呢兩日喺Twitter好多人用玩hashtag「#世界一残念な550円の使い方」，分享550円嘅奇妙使用方法。喺日本Twitter好高人氣嘅ARuFA都有玩。佢今次嘅玩法就係將550円全部唱成1円，然後放入個散紙包入面，等個散紙包漲卜卜，不過「理想與現實」往往唔同，完成品大家都見到，墜咗落去嘅散紙包感覺好奇妙，有網民發現同某個藝術展張海報仲幾相似添。ARuFA成日都會設計啲古靈精怪嘅發明，之前大家都睇唔少，入嚟有回帶。

每朝早要起身就好似打仗一樣超難，日本有網民喺Twitter分享咗呢個「定刻起床裝置」，而且係專為個人而設嘅，定價10萬円，連JR站員都使用。不過有網民就擔心佢會爆，有人話可能都再返瞓，入嚟有片睇，要set佢都幾大陣仗。

有無計算過每日用手機嘅時間？如果你發現自己已經去到失控，無論何時何地都要拎部手機出嚟篤嘅話，可以下載呢個叫「Moment」嘅iPhone手機app。設計Kevin Holesh本身都患有呢種病，為咗迫自己重投正常生活，佢製作咗呢個限制使用手機時間嘅app，當你開著佢之後會成為背景，然後set定你希望自己使用手機嘅時間長度，當超越咗嘅時候，手機就會發出提示叫你收手，平衡返你嘅生活。BTW，小心阿媽或女友迫你裝。