《龍虎5世3世仇》修羅門全軍覆沒 妖帥死得咁兒戲?

唔係盲撐,我係真心去到依家第14期都仲Like《龍虎5世3世仇》嘅,又或者因為睇得投入,所以對於今期用幾頁就整死妖帥,我覺得好浪費呢個角色。Really完全唔明,妖帥點會霎時間弱化得咁緊要?之前幾期又話得道心靈力,突破乜突破物突破到半男半女功力大進,點知一嘢就畀曹博士陰到,呢下已經有少少講唔通;返到修羅門諗住仲有戲做啦,點知又俾邪神一掌燒到淨番棚骨,仲以為黃玉郎有心煲起呢個角色,咁之前花咁多篇幅描述妖帥出身做乜呢?仲有呀,嗰啲甚麼南神忍呀、北電王呀、地藏魔佛呀,又話甚麼甚麼絕世高手,今期兩三頁已經俾人打到頭身分家;仲有二魂,乜魂物魂我都未記得清楚個樣And個名,得一格,係細細的一格,連過兩招嘅機會都無,做交代佢哋陣亡,乜修羅門啲所謂絕世高手咁兒戲架?

Read more ›