Tag: 入場費

紙本分格開分店入場費自由定價 首賣小梅Figure 2.0

紙本分格開分店入場費自由定價 首賣小梅Figure 2.0

「紙本分格」開Pop up Store,名為「紙本分店」。分店有乜睇?一,睇複製原畫,慢慢聞,無人趕:二,睇書,分店會闢「書櫃一格」擺放新舊漫畫同畫集,你可以舒舒服服攤喺梳化,慢慢翻煲或新睇完完整整一套漫畫;三,睇Figure,麥少峯會推出小梅Figure 2.0,首賣當日順便開埋個迷你分享會;四,睇動漫,過癮在會播埋動畫或漫畫創作Making of影片,幾有新鮮感。最最最最最令我驚訝嘅係,分店係收入費場,但入場費係自由定價嘅,即係話,如果覺得唔啱睇,你可以擺低$1閃人,無人攔你,咁你覺得Pop up Store搞得有誠意的話,咪添多些少以作鼓勵囉。呢種收費方法好有實驗性質,拭目以待。

Read more ›

銀座Aiseki Cafe Walk-in轉檯識女無限制

其實就好似嗰啲咩配對約會咁囉,不過就唔駛事先預訂,隨時想識朋友就行入去。話說東京銀座開咗間Aiseki Cafe,唔使訂檯唔使預先有伴,單泡都可以Walk-in入場。入到去,侍應會隨機招呼你坐,你大可以Order番件Cheese cake醫醫肚,再飲番杯cappuccino提提神,然後自自然會有人陪你傾偈。女仔長坐,男仔就規定每隔半個鐘轉檯一次,即係話每個男仔都可以同傾慕對象傾偈半粒鐘。收費方面,呢個Service擺明為宅男而設,所以女仔可以長Hea,入場費500日圓,男仔就第一粒鐘收2500日圓,之後每加一鐘1000日圓。咁當然,唔啱Feel嘅話,梗係可以幾時想閃就幾時閃喇。

Read more ›