fbpx

Tag: 價錢

【飄浮不是夢】高科技滑板真‧飄浮 港幣15萬玩3分鐘

【飄浮不是夢】高科技滑板真‧飄浮 港幣15萬玩3分鐘

一見到呢塊浮板即時諗起電影《回到未來》嘅磁浮滑板。外國公司最近公佈咗呢塊ArcaBoard,睇片見真係可以企喺上面浮起,不過就唔係磁浮,據官網介紹,呢塊板可以負重最高243磅,最高時速20km/h,仲可以用手機操作。塊板入面裝咗36個電動函道式風扇(Ducted fan),最高推力去到200kgf,仲內建埋防震,而且聲稱好安全,穩過石頭,不過價值就係鑽石級數,賣美金$19900,即係港幣15萬左右,可以買架私家車喎,而且塊板每次只可以玩3-6分鐘,可以企上去淥過杯麵。

Read more ›

強國出手   「百度眼」明挑Google Glass機

強國出手 「百度眼」明挑Google Glass機

出手喇!Google有Google Glass智能眼鏡,強國都有百度眼Baidu Eye!內地搜尋網「百度」最近宣佈推出呢件新科技產品,全球關注,首先令人即時聯想起Google Glass,不過百度眼就無鏡片,而且係後戴式掛喺後腦。暫時價格未定,預計半年後上市。最勁功能係號稱可以隔空辨物,例如見到對面街個女仔,望住佢件衫伸手凌空畫個圈,就可以分析對方件衫嘅品牌或者得知相關優惠,再喺手機App上顯示,仲有即時導航、影相等功能,最正係想影相要講嘅指令,係「Hi Baidu」,點解唔講國語?我睇唔透。

Read more ›
《街霸》Vega春麗出Figure    頭雕傳神有睇頭

《街霸》Vega春麗出Figure 頭雕傳神有睇頭

法國玩具公司TSUME我都係啱啱先識,最近佢哋設計咗《街霸4》嘅春麗同埋Vega,質素相當唔錯。先講春麗,甫士係招牌飛腿,雕功唔錯表情好神似,大脾似足原著咁粗壯;至於另外隻Vega都有驚喜,有兩個頭可以換,戴唔戴面具隨你鐘意,最欣賞佢有埋鐵網情景,可惜無得轉甫,長期咁chok都幾攰。兩款都係預定今年第二季推出,而家有得網上預訂,開價港幣$2100左右,歐洲嘢果然唔慌平。

Read more ›
GALAXY Note 8.0 LTE發佈 有實機冇價錢日期

GALAXY Note 8.0 LTE發佈 有實機冇價錢日期

今次Sanmsung發佈會, 俾S4搶晒風頭, 令到新出的GALAXY Note 8.0 LTE都無晒光芒, 1.6GHz四核心處理器、2GB RAM及Android 4.1 Jelly Bean作業系統, 硬件真係唔差, 8吋 (1280×800) PLS屏幕, 現場睇都真係幾Sharp幾靚仔, 不過可惜未有發佈售價同發售日期, 冇計啦! 就算即場同你講, 各記者大佬都會答:「係咩! 係咩!」 跟住轉個頭又去搶影S4, 如果你係想買平板, 可以睇住下面新聞稿, 先睇吓貨辦, 啱唔啱玩!

Read more ›