香港獵奇 光速增高 30分鐘時速增高1cm!?

哈哈哈哈!夠薑呀頂!嗱,千方百計去呃人,總會引起疑心,好易識破,要呃人先要呃自己,呢個時候就要用逆思考,將一件完全冇可能發生嘅事再言之鑿鑿合理化咁講出嚟,就算人哋唔信都好,都會驚一驚,咁你咪贏咗個勢先囉!話說有朋友喺香港Yahoo拍賣見到呢個「光速移植增高精華」賣3千幾蚊,賣家話只要從頸椎開始搽勻……搽光速?係!搽啲光速喺條頸,咁你就會有每30分鐘增高1cm嘅效果!佢好認真咁講明咩年歲會有咩效果,當中仲有300幾個答問,唔使講都係做媒啦,不過堅好笑,有人問17歲想增高15cm,賣家就答佢1995年出生最少會有20cm效果,咁就論盡喇,多咗5cm點算?仲有,點解打格淨係打個鼻?

Read more ›