Tag: 優惠

【超尷尬】日本餐廳半價優惠大隻佬 要著背心做指定動作

【超尷尬】日本餐廳半價優惠大隻佬 要著背心做指定動作

要攞優惠係要付出代價嘅,日本タコベル最近有個優惠,著住背心去到櫃枱前做出呢個大隻佬手勢,再order新出嘅呢款炸雞食物NAKED CHICKEN TACO,就可以得到半價優惠,由780円減到390円!一個人去真係有啲尷尬。有無香港嘅大隻佬諗住去為港爭光吓?

Read more ›

日本Domino’s戴口罩有優惠 嗌Pizza有59折

日本Domino’s戴口罩有優惠 嗌Pizza有59折

日本嘅DOMINO’S一向鍾意做啲特別宣傳,最新有呢個戴口罩嗌Pizza 59折!原因係佢哋做過內部調查,發現冬天進入春天呢個2、3月時份,好多人因為花粉症而要戴口罩,而當中好多戴口罩嘅人,最想食嘅就係Pizza!咁你又會問點樣去驗證呢?佢哋嘅方法就係Pizza送到時你要戴住口罩先可以有呢個優惠,好特別。

Read more ›
【挑戰食量】日本壽司店放題優惠     期間限定1580円任食

【挑戰食量】日本壽司店放題優惠 期間限定1580円任食

鍾意食壽司嘅嚟緊去日本有新選擇嘞!呢間「かっぱ寿司」喺日本各地都有分店,由即日起到7月14日會喺20間店舖做任食放題, 男嘅每位1580円,女仔就1380円,加埋稅即係港幣100蚊多啲,80款壽司任食,加680円仲可以有埋飲品放題!平日限下午2點至5點,每次食70分鐘,有唔少網民留言話自己可以食20碟甚至25碟,我預自己15碟應該無問題。

Read more ›

日本酒店實行「禿頭折扣優惠」 房租即時減500円

日本北九州呢間酒店最近實行「禿頭折扣優惠」,喺網上引起熱烈討論。職員接到顧客申請之後,經核實確定屬於禿頭,顧客就可以得到500円折扣,暫時已經有20人享用過呢個折扣。副主任話曾經試過有3個客人一齊嚟到申請,最後有一個被拒絕,「嗰個人露出既開心又寂寞嘅表情。」至於點解會有呢個構思?原來酒店清潔工人經常投訴排水渠纏滿頭髮好難清理,本身光頭嘅集團社長三浦孝司就諗,如果客人好似自己咁無頭髮就好嘞,於是引入呢個折扣計劃,由2014年8月開始逐步喺集團旗下嘅北九州酒店實行。而家酒店門口仲放咗光頭社長三浦孝司嘅公仔做吉祥物。網民嘅回覆都好正,例如:「全世界都應該實行,禿頭少頭髮嘅應該有優待!」 、「如果話俾折我會好絕望」、「唔會為咗500円拋棄尊嚴!」、「但係拒絕咗頭髮都唔會變得濃密喎!」

Read more ›

【PS遊樂園】年初二玩《The Order: 1886》 新年優惠到月底

仲有幾日就到新年,扣除拜年時間都仲有大把時間可以喺屋企打機,爽。今個年初二PS4隻《The Order: 1886》會推出,斷估應該會偷跑啩?如果未買機可以訂佢個連機套裝,2月28日前有新年優惠,即係儲完利是錢先去買都仲得,好奸。最後聽日有隻PS4/PS3 下載遊戲《Life is Strange (英文版)》(售價﹕HK$119)會推出,玩時光倒流,似乎唔錯。

Read more ›

【PS遊樂園】PS4出機優惠送手掣 PSN活動送HK$20

今個星期PlayStation最重要嘅新聞都係聖誕上唔倒PSN呢單嘢,等到最尾一日先上到網,慘。之前佢哋參加咗Toy Soul展覽,仲有達哥做嘉賓,兼賣咗90部20周年特別版主機,無去到Toy Soul又想買機嘅,仲有出機優惠,由而家到1月14日落舖頭買PS4主機會送多隻手掣同埋禮品。另外PSN搞咗個「2014玩家最愛PSN活動大賞」,頭1千個投票玩家有HK$20嘅PSN預付金額送,玩吓唔駛錢,試吓無妨。

Read more ›

【PS遊樂園】PS4聖誕出機送手掣 PS Vita三連發

以前12月有亞洲遊戲展,不過近年就無搞好耐,今年12月聖誕節PlayStation又捲土重來,揀咗九展嘅TOY SOUL落腳,除咗賣20周年紀念版主機,仲有啲出機優惠,例如買PS4送手掣同埋20周年紀念TORO杯,未出機聖誕節又無街去嘅不妨考慮吓。再嚟仲有下年2月先出嘅《The Order: 1886」會場有預訂,之前都報導過,隻Figure唔打得都睇得。最後PS Vita今個星期有三款遊戲有得下載,包括12月18日嘅《GUNDAM BREAKER 2》(中文版及日文版) 同埋《Hyperdimension Neptune Re;Birth3 V CENTURY》(日文版),仲有12月16日出嘅《Don’t Starve: 巨人版》(英文版),DL定聖誕假玩差唔多。

Read more ›

【PS遊樂園】《GUILTY GEAR》平安夜出中文版 PS4聖誕套裝優惠

外國感恩節,啲嘢好似唔駛錢咁,係人都衝埋去搶。香港無咁好氣氛,不過都有聖誕套裝。講緊係12月5日出嘅「PlayStation®4繽紛節日套裝」,一部機跟4隻遊戲送多一年保養。另外格鬥遊戲系列《GUILTY GEAR》日本版今個星期出,繁體中文版剛剛宣佈12月24日推出,平安夜無街去可以留喺屋企格鬥,好悲。最後今日仲有隻賽車新game《The Crew》推出,玩《DRIVECLUB》玩到炆炆哋嘅會唔會轉軚?

Read more ›

【PS遊樂園】PlayStation動漫節 活動精品優惠重溫

本來只得XBox參加嘅動漫節,今年多咗PlayStation參展即時變得好熱鬧,兩大平台互鬥,最爽應該係未買機嘅機迷。噚日PlayStation公佈擺明挑機嘅「360舊機換PS4計劃」,今日就重溫返一大堆優惠。除咗入場掃貨之外,佢仲提大家有好多活動舉行,包括《BIOHAZARD》之父三上真司首度訪港宣傳《The Evil Within》同埋一大堆網絡紅人上台打機,我最期待都係達哥大戰DAIGO,買定花生等睇戲呀!

Read more ›

【PlayStation遊樂園】復活節出機優惠 試game送PS4七巧板

4月份終於有長假期!復活節一連四日,諗起又可以連續狂打機就想大嗌爽皮!PlayStation最新宣佈推出PS4加PS Vita套裝,呢個套裝之前外國都出過,不過今次呢個只係出機優惠,價錢方面‥‥‥平咗100蚊,多謝先!有心出機嘅都可以留意吓。另外去九龍灣Megabox試game有「ps4七巧板」送,最後再介紹多兩隻新game,一隻係啱啱出,有PS4/PS3/PS Vita三個版本嘅RPG遊戲《NAtURAL DOCtRINE》,另一隻係4月10日推出,PS3/PS Vita嘅《魔都紅色幽擊隊》,復活節啱唔啱玩?

Read more ›

【PlayStation遊樂園】《inFAMOUS Second Son》週五開賣 PS春日買機購惠

數數手指,PS4獨佔遊戲《inFAMOUS Second Son》今個星期五(3月21日)正式開賣,今集有靚仔版Delsin做主角,仲有個邪邪哋嘅Fetch做partner,玩落無咁悶。另外未買機嘅,PlayStation話一年之計在於春,所以推出咗啲購物優惠,有PS4、PS Vita、PS Vita TV同PS3,識買嘅,一定係買新機。

Read more ›

[PlayStation遊樂園專欄] 馬年新春優惠 氹你出機

仲有11日就到農曆新年,連放四日假又可以專心煲機,PlayStation推出幾款農曆年優惠,買PS3、PS Vita同埋新出嘅PS Vita TV都有優惠,雖然送嘅嘢唔算好吸引,不過旨在有個理由買吓嘢。至於PS4?梗係無優惠啦,貨都唔夠賣,點會仲有優惠益你氹你出機?最後想講吓之前都推出過嘅Ultra Pop系列,將PS3遊戲重出,全部賣$148,推介有《Uncharted 3》,至於《Battlefield 3》,如果你唔介意人人玩緊《Battlefield 4》時自己反潮流,都可以平平哋試吓嘅‥‥‥

Read more ›

餐廳熄手機半價優惠 鼓勵低頭族抬起頭來

有無人堅持同朋友食飯時唔會拎部手機出嚟篤?為咗鼓勵大家專心享受美食、同身邊人溝通多啲,耶路撒冷郊區嘅一間餐廳最近實施熄手機全單半價優惠,成效點?有著數係唔同啲,基乎全部顧客都會熄手機嚮應,唔知香港會唔會有餐廳效法呢?我可以好守法o架,如果麥記KFC都參加嘅話。

Read more ›