fbpx

Tag: 倫裕國

牛佬+倫裕國變身人形紙牌 左右門神坐鎮古惑仔冰室

牛佬+倫裕國變身人形紙牌 左右門神坐鎮古惑仔冰室

喂,由今日開始,牛佬同倫裕國會長駐「有情歲月古惑仔漫畫主題冰室」呀,開心嘛?不過唔該留意番,人形紙牌而已,左右門神般戙企餐聽門口,大家經過老尖就去打番個卡喇。話時話,牛佬3月頭交代過話遲啲會推出番《古惑仔》復刻珍藏版(十九),到家陣都仲係無影,幾時找數先?我等得好辛苦呀喂。

Read more ›

牛佬+倫裕國撐檯腳 古惑仔冰室見Fans

牛佬+倫裕國撐檯腳 古惑仔冰室見Fans

奉牛佬諭,如果聽晚(3月24日)有空又或者咁啱得咁蹺行開老尖,不妨上「有情歲月古惑仔漫畫主題冰室」食個美味Dinner,事關7:00pm咁上下時間,佢會同倫裕國會上去撐檯腳,順便同Fans們見吓面影吓相吹吓水。約定你喇,報告完畢。

Read more ›
牛佬抱恙 《勝利人生李浩東》繼續脫期

牛佬抱恙 《勝利人生李浩東》繼續脫期

聽日唔使去書報攤撲書,據面書專頁「古惑仔Teddyboy」透露,由於牛佬仲係病緊,所以《勝利人生李浩東》繼續脫期。其實牛佬出院未?情況有無好轉?倫裕國同陳科琳可唔可以透露吓?我很擔心。真心的,祝牛佬早日康復。

Read more ›
牛佬出新圖 《勝利人生李浩東》6月27日見街

牛佬出新圖 《勝利人生李浩東》6月27日見街

記得買書!記得買書!記得買書!因為重要,所以講三次。牛佬喺面書出咗張新宣傳圖,提醒大家聽日記得畀$25佢使,《勝利人生李浩東》聽日見街,大家記得捧場。

Read more ›
牛佬《勝利人生李浩東》 6月27日見街

牛佬《勝利人生李浩東》 6月27日見街

奉牛佬諭,代為廣傳,新書《勝利人生李浩東》鐵定於6月27日見街。請習低呢個日子,也請延續《古惑仔》優良傳統,方便的話,買咗書嘅朋友請影相掟番畀牛佬同倫裕國睇,以示支持。牛佬,加油,阿國,勾多啲靚頭!

Read more ›
牛佬新書《勝利人生李浩東》 不日出版

牛佬新書《勝利人生李浩東》 不日出版

很很很很很開心,等到頸長,終於來了,牛佬終於開Post賣個廣告,將會推出新書《勝利人生李浩東》。睇陣容,策劃倫裕國、監製牛佬、美術陳科琳,多麼熟識的剛鐵組合,希望可以繼《古惑仔》後再創高峰喇,我一定撐到尾。And,陳浩南後有李浩東,唔知兩者有無關係呢?

Read more ›

《古惑仔》送超靚素描年曆卡 伊文華過唔到狗年?

《古惑仔》送超靚素描年曆卡 伊文華過唔到狗年?

今期第2015及2016期孖寶號《古惑仔》送素描賀年卡,一如上期有陳浩南版同大飛版兩款選擇,又一如早幾日咁樓下報紙檔只得大飛版賣,奇怪。張大飛賀年卡真係畫得好靚,倫裕國手畫真係無得頂,不得不寫個服字!今期孖寶號,一次過睇兩期,感覺一氣呵成好多,尤其采妮趕南哥出門口又跪南哥嗰幾格,究竟求南哥啲乜呢?係咪已經Sure咗豹子健已經係游子健?之後又整多格南哥疑似功高蓋主唔放洪興龍頭韓賓在眼內,啲衝突位開始慢慢浮出嚟嘞,估計呢Part故事應該幾正!不過我驚嘅係,為咗製造高潮兼煲勁小海武值同頭腦,牛佬好似想整死伊文華咁款喎。唉,最好唔好喇,二代死吓一個死吓又一個,斷估好多讀者都會同我一樣,好傷心架。

Read more ›
神奇膠唱《古惑仔》主題曲 《同擔日月天》又唱又Rap

神奇膠唱《古惑仔》主題曲 《同擔日月天》又唱又Rap

之前靚仔勾頭王倫裕國咪唱咗首《古惑仔》主題曲《同擔日月天》嘅,今次仲勁拍埋MV,不過就唔係倫裕國主唱,而係由組合神奇膠深深深深深情演繹,中間仲新加咗段Rap添。個MV都OK好睇架,刀光劍影醉生夢死大江湖,有劈友有爭女有血有汗有群揪有單挑,都幾有九十年代《古惑仔》系列電影Feel。《古惑仔》Fans有必要睇,睇完,仲好應該唱番兩嘴添。

Read more ›
牛佬賀《古惑仔》2000期送Tee+親筆畫 街市勇吹雞打老邊

牛佬賀《古惑仔》2000期送Tee+親筆畫 街市勇吹雞打老邊

2000期!一本漫畫可以出到2000期確係唔簡單,《古惑仔》為慶祝呢個里程碑,決定由新任俱樂部會長街市勇扯頭纜,搞番個打老邊Party,名額60人,暫時已經有17人報名,想同牛佬影相、想同倫裕國隊酒、想結識街市勇真人、想同靚女九尾狐Say個Hi(中堅會員!估計必到!),唔該擺低$380。牛佬講到明到時要手持第2000期《古惑仔》方可入場,估計係要大家幫幫手擺Pose,一人拎住一本公仔書影番張超級無敵大合照喇喂。有嘢食,有古惑啤飲,仲有獎抽,獎品係全新《古惑仔》Tee同倫裕國親筆畫板,到時一定全場High爆,家陣諗吓都興奮呀。

Read more ›
估佢唔到倫裕國 唱《同擔日月天》有Feel

估佢唔到倫裕國 唱《同擔日月天》有Feel

「2017年度叱吒樂壇流行榜最佳新人獎男歌手金獎係……係邊位呀?大聲啲,大家嗌佢個名出嚟……無錯,倫裕國,得獎歌曲《同擔日月天》!畀啲掌聲……」唔係吹水呀,倫裕國隊酒叻就話係人都知啫,點估到佢唱歌都有一口喎,真係點夠你撈呀?年尾分分鐘上台攞獎都唔出奇。老實講慢歌一首,歌詞亦唔算橋口杉手,呢首《同擔日月天》絕對唔難唱,但倫裕國勝在唱得出個伊健Tone,啲高音位都拿捏得幾準。唱得咁好,喺度,我哋好應該畀啲掌聲佢,大家唔該一齊鼓掌,啪啪啪啪啪……

Read more ›
牛佬送畫 Post相呃Like最多者勝

牛佬送畫 Post相呃Like最多者勝

牛佬又有禮送喇,今次送牛佬x倫裕國x邱志加電腦彩稿親筆畫。參加辦法好簡單,四要影低周六出版嘅《古惑仔》復刻珍藏本同緊接周一嘅《古惑仔》三日刊,上載到「古惑仔合訂本」面書專頁,加多幾隻字同牛佬打打氣就得嘞。邊個張相呃到最多Like,邊個就有獎,喂唔係求其送張「紙」畀你架,係切切實實一幅畫,送埋畫框,好有誠意架。得獎名額有三個,一連玩三個禮拜,第一張送嘅畫係立花正仁,仲唔快快影相掟上網,Call埋班Friend喪Like你?

Read more ›

Q版輕黏土地中海 無戾氣夠Cutie

Q版輕黏土地中海 無戾氣夠Cutie

之前為賀《壽星仔》四十周年紀念,業餘輕黏土玩家Henry專登製作《Abbey Road》X《壽星仔》四子景品送畀上官小強,送開有鋪癮,家陣輪到牛佬喇。

Read more ›
獨一無二慈善Tee,唔知拍賣到幾多錢呢?

牛佬出Tee籌款

做善事嘅嘢,多多益善少少亦無拘,有錢出錢有力出力,呢次又要讚牛佬嘞,唔知佢有無出錢,但喺後日舉行嘅「保良局慈善步行嘉年華」裡面,佢一定有份出力。

Read more ›
《至喪檔案》試刊號$22

《至喪檔案》試刊號見街

牛佬分鏡起字加倫裕國無敵面相,輯錄番《爽報》連載過嘅案件重溫式漫畫《至喪檔案》試刊號擒日見街,橫開度,

Read more ›