望過吓啲相，咁講真又真係抵鄰居投訴嘅，啲萬聖節佈置實在太恐怖喇，倒吊喺 十字架位人兄喉嚨插咗兩支針筒，好似放緊血咁；俾透明膠袋紮實嘅屍體成面血 ，仲要死唔眼閉添；個小朋友仲嚇人，好似BBQ咁俾條鐵通穿腹而過，夜媽媽見 到，個心肯定離一離！呢啲咁恐怖嘅萬聖節佈置，出自美國俄亥俄州居民Vicki Barrett之手，放喺露天草坪，偏偏草坪同附近小學只一街之遙，亦屬往返附近 小學必經之路，所以搞到有家長強烈投訴，話嚇親小學生咁話喎。

北韓金正恩又發威，今次受害者係一位美國教徒。美國政府剛剛證實呢單消息，說話呢位29歲住喺美國俄亥俄州嘅嘅男子Jeffrey Edward Fowle，日前走去北韓旅遊，走嘅時候留低咗本聖經喺酒店，咁就出事喇！因為喺北韓擁有聖經會被處死或者終身監禁！而家佢被北韓以「反共和國敵對行為」拘留，而佢已經係第三位被北韓軟禁嘅美國公民。等你哋仲成日話要去北韓旅行，都係留返喺地球安全啲。