Post Tagged with: "健力士"

小島秀夫拎健力士證書 成為IG/Twitter最多followers製作人
by / on 10/11/2019 at 3:40 pm

小島秀夫拎健力士證書 成為IG/Twitter最多followers製作人

最近見小島秀夫嘅Twitter同IG日日都有大量更新,辛苦咗咁耐嘅《Death Stranding》終於見街,梗係要落足力宣傳。今日就見佢手捧住兩張證書,原來佢成為咗健力士認證IG同Twitter分別最多followers嘅遊戲製作人,果然係呃like遊戲嘅始祖,咁的確,follow佢嘅社交平台又快又多嘢睇,fans值得follow。另外Twitter亦熱傳緊Mads Mikkelsen嘅訪問片段,同埋佢同Norman Reedus喺拍攝途中嘅休息snap shot,雖然塊臉貼晒嘢,但兩個都好型,Norman Reedus連啲手指都型,入嚟有回帶。

Read more ›

【有片】破紀錄全球最長pizza 1595米長用兩噸茄醬
by / on 23/06/2015 at 7:08 am

【有片】破紀錄全球最長pizza 1595米長用兩噸茄醬

最近意大利米蘭World Fair就有呢塊破咗健力士紀錄,全球最長嘅pizza誕生,足足有1595米長,要同時間60位師傅一齊製作先搞得掂,淨係蕃茄醬都要用兩噸,mozzarella芝士都要半噸,仲要800張枱合併埋先可以將塊pizza平放,好誇張。咁大家最關心嘅兩個問題:點樣焗同埋最後點處理塊pizza呢?前者原來靠一個好似幫文件過膠嘅流動焗爐搞掂;至於處理方面,最終個怪物pizza分派咗比3萬個現場圍觀者,剩返嘅就送咗去食物銀行派比有需要嘅人士,而我最關注嘅係個pizza有無芝心邊?答案係無嘅。

Read more ›
Simpsons死忠粉絲 203個紋身破世界紀錄
by / on 11/12/2014 at 7:08 am

Simpsons死忠粉絲 203個紋身破世界紀錄

之前編輯部話唔好寫咁多Simpsons,不過facebook好多讀者都鐘意Simpsons吖我覺得,所以我決定繼續介紹。今次呢個Simspson fans勁呀,全個背脊都係Simpsons紋身,總共有203個角色,佢而家仲申請緊健力士世界紀錄,估計好難有人破倒佢紀錄。BTW,呢位60歲嘅澳洲獄長Michael Baxter應該好食好住,你睇佢身形係咪越嚟越似Homer Simpson?

Read more ›
新片速報 地上最高VS最矮    進擊之巨人現實版
by / on 15/11/2014 at 2:07 pm

新片速報 地上最高VS最矮 進擊之巨人現實版

8呎3吋有幾高?姚明都7呎6啦,不過當呢位地上最高嘅人,企喺地上最矮嘅人旁邊時,就好有進擊之巨人嘅效果!今次係健力士世界紀錄誕生60周年,為咗慶祝,官方就邀請咗全球最高,來自土耳其31歲嘅Sultan Köse,同來自尼泊爾74歲嘅Chandra Bahadur Dangi嚟個世紀握手,8呎3吋強戰21.5吋,睇相都覺得震憾。

Read more ›
最長壽貓貓  芳齡24歲靠食KFC養生?
by / on 23/05/2014 at 8:52 am

最長壽貓貓 芳齡24歲靠食KFC養生?

星期五智力題:貓可以有幾長命?最近24歲好惡死嘅Poppy貓貓,榮登健力士最長壽貓貓嘅世界紀錄,相等於人類嘅108歲。佢同主人Jacqui West住喺英國,平日養生之道估你唔倒,除咗食乾糧同貓罐頭之外,就係間中食吓KFC炸雞!另外佢雖然盲同埋聾,但係一樣好惡死,當有其他貓想搶佢嘅食物時,佢一定會咬實對方隻耳嚇走佢。不過原來史上最長壽嘅貓貓,係住喺德州嘅Creme Puff,佢足足有38年零3日壽命,可惜喺2005年離世。所以話,24歲嘅Poppy仲有排玩,繼續破健力士紀錄,下年慶祝25歲大壽呀!

Read more ›
新片速報 破健力士紀錄 275,000骨牌
by / on 19/07/2013 at 6:01 pm

新片速報 破健力士紀錄 275,000骨牌

唔知有冇人同我一樣,細細個好鍾意睇骨牌,仲成日拎屋企啲牌狀物件砌埋嚟扮骨牌,結果都係一個,俾阿媽鬧。啱啱上星期就有個德國人Wilhelm-Lückert-Gym Büdingen破咗健力士一次過最多骨牌倒下嘅紀錄,係275,000塊,好自然,會想睇條片。

Read more ›

10萬塊Lego破健力士   打造世界最長Lego路軌
by / on 15/05/2013 at 7:24 am

10萬塊Lego破健力士 打造世界最長Lego路軌

Lego迷又有新嘢玩,今次玩破健力士世界大全,由Henrik Ludvigsen帶頭,喺丹麥召換80個Lego狂迷,用上超過10萬塊lego,砌成一條長約2.5英厘嘅鐵路軌,單睇相都覺得好宏偉,時間方面,齋砌路軌都要用6小時,而上面架火車真係可以行走,要行晒整條路軌,足足要用4小時,加加埋埋就咁就無咗10小時,負責睇足咁多小時嘅健力士評判會唔會恰眼瞓?

Read more ›