fbpx

Tag: 余兒

撐!Felix Ip《燃燒吧!香港重機03》!

撐!Felix Ip《燃燒吧!香港重機03》!

喂呀,啱啱先留意到,Felix Ip聯乘余兒同陳四月推出嘅《燃燒吧!香港重機》出咗第三期喇,搶先書展推出咁話喎。我有買開第一同第二期,So第三期必撐。你呢?

Read more ›

余兒開圖文專欄 每週一至兩篇

余兒開圖文專欄 每週一至兩篇

話說余兒想寫一個「關於創作、出版的故事」,於是決定「先把這些年來有關漫畫界的人和事整合,說些真實的小故事」,所以萌生起搵台灣插畫家編輯Yuli幫手,創作一個每週一至兩篇嘅圖文專欄。第一話〈天才的世界〉已經見街,內容大致講余兒入行經過同作為港漫界新丁嘅所見所聞,兼附小鮮肉照一張,觀其頭戴Headband有啲似《九龍城寨》吉祥嘅造型,一臉清澀非常青春。暫時睇落幾有追看性,我鍾意睇公仔書,亦鍾意睇字,必定期期捧場。

Read more ›
Felix Ip「創造館」搞簽名會 重機哈囉喂畫板$300

Felix Ip「創造館」搞簽名會 重機哈囉喂畫板$300

余兒「創造館」開張搞作家簽名會,又點少得Felix Ip份兒,大家記得帶書或臨場買書搵佢簽名兼影相喇。另,雖然今年受疫情影響,連帶市面都無乜Halloween氣氛,但話晒都係大節,Felix Ip都製作咗6張重機哈囉喂畫板同大家開心吓,每幅$300,有買趁手。

Read more ›
去創造館買書 余遠鍠駐場搞簽書會

去創造館買書 余遠鍠駐場搞簽書會

余兒嘅「創造館」開張,歡迎大家親臨買書兼探吓佢。而嚟緊周六,《我的吸血鬼同學》、《妙探鬼靈精》同《神探包青天》作者余遠鍠喺創造館搞咗個簽名會,駐場同讀者見面影吓相,收到未?請多多捧場。

Read more ›
余兒x司徒劍僑《九龍城寨漫畫十年》 周六搞新書簽名會

余兒x司徒劍僑《九龍城寨漫畫十年》 周六搞新書簽名會

呢個禮拜有好節目,大家記得預番時間參加《九龍城寨漫畫十年》簽書會,隨書會附送一張Postcard。留意番,新書周五各大中小書報攤開售,留番周六簽書會先買呢,有88折兼有親筆簽名兼可以同余兒、司徒劍僑影相打卡,咁大家知點揀喇。

Read more ›
余兒x司徒劍僑《九龍城寨漫畫十年》10月24日見街 有簽書會

余兒x司徒劍僑《九龍城寨漫畫十年》10月24日見街 有簽書會

來了!十年重聚!Re-union!余兒x司徒劍僑《九龍城寨漫畫十年》鐵定10月24見街,到時會喺「創造館」搞簽書會。大家記得去捧場,影相打卡買書,好節目也。

Read more ›

余兒x司徒劍僑 《九龍城寨漫畫十年》10月見街

余兒x司徒劍僑 《九龍城寨漫畫十年》10月見街

十年,眨眼就十年了,余兒原著、司徒劍僑繪畫嘅《九龍城寨》十年前創刊,十年後嘅今日,有呢本《九龍城寨漫畫十年》紀念特刊。此書144頁,內容豐富,收錄漫畫番外、原作解說、經典場面、封面回顧同城寨百人,售$88,10月有得賣,余兒透露屆時會搞埋首賣簽名會,開心!

Read more ›
余兒報料 打算出《城寨十年》特刊

余兒報料 打算出《城寨十年》特刊

白駒過隙,不經不覺已經係十年前嘅事,時間真係過得好快。今年原來係漫畫版《九龍城寨》出版十周年,點都要賀一賀,所以余兒籌備緊特刊《城寨十年》,佢咁話:「今次特刊並不驚天地動,只係某日翻睇番外篇(典藏版連載),覺得可以輯成薄裝,諗諗下不如加多少少專欄做精裝,好似珍藏性高啲。」呵呵,好得很,陳洛軍、AV、龍捲風、雷公子、吉祥、信一,我哋好快又見面喇。我心嗰句,特刊最緊要靚,最緊要豪華,賣貴啲都唔緊要架,余兒,加油。

Read more ›
高手出說明書 教砌Lego版雪糕車重機

高手出說明書 教砌Lego版雪糕車重機

高手高手高高手依舊係面書專頁「放工後玩具箱」,依舊提供說明書教大家逐頁跟住砌Brick,依舊取材自Felix Ip文字繪本《燃燒吧!香港重機》封面。上次砌嘅係第一期人人重機,今次輪到第二期嘅雪糕車重機。好有心機,肯公諸同好亦屬大愛,畀啲掌聲唔該。

Read more ›
創造館優惠 $1000買全套14期《九龍城寨》珍藏本

創造館優惠 $1000買全套14期《九龍城寨》珍藏本

書展檔期,出版社「創造館」推出優惠,$1000就可以買晒全套1至14期《九龍城寨》珍藏本。面書專頁有此留言:「一次過排晒啲封面出嚟真係靚。」梗係靚喇,司徒劍僑手筆邊會唔靚,想像到一字排開何其壯觀,誇張啲講句當買封面都抵;又有此留言:「拎咗一皮嘢回水嘅你,拎10分1出嚟就可以擁有佢。」講得啱,有閒錢咪幫手振興經濟囉,買精神食糧唔過份啫。不過話時話,呢一皮嘢你收到未?

Read more ›
高手在民間!Lego版人人重機神髓十足!

高手在民間!Lego版人人重機神髓十足!

買咗Felix Ip聯乘余兒文字繪本《燃燒吧!香港重機》未?聽醫護話甚少出街,所以我都未出街買書,但必買,有心唔怕遲。話說,有Lego高高手Alex Leung依住繪本封面,砌咗隻人人重機,真係似到十足十,不得不畀個服字。

Read more ›

故事繪本合集《鬥恐怖》 謝森龍異畫插畫

故事繪本合集《鬥恐怖》 謝森龍異畫插畫

今年書展,「創造館」會推出一本短篇故事繪本合集《鬥恐怖》。小說部份,由史兄、三聯幫牟中三、馬菲、陳四月、何晞賢、一樹同余兒負責,有真人真事、以訛傳訛、道聽塗說等靈異鬼故事,可以慢慢煲。插畫方面,由謝森龍異繪畫,佢手畫唔使多介紹喇,我必買Item。

Read more ›
必買Item!余兒《白頭浪》書展出版!

必買Item!余兒《白頭浪》書展出版!

講咗N年,余兒《白頭浪》終於出版,今個書展必買Item是也。先唔講內容,淨係封面我已經好Like,書名「白頭浪」字款同用色好型,凹凸效果好出,搞到三粒字好似識郁咁,側邊由揭頁組成嘅波浪紋亦好呼應到書名,整體用白加淺藍做主調色,估唔到會咁搶眼。內容方面,余兒喺面書有詳細介紹,可以自己慢慢睇,但我覺得唔使睇多,只要睇到以下三兩句──「這本書,寫給活在邪惡當道,仍相信善良,心懷一點光的人」──際此黑白是非不分嘅崩壞年代,心懷一點光的人including我你他和無限個他們她們,一定會買。

Read more ›
Felix Ip《香港重機》報捷再版 封面玩轉色

Felix Ip《香港重機》報捷再版 封面玩轉色

. 恭喜Felix Ip,《香港重機》銷量報捷,「創造館」阿頭余兒喺面書話:「《香港重機》的庫存書已是0本,換言之:喺時候再版加推了!」書展過咗無耐,咁快就可要再版,厲害。咁再版咯,梗要玩吓嘢賀一賀,封面購圖不變,但會由第一版嘅銀色底色,變成再版嘅銅鐵色托底。我有買《香港重機》,有睇,真心覺得好睇,祝快快有再再再再再版嘅出現。

Read more ›
書展幫襯創造館攤位$200 送《我們,在創造。》特刊

書展幫襯創造館攤位$200 送《我們,在創造。》特刊

之前咪講過只要讚余兒靚仔,就可以得到創造館特刊嘅,講笑咋。認真Mode,成件事係咁:喺2018書展創造館攤位幫襯滿$200,即可免費索取呢本為慶祝創造館五5周年印製嘅《我們,在創造。》。內容方面,余兒話:「結集了40多位跟我們合作的作者、插畫師與設計師的創作話,非常值得珍藏。」講明先,此屬限量品,手快有手慢無。咁當然,攞書嗰陣都順便讚吓余兒靚仔喇,我諗佢會好開心,成晚訓唔著的。

Read more ›