新海誠嘅《你的名字。》早兩日喺日本電視播放，咁開始時都有「提供」嘅唔同單位，當中好似Nissin同Suntory個標誌，跟番動畫主題玩調換，真係好正好有心思。另外，播放動畫期間仲有大量《天氣之子》特別CM，入嚟可以睇埋。

見到呢個聖地，見到呢個角度，係多咗一個人啫，應該都會諗起動畫《你的名字。》嘅名場面。最奇妙就係由三個和尚組成嘅「坊主バンド」，啱啱就去咗影相，仲寫咗句：「君の宗派は。」

早幾晚《君の名は。》地上波初放送，即時又多咗話題，啱啱有網民就喺Google街景見到呢個情景，似乎係動漫迷遊聖地時擺番個po。另外亦都有網民再出動畫嘅聖地巡禮，啲景真係好靚！

噚晚《你的名字。(君の名は。)》首次喺日本電視台播放，先有監督新海誠自爆有《言葉之庭(言の葉の庭)》男主角過鏡，繼而又引嚟網民討論，可能你都記得，「奥寺先輩」最後出場時手戴婚戒，咁結婚對象係邊位？原來係「司」呀，即係男主角「瀧」嘅同學，畢業面試之後出嚟飲咖啡時佢都戴住婚戒，唔通撳緊電話就係同「奧寺」聯絡？又唔通係「糸守」旅行嗰次撻著？另外……

噚晚日本電視台首次播放動畫《你的名字(君の名は。)》，呢兩日Twitter又有好多關於呢套動畫嘅新聞嘞。其中女主角宮水三葉之前幫「天然水」拍嘅廣告，就俾網民惡搞置入其他產品，之後仲有野獸先輩亂入同大量瘋狂貼圖，入嚟有得慢慢睇。

啱啱頭先日本時間9點，《你的名字(君の名は。)》首次喺日本電視台播放，咁新海誠監督播之前就喺Twitter話，雖然有啲唔合理，不過其實喺《你的名字。》入面，係有《言葉之庭(言の葉の庭)》角色過鏡嘅。之前上映時都好多人話一開始嘅主角嗰位老師係《言葉之庭》入面嘅「雪野百香里」，連聲優都係花澤香菜，不過睇番年份其實都冇乜可能，咁今次呢？新海誠老師自己出嚟證實，唔係老師，係學生「秋月孝雄」呀，播之前叫人留意，啱啱播完喇，佢都直接出片俾答案。

似唔似，梗係唔似啦，25歲仲要係德日混血模特兒，不過佢本身係可愛嘅。呢位「トリンドル玲奈」每期都會變身動漫人物，今次就係《君の名は。》嘅「宮水三葉」，之前仲有海螺小姐「サザエさん」同《男はつらいよ》「寅さん」。

喺東京「国立新美術館」有呢個「新海誠展 －『ほしのこえ』から『君の名は。』まで－」，所以監督新海誠同神木隆之介就出咗個活動，喺活動中，剪咗新髮型嘅新海誠就被問到作品被拍成荷里活電影有咩感覺，佢就話佢一向都當自己嘅作品係自己嘅仔女，但對佢哋之後長大嘅發展就唔會太著意。我覺得就好似子女展開咗新嘅旅程，佢會成長成點樣嘅大人，就要睇佢哋做成點。早前東寶同Paramount Pictures加埋J.J. Abrams嘅Bad Robot宣佈會合作拍攝，而呢套真人版電影……

早前報道過，東寶、Paramount Pictures加埋J.J. Abrams嘅Bad Robot三方合作開拍荷李活真人版《你的名字。》電影，咁主角好大機會係外國人，咁又可能有唔同膚色嘅演員參演，三葉可能會變成黑人？東京就變做紐約，打籃球射波就變成入樽，呢啲都係好合理嘅……有日本漫畫家「shinsei」就畫咗啲預想圖……講真，如果係咁，我好想睇。

之前有傳聞過賣版權俾大陸開拍，o依家落實喇，唔係賣俾大陸(雖然大陸冇版權都可能會拍)，而係東寶同Paramount Pictures加埋J.J. Abrams嘅Bad Robot合作拍攝。暫時已知嘅係呢套新海誠監督嘅作品《君の名は。》，真人版劇本會由早排上映嘅外星人電影《Arrival》嘅編劇Eric Heisserer負責，而有參與製作動畫嘅川村元気亦都會加入今次嘅製作團隊……不過，其實最重要應該係男女主角同背景喇，睇嚟會變晒西人，改晒英文名，唔知高中生仲會唔會係高中生？

大家都睇過北韓新聞報道可以有幾激昴幾誇張幾平衡時空，不過今次呢個唔係重點，係有日本網民話個背景好似《君の名は。》嘅「糸守湖」，不過好快已經有網民指正，話嗰個其實係「白頭山」，上網查一查，即係又名長白山，係中國同背韓邊境嘅界山。不過呢個都唔係重點，重點係之後網民出嘅圖，將金仔變成《你的名字。》主角……咁三葉係……

三葉？你係咪三葉呀？你係邊個時空嘅三葉呀？之後又可以起音樂喇……無版權當然唔妥，但你山寨都俾啲誠意好唔好？呢兩隻《君の名は。》嘅無版權Figure真係威嘅，首先點解會有人買呢？買嘅人仲搞開箱，開箱之後仲傳到去日本，唔，今日農曆七月十四日，果然好多怪事。

杯緣子到而家都繼續有新款出，今次終於輪到動畫《你的名字。》，有齊男女主角，唔單止有校服造型，連睡衣造型都有，仲係佢哋發現自己對調咗身體時嘅驚訝樣，最近官方出咗幾張新圖，而家有得賣，作為fans應該想儲齊一套嘞。

出碟喇嘛，梗係要宣傳吓，但呢個三葉似乎有啲熟口面，但又唔係《你的名字。(君の名は。)》入面個三葉……其實呢隻係《哈利波特》隻「多比」，唔只新宿紀伊國屋嘅店員咪想幫佢哋嚟個crossover？即係如果三葉讀嘅係「霍格華茲」……呢張相出咗之後，有人回覆話喺紐約都見到「多比」俾人玩，不過就唔係三葉……咦？同埋佢件衫，係咪店員整嘅呢？

我到o依家都好後悔，當年冇買到山下しゅんや‏畫插畫嘅綾波麗同明日香……《你的名字。》出咗碟，「山下しゅんや‏」就喺Twitter出咗「三葉」嘅插畫，超可愛，如果可以立體化就好……