fbpx

Post Tagged with: "佳子"

泰國插畫師畫「佳子公主」 日網民讚笑容傳神
by / on 13/06/2015 at 8:58 pm

泰國插畫師畫「佳子公主」 日網民讚笑容傳神

有「皇室第一美人」之稱嘅佳子公主,一向都受日本網民歡迎,估唔到連東南亞都有fans。呢位泰國畫師「Wisaruth Wisidh」喺facebook放咗佢嘅作品,日本網民見到之後即時大讚,話好有佳子嘅神韻,睇落呢個漫畫版佳子又真係幾萌,靚吖。

Read more ›

日本「皇室第一美人」素顏便服look       佳子公主嚇親網民
by / on 09/06/2015 at 7:12 am

日本「皇室第一美人」素顏便服look 佳子公主嚇親網民

日本「皇室第一美人」嘅佳子公主好受網民歡迎,之前仲出埋寫真,可惜最近比人影倒佢返學嘅便服素顏look,嚇親唔少網民。有人話原來公主嘅雙眼皮係貼出嚟嘅,有人睇唔慣佢嘅便服造型,仲有人話佢似日本搞笑藝人田利夫。其實睇真啲,只係呢張相影得特別衰,睇返當日其他相,清純嘅公主都好靚女,係眼袋大咗少少啫。網民仲發現佢好鍾意將件外套調轉著,公主變平民,點都好過有公主病高高在上嘅。

Read more ›
【火速拉人】日本公主網上被恐嚇     疑犯勁似玉木宏?
by / on 23/05/2015 at 11:41 am

【火速拉人】日本公主網上被恐嚇 疑犯勁似玉木宏?

好受日本網民歡迎嘅「皇室第一美人」佳子公主都有hater,早幾日除咗有便服Look流出之外,仲有網民喺2ch留言恐嚇話要加害佢,公主被嚇親梗係馬上報警啦,警察都好快手,啱啱拉倒人,仲公開埋佢嘅相片同真名。呢位43歲犯人池原利運,無業,呢件事即刻成為2ch網民討論話題,不過焦點就落咗去犯人個樣度,有人話佢好靚仔,十足藝人玉木宏(黐線邊似!),有人話佢個樣唔似43歲,好快就有網民人肉起底搵返佢嘅近照,原來佢已經人到中年仲發咗福。同時間網民亦乘機串咗警察廳兩句,話:「對特權階級嘅事果然處理得特別快啊!」

Read more ›
日本「皇室第一美人」出寫真     網民想睇水著
by / on 17/04/2015 at 7:15 am

日本「皇室第一美人」出寫真 網民想睇水著

被稱為「皇室第一美人」嘅佳子好受日本網民歡迎,呢位芳齡18嘅日皇明仁長孫女最近慶祝成年,朝日新聞就出咗本《秋篠宮家 の25年あゆみ》紀念寫真集賀一賀,難得出寫真,網民即時上載大量公主靚相,除咗高貴皇冠look,仲有清純水手校服look,賣980円唔算貴,不過日本網民就留言話:「有無水著架?」、「有握手會嘅話我就買!」貪心咗啲喎!

Read more ›