呢個畫面真係好奇妙，雖然吸煙危害健康，但「蜘蛛俠」食電子煙，之後扮電視入面嘅《哈利波特》「佛地魔」出場，又的確係有創意……

鍾意玩玩具該都有經驗，買返嚟嘅角色同真人相差大截，不過嚟自菲律賓，現居美國嘅呢位玩具化妝師Noel Cruz就可以化腐朽為神奇，呢幾年嚟經佢改造嘅玩具不計其數，重新畫過嘅頭雕極像真，由神奇女俠Gal Gadot到Emma Watson到佛地魔到Angelina Jolie，全部都勁靚，真人一樣！入嚟有得慢慢欣賞。

今次啲改圖好高質，唔share對唔住自己。英國演員Rowan Atkinson(Mr.Bean)大人細路都識，佢嘅臉部表情出神入化，有網民發起改圖活動，將佢key成唔同角色，Harry Potter、狼人、Loki、佛地魔、Joker、亞凡達、Iron Man以至《魔戒》嘅咕嚕，全部零違和，Key嘅人勁，佢本身個樣咁萬能key都好難得，入嚟有得睇晒佢。

如果喺黑暗環境下，加上人又唔多清醒，霎時間見到呢個雙面人，我諗真係會嚇到O嘴。作畫者叫Jody Steel，用光頭當畫布，逐畫逐筆畫《哈利波特》佛地魔，仲要畫得咁鬼似，尤其對眼，睥睥貢咁盯住你，你都咪話唔驚。

電影《哈利波特》入面，如果大反派佛地魔喺Epic Battle贏咗會點？外國網友deathbystapler設計咗呢輯海報，哈利波特、榮恩、妙麗全部淪落兼頹爆，影埋一張張好似通輯犯嘅坐監相，不過效果又幾型。但係點解佢哋全部一樣高嘅？同埋哈利仔最後喺紐約出現？