Post Tagged with: "免費"

【新片速報】代替主人   日本狗狗做免費陪玩員
by / on 31/10/2019 at 7:44 am

【新片速報】代替主人 日本狗狗做免費陪玩員

喵星人好鍾意玩追老鼠,不過主人有時好攰陪唔到佢,日本呢位主人就好幸福,因為佢隻狗狗可以代替主人陪貓玩。睇片見隻狗咬住支棒同隻喵星人玩追逐,兩個自己玩得好開心,場面超溫馨!

Read more ›

京都動畫縱火案 日本整型醫生免費提供服務
by / on 23/07/2019 at 7:30 am

京都動畫縱火案 日本整型醫生免費提供服務

上星期四嘅京都動畫縱火案導致34名員工死亡,令人好心傷,除咗網民發起嘅籌款活動外,京都動畫執行長八田英明想大家毋忘死難者,提出想將現址變為紀念公園嘅諗法。另外,有整型醫生表示願意為受燒傷嘅受害者提供免費手術,由網民主動喺Twitter聯絡佢而促成,人間有愛。

Read more ›
日本超巨型MONO擦膠巴士     期間限定免費乘搭
by / on 20/06/2019 at 7:27 am

日本超巨型MONO擦膠巴士 期間限定免費乘搭

好可愛,大家讀書都用過呢隻MONO擦膠啦,有日本網民最近喺街頭見到呢架擦膠巴士,大大粒喺街上行走好可愛,睇返資料,原來呢架MONO巴士係為咗紀念誕生50週年而出現,由6月19日至21日期間喺東京嘅渋谷、原宿、表参道行走,免費乘搭,搭完仲有紀念品收,上車位置喺官下公園,見到有位記住上車嘞。

Read more ›
Pokemon過百款素材免費任用?   任天堂開放版權教育/保育專用
by / on 06/06/2019 at 7:38 am

Pokemon過百款素材免費任用? 任天堂開放版權教育/保育專用

任天堂喎?出名對知識產權管理超嚴嘅任天堂喎?佢哋經常都告人侵犯版權,今次居然免費提供任用,原來係針對學校或者教育用途而特別寛鬆。名為Pokémon Illustration Lab嘅企劃,提供超過100款Pokemon嘅插畫素材俾小學、幼稚園、圖書館等免費使用。暫時只限日本,而且必須係非牟利同埋喺設施內使用。素材包括不同角色嘅節日情景,例如比卡超著聖誕裝;另外又有黑白圖俾學生填色,最正係有埋標語海報,例如叫學生玩完嘅玩具要執返好,睇完嘅書要放學,以後小朋友返學就可以成日見到比卡超!唔少學校已經下載咗喺學校用緊嘞,入嚟有多啲圖睇。

Read more ›
東京奧運新產品 超騎呢「太陽傘帽」免費派發防中暑
by / on 26/05/2019 at 12:44 pm

東京奧運新產品 超騎呢「太陽傘帽」免費派發防中暑

唔係P圖,係真正發生嘅。呢頂太陽傘帽係日前東京都知事小池百合子,喺「2020東京奧運會和殘奧會」記者會上公佈嘅新產品。為防止民眾喺戶外觀賞例如馬拉松比賽時過熱,官方特別研製咗呢款太陽帽,仲計劃喺比賽期間免費派發俾民眾。不過網民嘅反應就負評居多,有人話從示範者個樣已經知咩事,有人仲質疑點解小池百合子自己唔戴嚟示範‥‥‥

Read more ›
【新片速報】愚人節PS4出新相 DMC5免費DLC發佈
by / on 01/04/2019 at 7:55 am

【新片速報】愚人節PS4出新相 DMC5免費DLC發佈

今日愚人節,各大遊戲品牌都出新相賀一賀,日本PlayStation就喺Twitter放咗張工匠全神貫注打磨緊部PS4嘅相,仲話今年係PS4嘅生產全盛期。之後有網民放咗段PS2年代嘅相同概念影片,入嚟有回帶。另外Capcom都放咗段DMC5嘅新公佈片段,話有免費DLC,網民睇完話好想用呢個新角色,入嚟有得睇埋。

Read more ›

日本Twitter熱傳「嘔吐魚」 免費素材網新圖超受歡迎
by / on 18/03/2019 at 7:05 am

日本Twitter熱傳「嘔吐魚」 免費素材網新圖超受歡迎

日本素材網いらすとや(Irasutoya)專門提供免費素材,畫風獨特,而且任何熱門、冷門話題都畫,好多日本政府機關都用佢嘅素材,最近佢哋又有新圖,而且喺網上引起熱烈討論,主角係一隻會吐水嘅魚,有人留言話超可愛,有人話生長喺水入面嘅魚會吐水好矛盾,原來呢張相源自於東京新聞一篇報導,話秋田縣一間酒店有提供呢款無毒嘅「紅鰭東方魨」,之後唔少網民都搵到呢款魚嘅影片,睇住佢吐水超治癒,入嚟有片睇。

Read more ›
【相集】入住Airbnb有驚喜     動物「屋主」免費任玩陪瞓
by / on 23/02/2019 at 5:26 pm

【相集】入住Airbnb有驚喜 動物「屋主」免費任玩陪瞓

去旅行住Airbnb好多好處,有時仲會有驚喜 ─ 有寵物陪住!外國好多人分享佢哋住Airbnb嘅奇遇,有啲瞓醒覺發現戶主隻貓瞓咗喺自己旁邊,亦有一入屋就發現有5隻狗仔等住佢,仲有山羊等等嘅「屋主」,難怪佢哋俾十粒星嘅滿分評價,入嚟有大量相片回帶。

Read more ›
日本Lawson限定免費推出    超靚Hello Kitty咖啡杯防熱套
by / on 20/02/2019 at 7:50 am

日本Lawson限定免費推出 超靚Hello Kitty咖啡杯防熱套

最近去開日本嘅朋友,記住去埋Lawson!官方趁Hello Kitty 45週年,合作推出咗呢個咖啡杯防熱套,雖然白色有啲易污糟,不過毛茸茸嘅質感超靚。由噚日開始喺指定Lawson嘅Machi Cafe買熱latte (500円)就可以免費得到,同期仲推出兩款Hello Kitty主題食物,分別係午餐便當(399円)同埋蘋果吉士蒸包(200円),好期待睇佢嘅崩壞版蒸包呀。

Read more ›
日本網民抽中「一年免費雪糕」 一次收幾箱變大懲罰
by / on 04/02/2019 at 7:37 am

日本網民抽中「一年免費雪糕」 一次收幾箱變大懲罰

抽獎抽中一年免費雪糕似乎好爽,不過都係理想與現實啦。日本有網民參加新幹線Smart Ex嘅活動,贏咗1年份量,即係足足367杯雪糕,不過官方運送嘅方法就好聰明,竟然係分4次送,第一次有93杯,2月初有88杯,2月中93杯,3月頭93杯,基本上再大嘅雪櫃都放唔晒‥‥‥有網民話似懲罰多過獎賞,有人話樓主應該未來一年都唔想再食雪糕。好彩樓主話佢好多朋友知道後都報名話想食,會同大家一齊分咗佢,而咁啱有另一個中獎嘅網民都見到呢個post,佢就用另一個方法解決咗啲雪糕,入嚟開估。

Read more ›
日本新出「微笑扭蛋機」   笑一笑免費扭蛋
by / on 11/12/2018 at 7:27 am

日本新出「微笑扭蛋機」 笑一笑免費扭蛋

笑一笑就可以免費扭蛋?日本呢部轉蛋機SMILE GACHA預計12月20日開始面世,特別之處係內置面部辨識系統,只要喺機前微笑就可以解鎖然後免費扭一次扭蛋。高1.9公尺,仲有埋燈光音效,入嚟有片睇。

Read more ›

【有片】超像真「水動樂」程式 免費試玩Twitter熱傳
by / on 10/10/2018 at 7:13 am

【有片】超像真「水動樂」程式 免費試玩Twitter熱傳

呢個叫WebGL Water嘅程式好好玩,仲好勁,入咗去會忍唔住狂玩。喺水池入面有個白色波,可以用mouse移動個波,可以撳mouse造成水波,仲可以撳L或者G鍵控制燈光同埋浮起個波,中途可以按space暫停,啲水嘅流動效果做得好像真,效果好正!建議用laptop嚟試,手機只可以篤芒控制個波,無咁好玩。

Read more ›
大阪水上樂園怪招宣傳 免費朋友陪影合照
by / on 02/07/2018 at 2:42 pm

大阪水上樂園怪招宣傳 免費朋友陪影合照

好想夏天有一大班朋友同你去水上樂園玩?日本大阪嘅Hirakata Park最新嘅宣傳活動「#瞬間フレンズ 」,賣點係提供一班朋友俾你影合照,然後你可以放上網分享吓,唔知係咪好似張宣傳相咁,有黑人有金髮美女?呢個主題樂園其實都做開啲古怪嘢,之前有個活動係幫人喺樂園製造「英雄救美」嘅機會,有啲假壞人出嚟撩你女朋友,然後你可以逐一擊破佢哋,宣傳手法好突破,入嚟有回帶。

Read more ›
日本廁所品牌超強紙模型 免費下載紙樣網民狂玩
by / on 16/05/2018 at 7:12 am

日本廁所品牌超強紙模型 免費下載紙樣網民狂玩

TOTO呢個日本品牌主力做廁所設備,不過佢哋網站原來好好玩,因為有個紙品系列!有齊產品嘅紙樣可以自己print出嚟整迷你版,仲有晒步驟圖可以跟住做。有日本網民砌咗個紙廁所出嚟,超像真。其他人仲提議可以俾屋企嘅模型公仔坐。除咗廁所,網站入面仲有浴室連浴缸設計圖,甚至洗面化妝台嘅紙模型,每個都有標明難度同埋製作時間,超吸引,入嚟有得慢慢睇。

Read more ›
【回帶】霓虹影相App免費試 日本傳媒試玩
by / on 14/03/2018 at 7:46 am

【回帶】霓虹影相App免費試 日本傳媒試玩

其實呢個影相APP已經出咗一段時間,不過最近有日本傳媒報導,如果你好似我咁未試過,記住下載嚟玩吓。佢可以將實景變成好型好高科技嘅霓虹燈效果,屋企、辦公室呢啲熟悉嘅地方即時唔同晒。香港嘅App Store都有得免費下載,而且得3.1MB唔算嘥位。個App仲支援埋影片功能,睇住日本熟悉嘅景色變成咁都幾特別呀,入嚟有片睇。

Read more ›