fbpx

Tag: 充電器

【有片】日本網民分享     超浮誇「天使翼充電器」高達都襯

【有片】日本網民分享 超浮誇「天使翼充電器」高達都襯

叉電器嚟講呢個都算極盡浮誇。有日本網民喺海外買咗呢款天使手機充電器,將個電話放上去充電,底座就會著燈,旁邊仲會有對天使翼打開,配埋張對應嘅wallpaper幾好玩。之後有網民分享,原來有另一款可以配高達,都幾夾,睇落仲有啲似淘寶貨,有網民分享咗日本Amazon嘅link,入嚟有得睇。

Read more ›

【單車專用】 天才發明家    $5自製手機充電器

【單車專用】 天才發明家 $5自製手機充電器

  16歲就咁醒,前途無可限量呀。呢位叫Thomas嘅羅馬尼亞男仔,每日都要踩好耐單車,部手機又成日無電喎,一向鍾意研究電子嘢嘅佢,就諗倒用個電腦嘅散熱風扇,DIY改裝成風力渦輪機幫部手機叉電,而且材料費只需要5蚊美金!又環保又實用,佢仲將成個改裝過程放上網,有興趣又有基本電子知識嘅可以跟住做,係時候攞返專利喎Thomas仔!

Read more ›
有片    新MacBooks救星     萬用分插配尿袋

有片 新MacBooks救星 萬用分插配尿袋

4月份買咗部新MacBooks,N咁多個好處,但得一個USB-C頭真係玩死人。係Kickstarter集緊資嘅Hub+就係針對呢個市場,因為開發嗰位都係受害者。呢個Hub+插咗之後可以延伸成2個USB-C頭、1個SDXC Card reader、1個display頭加3個USB-A/叉電頭,而且佢本身仲係一個尿袋,可以叉埋手機甚至反叉返部MacBooks,推出之後反應好好。以後袋個尿袋出街可以做埋MacBooks分插,最重要係個樣同MacBooks襯返,睇落幾吸引。要訂起步價美金$69,今年6月到貨。

Read more ›
有片    1分鐘叉爆電    超級尿袋量產有望

有片 1分鐘叉爆電 超級尿袋量產有望

一分鐘可以做啲咩?食杯麵都唔夠,不過就可以用呢個超級尿袋叉爆手機電。由以色列公司StoreDot開發,上年2014年4月都公佈過,不過當時個尿袋勁大嚿好似炸彈咁,唔啱拎出街用。於是佢哋閂埋房門繼續鑽研,今年CES終於比佢哋研究到一個輕便又快捷嘅超級尿袋,不過幾時發售賣幾錢就仲未知,而且佢哋野心好大,唔單止諗住用嚟叉手機,仲計劃叉埋交通工具,咁搞法應該會賣好貴喎。

Read more ›
無聊發明   邊煲水邊叉電   露營專用?

無聊發明 邊煲水邊叉電 露營專用?

睇電視都有講,去郊外行山露營,有咩事可以打電話求救,咁如果部手機無電點算?外國就有人發明咗呢個叫KettleCharge嘅叉電器,佢同時喺一個煲水器,係咪好《國產凌凌漆》?透過煲水,將熱力轉成電能,等你可以一邊煲水飲一邊幫部手機叉電。咁,點解我唔直接帶多個尿袋?似乎方便啲喎。仲要賣美金$149.95,我真係睇唔透。

Read more ›
有片    15分鐘叉爆手機電    全球最快叉電尿袋

有片 15分鐘叉爆手機電 全球最快叉電尿袋

15分鐘叉爆手機電嘅尿袋!單睇數字已經好想買。呢個號稱全球叉電最快嘅手機尿袋Ultrapak由UNU出品,只需要15分鐘就可以叉爆電,比平時喺屋企插住電掣叉仲要快足8倍,好誇張!尿袋有兩款選擇,包括大尿袋Ultrapak Tour,賣美金$99.99,或者細尿袋Ultrapak Go,賣美金$59.99,視乎個人需要,網上有得訂。

Read more ›

新片速報  強國LEGO尿袋   變身座架一物二用

新片速報 強國LEGO尿袋 變身座架一物二用

強國都有好嘢,呢個由內地公司Coi+出品,名為「COI+ LEGO® Power Brick」嘅LEGO尿袋我真心覺得正。首先長方體外形簡約靚仔,有紅、黃、藍、白四色任揀,隨機附送幾粒LEGO Brick,砌起可以將尿袋變成手機座架,楝起嚟煲劇上網都得,一物二用,又靚又實用;電量方面有4200mAh,而且唔算重,115g,同平時嘅充電器差唔多,賣港幣400蚊左右,不過我唔肯定有無版權‥‥‥

Read more ›
紙箱人出新尿袋    雙眼發光識變色

紙箱人出新尿袋 雙眼發光識變色

紙箱人我無特別偏好,不過之前出嗰個尿袋據聞賣得勁好,叉電期間流汗嘅標誌見到會忍唔住笑。好消息,最新官方公佈會出迷你版,嫌之前10400mAh拎出街太大嚿可以考慮新款。迷你版最吸引嘅地方係對眼識變色發光,電力充足時會著黃燈,得返半條命時會變橙,唔夠電就變紅,好得意。不過細嚿咗電力都弱咗,行6000mAh,夠叉iPhone大約2.5次,amazon有得訂,開價4340円,買嚟做聖誕禮物fit晒。

Read more ›
史萊姆手機叉電器  今日e-store開賣

史萊姆手機叉電器 今日e-store開賣

《勇者鬥惡龍》部特別版3DS我無乜興趣,不過呢款史萊姆手機叉電器我真心覺得幾得意。賣1980円,睇見佢個可愛樣我就想買返屋企,雖然明知佢唔荒多電。除咗立體淚滴型,仲有一款扁口扁面嘅史萊姆,都係藍色,想實用啲,之前都介紹過一歡老實款式黑色火牛咁款嘅史萊姆叉電器,男用家可能會鐘意,入嚟有回帶。

Read more ›
多士爐叉電器   專叉iPhone

多士爐叉電器 專叉iPhone

叉電器見得多,呢個專為廚房而設嘅多士爐叉電器Foaster,得意得嚟又幾實用。十足多士爐咁有兩個窿位,可以同時叉兩部電話,將部手機插入去就用得,不過只限iPhone5、5C同5S,好自私。我欣賞佢唔叫iToaster,加咗少少分。另外佢可以單手完成整個充電動作,有乜用?型囉。Kickstarter集資中,美金$79有交易。

Read more ›
紙箱人三連發  1:1紙箱/ A4公事包/喇叭仔

紙箱人三連發 1:1紙箱/ A4公事包/喇叭仔

紙箱人Danboard喺香港有唔少支持者,之前出過嘅滴汗充電器我都很想要,最近TAITO又有新嘢出,由7月底起一連三個月,每月推出一款紙箱人精品,啱啱推出嘅1:1紙箱令我諗起Metal Gear,一個普通紙箱加咗紙箱人嘅樣上去,平時仲可以倒轉紙箱用嚟裝嘢;另一款係8月底出嘅A4文件公事包,拎出街扮返工返學極萌;最後一款亦係我覺得最實用嘅係喇叭仔,頭頂出聲,賣1500円,不過9月底先有得買。

Read more ›