之前話過VR睇人玩好過自己玩，尤其是睇囡囡玩。估唔到睇婆婆玩都有另一種樂趣。呢段片唔係最新，不過都好想分享吓。片中嘅婆婆第一次體驗VR，內容就係出名震憾嘅《侏羅紀公園》，睇片見佢反應好誇張，又大叫又郁嚟郁去，可能畫面入面有幾十隻暴龍追緊佢！不過老人家玩真係要小心啲，心臟負荷好大喎。

啱啱過咗嘅星期六日英國有動漫展London Super Comic Con，外國網站Geeks Aare Sexy嘅攝影師Nick Acott喺場內影咗大量coser，絕大部份嘅水準都好高。外國人高頭大馬，最啱cos Marvel嘅超級英雄，另外Star Wars都好多人cos，個個女仔都想做Rey或者Leia公主，男仔就想做Kylo Ren或者Luke Skywalker，唯一係估唔到《侏羅紀公園》嘅人都有人cos‥‥‥

好多年冇見喇，計番第一集《侏羅紀公園》已經係21年前。官方早前話10日內有第四集《Jurassic World》嘅第一條預告，但噚晚就已經有預告嘅預告，7日後，完全版就有得睇喇。呢條短片冇恐龍睇，但有睇過系列嘅，都應該實記得呢一幕。電影由Colin Trevorrow執導，Chris Pratt、Bryce Dallas Howard演出，2015年6月12日上映。

之前都報道，侏羅紀公園將會有第4集《Jurassic World》。而喺聖地牙哥Comic-Con，就有首張海報曝光。據傳聞話今集係講本來侏羅紀公園會重開，但最後開唔成，呢張電影海報係由Mark Englert繪製嘅，海報後面係咪就係公園嘅地盤？咪同西九一樣囉。

睇《侏羅紀公園》最有印像係有恐龍即將出現，車上面杯水開始震震吓出現漣漪嗰幕。估唔倒有人居然諗倒推出類似嘅製冰架，雪到結冰之後會有一圈圈好似漣漪嘅效果，放入杯入面效果幾可亂真。不過用嚟扮有恐龍好嘞，唔好呃人話有地震，後果可以好嚴重o架。

《侏羅紀公園》我上星期先翻睇完，雖然特技有啲舊，但依然覺得好刺激。啱啱喺網上見倒有人翻拍現實版侏羅紀，不過發生地點係紐約嘅Prospect公園！一開始有四個打扮抄足侏羅紀嘅演員，揸住架四驅車周街問人侏羅紀公園喺邊，睇到結尾居然有巨型恐龍出現，途人嚇到雞飛狗走，個人認為啲演員嘅戲流流哋，隻恐龍就‥‥‥都幾大隻嘅‥‥‥

之前又話2014年上映，又話會停拍……最新消息係Colin Trevorrow繼續做導演，而第4集嘅片名將會係《Jurassic World》。即係點？啲恐龍衝晒出嚟城市大襲擊？電影會喺2015年6月12日上映，到時又有復仇者第2集，又有超人溝蝙蝠俠，好熱鬧喎。

LEGO CUUSOO呢個企劃造福Lego迷之餘又幫倒Lego賺錢，真心欣賞。早兩日報導fans製作嘅《回到未來》Lego終於籌到1萬個support正式量產，緊接住可能就有20年前嘅經典作品《侏羅紀公園》，呢套Lego由senteosan製作，除咗有大家一定記得嘅公園入口，仲有Dr. Alan, Grant, Dr. Ellie Sattler同埋Dr. Ian Malcolm三個角色，當然唔少得主角T-Rex恐龍，要成功量產，就要喺LEGO CUUSOO網成功收集一萬個support，暫時有3,118個，想佢量產嘅就入去支持吓啦。

前幾日先有消息話傳下年上映之餘，導演Colin Trevorrow仲喺Twitter放咗張第1集公園嘅相片，話主線會回歸第1集發生嘅島度玩。點知，隔咗兩日，先有製作團隊嘅成員喺Twitter留言話呢個Project要Hold住先，仲有人同套戲講Bye Bye(好快刪咗，不過外國傳媒梗係有留底)，繼而就有消息話呢套第4套真係會Hold住先，但又唔係話一定唔開呢啲無綾兩可嘅說話……總之想下年睇到都係窄啦。

《Jurassic Park IV(侏羅紀公園 4)》仲未有消息，之前傳話2014年6月13日上映，都唔知趕唔趕得切。不過啱啱就有少少新料吊吓大家癮，導演Colin Trevorrow喺自己Twitter放咗一張相，睇到就係第一集建公園嘅Isla Nublar。其實，第2、3集故事都係喺附近做主線，不如估吓今集仲有咩玩？會唔會有機械恐龍？