日本奈良「神聖的鹿仔」相片熱傳 網民質疑:「係咪偷圖?」

有無開始掛住日本奈良嗰班進擊的鹿仔?最近有日本網民放咗張圖上2ch,話自己今朝喺奈良公園影到張相,隻鹿睇落好神聖,張相靚到可以做wallpaper,不過好快有網民留言話:「樓主肯定係偷圖啦!」之後又有人質疑:「奈良嘅鹿應該切晒角喎!」不過樓主好快放咗張高解像嘅圖上網,而網民喺網上以圖搜尋都搵唔到一樣嘅圖,大家繼而開始問樓主用啲咩攝影器材。係囉,人與人之間要有信任嘛。仲有錯咗就要認,之前質疑佢嗰位都話:「好啦同你道歉!」

Read more ›