【多圖】日韓小蘿莉網上爆紅 光棍節出世反攻日本

小蘿莉一向有市場,最近呢位日韓混血嘅小蘿莉「金在恩」(Jaen)更加係紅遍網絡,佢嘅Instagram (@jaen_mom)粉絲數目已經超過31萬,仲開埋Facebook同微博,英國嘅《Daily Mail》都撰文介紹佢,最近仲反攻日本,成為2ch日本網民嘅討論話題。先講講佢嘅背景,佢2011年11月11日出世(光棍節啊!),就嚟4歲生日,爸爸係韓國人,媽媽係日韓混血兒,所以佢都係韓國姓氏,個樣眼大大好靚女,有網民起埋佢媽媽底,都係靚女一名。而家佢經常代言唔同產品,衫呀食物呀,希望佢唔會因為咁無晒童年啦。

Read more ›