Tag: 傲嵐

風將胸襲傲嵐 忘情老祖突入《山海逆戰》

風將胸襲傲嵐 忘情老祖突入《山海逆戰》

今期第129期《山海逆戰》,又有重要角色突入登場,佢就係──武林三祖之一忘情老祖──哈哈,純屬講笑啫,查實係邱福龍來個小彩蛋,阿忘情老祖只不過係大茄,排緊隊報名做山海派異士。而今期真正主角係改名「念晴」嘅傲嵐,傲嵐為挽回同殷天翔嘅一段情,改名重新混入山海派,不過犧牲都幾大,之前為求上位要出賣肉體俾死鬼火將搞,家陣又輪到俾鍾意女色嘅風將蹂躪,一雙肉峰難逃祿山之爪,陰功豬。話時話,經過今期交代風將身世,人物性格即時立體咗好多,搞到我忽然鍾意咗呢個角色,希望龍哥唔好咁快整死佢喇。

Read more ›

《山海逆戰》玩「鞭」 火將被兜鞭摑+傲嵐:「給我含吧!」

《山海逆戰》玩「鞭」 火將被兜鞭摑+傲嵐:「給我含吧!」

笑到我Gap Gap聲呀喂!今期第81期《山海逆戰》處處見「鞭」,這邊廂先有火將為保性命下跪清潔胯下巨鞭,姚星塵盛怒下腰肢一扭,兜鞭狠狠摑咗火將一大巴,火將無噴血但被摑到嘔火,畫面好搞笑。那邊廂傲嵐同子狂雷聯手鬥鹹濕異獸山魅,山魅胯下長鞭直鑽傲嵐褲管,企圖強姦,不過傲嵐都唔弱,成把寶劍插入山魅嘴巴,再加多句:「給我含吧!」哈哈,真係睇到我大呼過癮。

Read more ›
《山海逆戰》出匙扣特別版 附Q版勾徹同傲嵐匙扣

《山海逆戰》出匙扣特別版 附Q版勾徹同傲嵐匙扣

正呀喂,邱福龍又有新精品推出喇,喺嚟緊4月21出版嘅第廿一期《山海逆戰》,會加推匙扣特別版,分Q版勾徹同傲嵐兩個版本,各一書一匙扣$60,各限量200本。「收藏家港漫專區」依家開訂,有興趣快快聯絡Dicky喇。

Read more ›
邱福龍幫民政事務局畫海報 20張免費任攞

邱福龍幫民政事務局畫海報 20張免費任攞

  邱福龍幫民政事務局繪畫嗰張《香港體育x港漫!》海報,大家都應該見識過喇,勾徹變足球員、天翔變拳手、傲嵐變劍擊手,下有「香港運動員戰無不勝」數字,真係靚得嚟又夠晒熱血。係咪好想擁有拎得上手嘅實體海報呢,去面書專頁「民政事務局Home Affairs Bureau HK」留言,最有心思頭廿位參加者,就可以得到親筆簽名海報一張,正呀喂。

Read more ›

邱福龍為封面剝衫晒肌 《山海逆戰》人設曝光

出完怪獸,輪都輪到主要人物角色,邱福龍喺面書釋出《山海逆戰》勾徹、伯益、傲嵐人設,同樣係靚到啪啪聲嗰隻。值得一提嘅係佢都好鬼鍾意自嘲吓,登埋自己擺Pose畫封面嘅參考相,並留言曰:「為咗山海創刊封面可以去到幾盡,同行朋友無人肯除衫惟有親自上陣,呢啲咪漫畫老細囉……封面的概念要一個人被一群怪獸頂住背脊的效果……開始時是有著衫的,後來想表現更有力先除衫影!」好欣賞呢份同讀者打成一片嘅幽默,好尊敬呢種親力親為嘅態度。喂,真係筆筆皆辛苦架,呢$19係抵畀你讚嘅。

Read more ›