【R.I.P.】再見了俊介 日本明星狗狗俊介離世 終年14歲

2002年11月出生,本來就快15歲生日嘅日本松鼠狗俊介,已經離開咗我哋,去咗彩虹橋喇。俊介佢頭圓眼又圓好可愛,好早已經喺網絡走紅,每年出月曆,之前又出過寫真,除咗日本,中港台都好多fans,不過佢主人就喺官方facebook就出咗文,話佢上星期五(13日)身體變差,睇番當日佢仲有出圖話搭車,可能就係搭車去睇醫生,之後返到屋企就瞓覺,再睇番佢啲片,對上一條片已經係9月拍o架喇。可惜係噚日(16日),佢嘅病情急轉直下離開咗我哋,今日就會火化。願俊介安息,大家珍惜身邊人之餘,如果有養寵物嘅,都要好好珍惜佢哋,有時間就要陪多啲佢哋,抱多啲佢哋,錫多啲佢哋,始終佢哋比我哋少好多時間喺世上。

Read more ›