之前都介紹過，如果你仲未睇，快啲搵嚟睇，有笑有淚，高質嘅。如果你同我一樣等緊中文版第三期，咁又有個好消息話你知，因為《俺、つしま》正式宣佈動畫化，2021年夏放送，而且聲優有大塚明夫、田中真弓，對大哥就係蛇叔！至於動畫監督、劇本，則係《ポプテピピック(POP TEAM EPIC)》嘅青木純。

呢隻揸住棵蔥嘅肥喵好多人都見過，佢係日本兄妹檔插畫家「おぷうのきょうだい」嘅作品，喺Twitter好高人氣，專出扭蛋嘅奇譚之前都有幫佢出扭蛋，最新5月份有呢款鎖匙扣，5個造型全部都超搞笑，另外兩本單行本畫冊《俺、つしま》喺台灣都有出中譯本，書名係《叫我、對大哥》，好有霸氣，鍾意嘅可以搵吓。

日本網絡爆紅漫畫《俺、つしま》畫出好多貓奴嘅心聲，入面隻圓碌碌嘅虎紋貓好受歡迎，扭蛋公司奇譚啱啱就為佢推出咗一式五款嘅貓奴蛋，有揸住棵蔥嘅經典造型，仲有午睡、食魚等不同造型，超正，貓奴們要儲齊一套嘞。入嚟有得Follow埋呢個爆紅漫畫嘅twitter。