全球護照排行榜 香港排第11名 中國排44名

前排好多人網上留言話要續返本BNO,嫌棄手上面嗰本特區護照。最近發現呢個網站Passport Index,入面有晒世界各地護照款式睇,仲有個護照排行榜,排行最高即係最多國家免簽證,香港嘅特區護照就排第11,有136個國家免簽證;中國大陸就排44,有74個免簽證;近近哋嘅台灣就排28,有109個免簽證。咁排第1、2位就係美國同英國,佢哋有147個國家免簽證。不過老實,我又無錢又無假,一世人都唔知去唔去到20個國家旅行,簽證呢啲嘢我睇得好淡。所以我睇吓其他國家嘅護照已經好滿足,網站仲可以將全球護照分顏色睇,好壯觀!

Read more ›