過初心者買番屋企,都係體驗吓理想與現實咁解啦。日本高手嘅手藝就幾神喇,佢仲自製作品,而呢個作品就係《Slam Dunk》嘅安西教練!有氣勢又有動感,記唔記得呢一幕係邊段先?山王!流川!佢仲拍咗教學影片放咗上niconico,不如織俾我做聖誕禮物吖?咦我同緊邊個講嘢?同埋話時話,三井壽隻Figure都應該就出,仲有冇下一隻?不如安西啦!

Read more ›
有片:大學入樽比賽 6呎4吋「矮仔」奪冠

有片:大學入樽比賽 6呎4吋「矮仔」奪冠

喺美國,打籃球絕對係名成利就嘅捷徑,所以唔少大學生都攬住籃球做人,希望憑花式入樽開拓天皇巨星之路,而今年嘅冠軍Marcus Lewis,只不過係個6呎4吋嘅「矮仔」!

Read more ›
突發!《Slam Dunk》The spirit collection 大猩猩現身!

突發!《Slam Dunk》The spirit collection 大猩猩現身!

今次都算少見,之前幾隻都係出咗一隻先有下一隻實物睇,但係令次流川8月先派貨,咁快就有下一彈公佈!正!呢個「The spirit collection of Inoue Takehiko」系列嘅第5彈(第1彈係宮本武藏,第2彈櫻木花道,第3彈宮城良田,第4彈流川楓),就係湘北嘅隊長大猩猩赤木剛憲!造型師依然係TSUYOSHI SUZUKI,望落好似瘦咗少少,塊臉唔夠方……發售日未定,正如「SLAM DUNK – 4814 DAYS AFTER」facebook專頁咁講,重點係證實三井壽壓軸,同埋冇理由一隊5個少減個……

Read more ›
獵奇影片:球證搶住ALLEY-OOP

獵奇影片:球證搶住ALLEY-OOP

足球場上,球證係死物,省中球證改變方向射入龍門,照計!籃球場上,照計無乜可能會省中球證而入籃,除非……除非球證自己手多射埋一份啦。

Read more ›
軟綿綿的身體 安西教線下爬滑鼠墊

軟綿綿的身體 安西教線下爬滑鼠墊

動漫女主角嘅心口、臀部用嚟做滑鼠墊俾你墊手,其實我一直都好想買番個,可惜唔夠膽,一來唔夠膽買,二來買咗返屋企又驚俾人睇到……終於,有一個用動漫人物身體某部份整嘅滑鼠墊,係可以堂堂正正買返屋企用O架喇!係!竟然係《Slam Dunk》湘北高校嘅安西教練!咁安西教練除咗個肚腩之外邊度最軟綿綿又有彈性?冇錯,就係櫻木成日狂搣嘅下爬……日本Amazon有得訂,2,300円,5月中出貨,你好嘢!  

Read more ›

流川楓今夏推出 湘北皇牌狐狸夠傳神

流川楓今夏推出 湘北皇牌狐狸夠傳神

出完櫻木同宮城之後,「The spirit collection of Inoue Takehiko」第四彈係邊個?係流川楓吖嘛,之前講咗啦。有樣睇未?之前都有個白模,不過今次呢張相就再清楚啲。售價6,600円,唔知點解平過宮城300幾円,照睇面相就認真唔錯,有一陣狐狸味道喺度,果然係由井上雄彥監修,鈴木剛做原型製作。預定今年夏天出,唔知佢係做咩動作呢?睇佢兩隻手都向手擺,唔通就咁攬住個波喺前面咁dry?

Read more ›
流川楓登場!「The spirit collection of Inoue Takehiko」實物圖曝光!

流川楓登場!「The spirit collection of Inoue Takehiko」實物圖曝光!

嘩吼吼吼吼!井上雄彥Twitter發佈咗一張新相,就係呢個由井上雄彥監修、鈴木剛做原型製作嘅「The spirit collection of Inoue Takehiko」系列,繼宮本武藏、櫻木花道同宮城良田之後,係!流!川!楓!雖然o依家只得白模睇,但我夠膽講句,個神情同眼神都係妥晒嗰隻!雖然我估會出三井,由流川壓軸,本來有啲失望,但見到佢呢張相,把你打倒了之後!我也要去美國!

Read more ›
新片速報 完全崩壞 台灣真人版《Slam Dunk》

新片速報 完全崩壞 台灣真人版《Slam Dunk》

我本來好嬲,竟然搵呢套神作《Slam Dunk》嚟玩?簡直係一種褻瀆!但係,當我睇到片中嘅櫻木花道、流川楓,我真係嬲佢哋唔落。拍片單位係台灣嘅「瘋神無雙」,背景音樂用番原裝,成條片,基本上得個籃球同晴子小姐正常少少……不過,整睇係好笑過香港鄭伊健嗰套《男兒當入樽》……

Read more ›
食屎啦你! Asmus Toys 1/6 流川楓

食屎啦你! Asmus Toys 1/6 流川楓

原諒我咁粗鄙,恕我嬲到火燒心,咁樣影啲相出嚟,唔尊重原作者,唔尊重知識產權之外,仲唔尊重自己呀!你明唔明,流川嘅入樽入面嘅地位,相等於現實中嘅佐敦呀?佐敦呀!尖沙嘴隔籬呀!其實只要稍稍有睇過《男兒當入樽》,見到個咁嘅頭都接受唔到啦,流川楓喎,道友明我就識!但道友又冇咁大隻嗰吓衰嘛!唉,之前隻櫻木都尚叫勉強可以接受,呢隻?我o依家個樣咪同佢背後個櫻木一樣囉!

Read more ›