Post Tagged with: "便利店"

日本Lawson便利店超熱賣     Premium Roll Cake每月限量厚度增2倍
by / on 08/08/2020 at 2:10 pm

日本Lawson便利店超熱賣 Premium Roll Cake每月限量厚度增2倍

好掛住日本,連便利店嘅食物都好掛住。日本有網民喺Twitter分享咗呢款Laswon嘅Premium Roll Cake,呢款蛋糕喺日本好受歡迎,係Lawson嘅長期熱賣產品,而原來每個月6日佢會推出特別版,蛋糕嘅厚度會增加2倍!連入面嘅cream都係雙倍!好想食!遲啲去日本旅行記住買。

Read more ›

日本另類波鞋聯乘    Netflix/ 7-11便利店都有份
by / on 20/07/2020 at 7:18 am

日本另類波鞋聯乘    Netflix/ 7-11便利店都有份

波鞋成日都同不同牌子crossover,最近呢位日本設計師@mitiruxxx就發揮創意,設計咗幾個與眾不同、好另類嘅聯乘,包括NETFLIX、桔梗信玄餅、Suntory天然水等,其中7-11便利店個鞋盒仲好靚!

Read more ›
腦爆炸式行銷 日本便利店咖哩包咖哩包咖喱包
by / on 09/07/2020 at 4:43 pm

腦爆炸式行銷 日本便利店咖哩包咖哩包咖喱包

如果你明明想食蜜瓜包,但入到便利店發現無論望向邊個方向都見到「カレーパン」,會唔會令你回心轉意食咖喱包?有日本網民就出圖,發現呢間便利店貼滿推銷嘅紙條,如似進入咗JoJo擬音字世界咁……之後有網民回覆,原來上個月已經係咁……唔知佢啲咖喱包賣成點呢?

Read more ›
日本便利店Lawson食物新包裝 網民鬧爆「納豆」爛設計
by / on 26/05/2020 at 7:53 am

日本便利店Lawson食物新包裝 網民鬧爆「納豆」爛設計

好耐無去日本,原來便利店Lawson啲食物換咗包裝,不過評價就非常差嘞。有網民影咗相放上網,話新包裝遮住晒啲食物,一啲都吸引唔到人,另外最多人鬧嘅係納豆,包裝寫住Natto,好多人都唔知係咩,樓主仲串佢係咪扮緊「北大西洋公約組織」(NATO),連Lawson店員都留言鬧埋一份,話納豆同啤酒都因為新包裝而賣得好差。之後有網民仲改埋圖,入嚟有回帶。

Read more ›
日本名物變模型 私家車直鏟入便利店
by / on 25/05/2020 at 7:45 am

日本名物變模型 私家車直鏟入便利店

日本出現過唔少汽車剷入便利店的意外,當中尤其以Toyota Prius最多……最近有網民整咗個模型,模擬一架私家車直鏟上便利店,近睇連推跌嘅雜誌架都造得超細緻,呎吋方面好迷你,車轆大概等於一個100円硬幣大小,入嚟可以放大張圖慢慢睇。

Read more ›
日本Twitter人氣插畫出扭蛋 便利店麻煩動物出動
by / on 18/05/2020 at 7:42 am

日本Twitter人氣插畫出扭蛋 便利店麻煩動物出動

插畫作品《あああ!!お客様困ります!!》喺日本好高人氣,講述便利店年青店員成日遇到古怪動物,最近佢哋同Takaratomy Arts合作出扭蛋,一式五款,包括瞓喺推車上面嘅熊貓、瞓雪條冰箱嘅企鵝、匿入抽獎箱嘅倉鼠,當然唔少得店員主角配收銀機,儲齊一套就可以重造返便利店入面嘅混亂情景!五月中推出,鍾意嘅記住留意返。入嚟有得follow埋呢套插畫嘅Twitter。

Read more ›

日本便利店雞扒新食法 夾蛋沙律麥包Twitter熱傳
by / on 21/04/2020 at 7:33 am

日本便利店雞扒新食法 夾蛋沙律麥包Twitter熱傳

有無人好掛住日本便利店嘅炸雞排?無食一排見到都好肚餓。日本有網民分享佢嘅新食法,喺Family Mart買咗個蛋沙律麥包,之後再將新鮮嘅炸雞排夾喺中間,睇見都好想試!記低佢下次去日本試吓先。

Read more ›
日本「便利店膠袋貓」發現 手搖搖超搞笑Twitter熱傳
by / on 19/02/2020 at 7:56 am

日本「便利店膠袋貓」發現 手搖搖超搞笑Twitter熱傳

放開隻貓呀!呢張相好奇趣,有日本網民用咗個新穎方法傳送貓,就係入咗佢入去便利店膠袋嘞。相信應該係隻曳貓走咗入膠袋唔肯出嚟,之後主人就連袋帶貓拎走嘞,你睇隻貓隻手仔幾有動感?入嚟有得睇埋隻喵嘅正常生活照,好可愛仲有啲蠢樣。

Read more ›
日本瘋狂插畫家「十連休」新作     便利店最乞人憎行為
by / on 28/04/2019 at 7:48 am

日本瘋狂插畫家「十連休」新作 便利店最乞人憎行為

作為心急又躁底嘅香港人,睇呢位日本插畫家嘅作品特別爽。佢鍾意畫啲實況嘢,例如地鐵迫爆呢啲情況,每次都有正義之士出嚟剷平現場。今次嚟到日本嘅10連休,便利店肯定日日迫爆,而佢就交代咗兩種喺便利店乞人憎嘅客人行為,第一種當店員要求買完酒按掣確認夠18歲時,問問問唔快快撳掣嘅人;另一種就係俾錢時啲散銀跌咗落枱彈彈吓,兩種都好煩好易令店員抓狂,睇埋張圖入面店員嘅反應,真係幾大快人心嘅。

Read more ›
日本便利店淥杯麵新方法 拎返屋企唔怕倒瀉
by / on 15/01/2019 at 7:56 am

日本便利店淥杯麵新方法 拎返屋企唔怕倒瀉

平時淥杯麵都係打開蓋裝完水,再搵嘢責住個蓋,日本呢位網民就話呀爸教佢喺中間篤穿個窿,然後直接灌熱水,之後拎返屋企途中啲水就唔會咁易瀉出嚟。不過有網民話咁樣拎到返屋企啲麵已經淋晒,樓主回應原來佢屋企同便利店超近,難怪佢可以連煲熱水都慳返。

Read more ›
北海道地震便利店被清空 「激辛辣麵」無人買
by / on 08/09/2018 at 1:40 pm

北海道地震便利店被清空 「激辛辣麵」無人買

北海道地震由6.7級更新到7級,地震引發嚴重停電,便利店嘅食物亦被搶購一空,不過有網民發現貨物架上面竟然有嘢剩!就係幾盒寫住「激辛MAX」嘅辣麵。呢幾盒被形容為地獄級辣麵,似乎大家都諗住等到絕境先考慮。咁都係嘅,食完勁辣又要飲大量水,似乎唔適合喺呢個時候挑戰。不過有網民發現其實入面嘅辣醬可以分開落,咁買嚟應急都仲可以嘅,不過自己落調味啦。

Read more ›

日本無良司機亂泊便利店 泊足兩年罰款990萬円
by / on 30/07/2018 at 7:39 am

日本無良司機亂泊便利店 泊足兩年罰款990萬円

去日本自駕遊其中一個好處就係便利店外有大量泊車位,方便駕駛人士買完嘢繼續旅程。不過呢啲免費泊車位都會俾人濫用。7月26日大阪市有單法庭案件,有個車主連續兩年違例將架車泊喺一間便利店門外嘅泊車位,由2013年至2015年總共泊咗超過1萬小時,而且總共係兩架車!便利店職員多次口頭同書面警告事主,不過都無人理。最終法庭判呢位車主要賠償990萬円,即係大概70萬港幣左右,不過事主就無現身法庭。好多網民都質疑便利店最終會唔會收到筆錢。入嚟有更多詳情。

Read more ›
日本7-11有生啤賣 一杯100円超抵飲
by / on 15/07/2018 at 11:34 am

日本7-11有生啤賣 一杯100円超抵飲

日本人鍾意飲啤酒,嚟緊就算去7-11便利店都唔只可以買罐裝,仲可以買杯裝生啤!7月17日即係過兩日就開始有,細杯只係100円,中杯都係190円,夏天熱辣辣隨時飲番杯應該好爽!

Read more ›
【有片】日本專業便利店員 見客人即飛身收銀
by / on 05/07/2018 at 5:05 pm

【有片】日本專業便利店員 見客人即飛身收銀

你有冇試過,拎住支嘢飲去到櫃台,但店員不斷好專心咁做其他嘢,或者好專心咁同另一位職員傾緊計而到你大嗌唔該佢先施施然伸隻手出嚟拎你支嘢去嘟?又有冇試過去到櫃台見冇人,嗌其唔該收錢都係冇人理你,原來店員好專心咁執緊貨?如果去到日本埼玉縣富士見野市呢間便利店,你一定唔會遇到以上情況……只會讚佢太好身手。

Read more ›
幫襯邊間好?日本7-11隔籬又開7-11
by / on 01/07/2018 at 1:05 pm

幫襯邊間好?日本7-11隔籬又開7-11

便利店梗係要便利啦,你喺香港見過最多一條街有幾多間7-11?估唔到係日本咁多地方都會咁樣開。有日本網民出圖,見到一間7-11開正喺另一間7-11隔籬,之後就有其他網民出圖,話其實喺屋企附近都有見過Lawson隔籬有Lawson,原來好多咁嘅情況……如果開咁近,不如另一間叫三哥啦?

Read more ›