LG G Pro 2港行$5,698下周派街 Magic Focus強過光場相機

  好喇! 又有新機用, 今日LG喺香港正式發佈G Pro 2! 推出映期係好快嘅下星期尾, 開價係旗艦級嘅$5,698! 5.9吋Full HD IPS顯示屏及3.3毫米超幼邊框, 照玩Knock Code敲背開機/鎖機, 不過最重要係佢個影相功能, 第一樣係1,300萬像素鏡頭配光學防手震OIS+技術, 佢話強到喺暗室內拍攝, 都包唔會手震咁話; 另一樣係「Magic Focus全對焦模式 」, 呢樣好強! 就好似當年LYTRO光場相機咁, 可以喺你影完相之後, 先再調FOUCS位, 另外仲有一個叫ALL FOCUS嘅按鈕, 一按下去, 甚麼前境、後境, 一概全部Sharp晒! 現場測試時發現, 佢係一次過拍幾張相, 而且仲要係唔同焦距嘅, 然之後再合成埋一齊, 雖然係電腦嘢, 不過非常天衣無縫。

Read more ›