by / on 31/03/2018 at 9:30 am

鄭健和《西遊》教人等運到 乜都係假最緊要好運

今期第144期《西遊》傲雪繼續做主角,擊退暗影邪神之後無厘正經地要求北海龍族貢獻美女,之後上台演說振奮人心,演辭卻是如此這般:「咳!好多人都誤解,成功需要的是努力、實力之類的東西,其實我好肯定地說,最重要的東西是運氣!只要有運氣,沒有辦不到的事!龍族在我的帶領下,一定行好運,行!好!運!大家一齊跟我說!好運!好運!」看似九唔搭八,但其實好有做人哲學在。君不見,踢波如是,好波不如好運;賭錢亦如是,好摸手勝老手,爛牌一副都摸到變十三么。有時真係要多謝吓和仔大人,睇佢啲漫畫唔只睇到笑,仲領略到做人大道理。大家記住嘞,低潮時大可同自己講:「呢刻無運啫,遲啲好運一定返番嚟。」等運到係阿Q精神咗啲,但不失為自我安慰心靈嘅一劑良方吖。

Read more ›