Tag: 假人

日本瘋狂fans自製「廣瀨鈴」假人   遊環球影城Twitter熱傳

日本瘋狂fans自製「廣瀨鈴」假人 遊環球影城Twitter熱傳

廣瀨鈴又靚又可愛,仲越嚟越多瘋狂fans。呢位日本嘅學生哥就好鍾意広瀬すず,鍾意嘅程度係想帶埋佢出街周圍去玩。最近佢就達成心願,用紙皮自製咗個広瀬すず假人,然後同佢去睇聖誕樹、去遊樂場同環球影城玩,仲話下一站要一齊去埋迪士尼!睇返佢平時啲Twitter,就知佢真係超鐘意廣瀨鈴,難得女同學仔唔介意兼同佢玩埋一份。BTW,輯相搞笑得嚟仲好有痴漢feel,入嚟有得慢慢睇。

Read more ›

有片:真‧美國隊長盾牌殺假人事件!斬頭話咁易!

Captain America個盾牌擋子彈勁,用作武器攻擊敵人又有幾勁?YouTube頻道「Miculek.com- The Leaders in Gun Control!」做咗個實驗,但見一白髮老頭一身美國隊長造型,拎起個一比一12磅重盾牌,之後瞄準飛向假人。假人聲稱依足真人標本,比例完全正確,除外露骨架外,裡面仲有齊器官、肌肉、血管等人體組織。老頭眼界幾準,盾牌一嘢就界中假人頸項,鎖骨附近皮肉即刻裂開,唔只開膛,衝擊力仲大到成個頭顱劈咗落嚟。嘩,12磅重盾牌原來真係可以殺人,唔好亂試呀大佬。

Read more ›

迷你公仔變ebay模特兒 賣電子產品超詭異

ebay上面有幾百萬個買家,要令自己嘅產品好賣啲,除咗價錢吸引啲之外,模特兒都好緊要。網名latrobeatmistral諗咗條新計,居然搵假公仔扮真人拍廣告!賣變壓器同埋推土機(?),產品即時生動晒,不過感覺上都幾恐佈。

Read more ›

單身女偽造全家福 假老公假囡囡假笑容

呢輯相睇到我有啲心寒。相中女士Suzanes Heintz係一位創作總監,高薪厚職、單身,由於經常被問到幾時結婚,於是決定買兩個模型公仔 ─ 一個老公一個囡囡,出發去拍攝Life Once Removed嘅相集。每張「全家福」嘅背景都係典型美國人夢寐以求嘅家庭生活,例如一家人去滑雪、渡假、食燭光晚餐。每張相佢都交足戲,盡力表現到好開心,同旁邊嘅假人形成強烈對比,佢話咁做係想大家放開偏見,重新審視乜嘢係成功人生,不過呢個表達方法似乎有啲‥‥‥

Read more ›

Gap非公認模特兒 踩入舖玩撞衫

H&M、Gap、Uniqlo一街都係,今時今日撞衫真係話咁易。唔好彩同人撞衫梗係轉身走開,偏偏有人好鐘意,仲影晒相放上網分享。呢位加拿大人Steven Venegas唔係同真人撞衫,而係同店入屋嘅假人模特兒。佢貪好玩,去Gap店舖試返一模一樣嘅衫再企喺公仔側邊影相。我估佢一係就自信心爆棚,一係就收咗Gap嘅錢‥‥‥

Read more ›