喵星人性格佛系，寫意自在，所以日本Qualia推出呢款「如來佛祖喵」扭蛋(ねこ如来マスコットフィギュア弐) 都好合理，一式五款，每款有唔同姿勢俾各位貓奴供奉，下年3月推出，鍾意嘅記住留意返嘞。

呢幾日經常落雨，要多啲關心附近嘅流浪貓呀。日本有網民分享咗張相上Twitter，隻流浪貓好識揀，揀咗個迷你祭壇嘅頂部位置避雨，好壯嚴好神聖，好想供奉貓神。之後樓主發現呢個擺滿招財貓嘅位置經常有貓出入，仲有其他貓都去過呢個位置避雨，入嚟有回帶。

喵星人好鍾意周圍瞓，不過呢隻日本喵好識揀位，瞓正喺大佛嘅掌心到，好明顯已經成為咗信徒。張相拍攝地點喺日本東京都文京區嘅「護國寺」，睇相見佢又企又瞓，似乎已經同大佛好熟絡，仲可以一齊俾人類供奉。