fbpx

Tag: 催淚

【洋蔥慎入】 狗狗催淚廣告 泰國銀行廣告片網上熱播

【洋蔥慎入】 狗狗催淚廣告 泰國銀行廣告片網上熱播

泰國啲廣告經常有大量洋蔥,我認眼淺,今次睇咗一半已經眼濕濕,因為有我嘅死穴 ─ 小動物。影片喺YouTube已經有170萬點擊,一開始講個女仔做咗獸醫,原來以前嘅佢好怕狗,因為每朝早經過鄰居門口都會比佢隻狗吠,後來狗狗嘅主人過咗身,狗狗開始不吃不喝,最終女主角感動咗隻狗狗,令佢重燃生存意志。不過好景不常,最後狗狗遭遇意外‥‥‥照舊睇到尾先知係賣乜嘢廣告,今次係為銀行Krungthai Bank賣嘅廣告,話銀行可以幫小朋友實現佢哋嘅夢想,就好似呢位女仔想做獸醫嘅夢想最終會實現。雖然有啲迂迴曲折,不過6分鐘睇一套高質微電影式嘅廣告,一啲都唔會嘥。

Read more ›

有片:內有洋蔥!Extra超感人廣告!

有片:內有洋蔥!Extra超感人廣告!

好嘢!服晒!唔靠洗腦口號,唔使明星代言,唔使豪花幾多個零,只要有Story,原來香口膠廣告都可以拍得咁感人,雖然睇完未致於眼濕濕,但真係可以令人留下深刻印象。廣告好簡單,一男一女由做同學開始,到拍拖做情侶再到做夫妻,美滿姻緣全靠Extra維繫,窩心位盡在每次約會過後,男仔都會喺香口膠包裝紙上面畫低約會經過,隨住年月過去,包裝紙越畫越多,男仔用相架將之裝幀成一幅幅甜蜜回憶,最後仲成功求婚……

Read more ›
【好貼題】新片速報 泰國催淚廣告430萬點擊 最後先知賣乜

【好貼題】新片速報 泰國催淚廣告430萬點擊 最後先知賣乜

都係泰國典型嘅催淚廣告,都係最後幾秒先知賣乜,但係今次好貼題,勁!條片都係走感人路線,講一個前舖後居嘅老闆同一個流浪漢嘅故事,幾日已經過咗430萬點擊。每朝早開舖老闆都見到個乞兒瞓正喺自己門口,日日都趕佢走,有一日佢發現流浪漢無再嚟,好奇心驅使吓,佢翻睇門口嘅閉路電視‥‥‥我唔劇透,不過想讚吓個流浪漢演得好好,同埋件產品同條片配合得天衣無縫。

Read more ›
新片速報    泰國又嚟催淚廣告     120萬點擊母子情

新片速報 泰國又嚟催淚廣告 120萬點擊母子情

泰國經常有催淚廣告,尤其是呢間保險公司Thai Life Insurance,之前都介紹唔少。最近呢間保險公司又有新片,今次玩母子情,仲出動埋垃圾俠!黑黑哋嘅肥仔著晒成身清道夫服裝,仲幻想有唔同法寶可以變身。想挑戰吓自己嘅喊點?3分半鐘時間就可以完成測試。我好叻,今次無喊,因為肥仔個樣有啲搞笑。

Read more ›