Tag: 侏羅紀世界

【放假踩返轉】暴龍3個轆單車 網上有得買堅有型

好型呀!有啲嘢設計出嚟其實無乜實際作用,純粹貪玩唧。網上見倒呢架暴龍骨頭單車,三個轆不過好高身(8.5呎高12呎長,即係大約12歲嘅暴龍身高喎),爬上去都有啲難度,踩住佢入大圍走返轉堅係型。想買嘅話,外國真係有得訂,開價美金2千蚊。睇完《侏羅紀世界》又念念不忘嘅話,買返架啦!

Read more ›

有片 《侏羅紀世界》恐龍叫聲點嚟? 獅子/馬騮聲混合製

睇《侏羅紀世界》一定要豎起埋對耳仔,因為入面嘅聲效超正。咁入面嘅聲效究竟係點樣製作出嚟?呢條behind the scenes片搵咗負責設計聲效,SoundWorks Collection嘅Pete Horner同Al Neelson做訪問,原來啲恐龍叫聲係由獅子、馬騮、海豚等叫聲混合而成,仲有啲靠道具轉盤造成嘅特殊聲效,認真估你唔倒。睇完條片我又想翻睇多次《侏羅紀世界》。

Read more ›

【識英雄】Marvel出圖賀《侏羅紀世界》 恐龍拎起《雷神》之鎚

電影《侏羅紀世界》喺美國破埋《復仇者聯盟》嘅開畫票房紀錄,好威威。Marvel Studios唔介意之餘仲好大方,主腦Kevin Feige喺Twitter放咗張賀圖,一班《復仇者聯盟》嘅角色望實騎住恐龍T-Rex嘅男主角Chris Pratt,標題形容《Jurassic World》係「KING!」。睇真啲,隻恐龍手上面仲揸住咗雷神之鎚!張圖由Marvel嘅Andy Park設計,其實以往好多電影人都會識英雄重英雄,出賀稿賀對手套戲收得,入嚟有得回帶睇埋當年史提芬史匹堡賀《星球大戰》大賣嘅廣告稿,好正。

Read more ›

新片速報 《侏羅紀世界》男主角被玩 真實版恐龍突入嚇到舉中指

睇咗《侏羅紀世界》未?係咪睇4D先?不過就算4D都唔夠呢條片驚嚇。有人諗倒搵兩隻真恐龍嚇男主角Chris Pratt,趁佢路過嘅時候突然殺出,睇佢超驚個樣,shit shit聲仲舉埋中指,好戲過電影入面嘅演出。條片放上網1日已經過百萬點擊,由YouTube專拍整蠱片嘅SA Wardega製作,水準有保證。上星期佢哋仲拍咗條恐龍殺人片,一樣超正,不過係咪乘機宣傳套新戲架?

Read more ›