Post Tagged with: "何志文"

何志文《絕世無雙》超級Fans 紋黃帝病上臂
by / on 21/08/2019 at 9:45 pm

何志文《絕世無雙》超級Fans 紋黃帝病上臂

係愛呀,我諗無人會比呢位C-Hing更愛何志文《絕世無雙》,愛到要將書中主角黃帝病紋上手臂,圖案仲紋得非常唔錯添,港漫味道出晒嚟嗰隻。為此,何志文喺面書留言曰:「這~~真是我從沒想像會見到的畫面!真的沒有!謝謝你!非常感謝,對我是很大的鼓舞。」唔知何志文有無感動到喊呢?我估有,丁點兒眼濕濕少不免。

Read more ›

何志文取消動漫節簽名會 500%大龍飛舞公仔打卡
by / on 23/07/2019 at 9:05 pm

何志文取消動漫節簽名會 500%大龍飛舞公仔打卡

有少少Sad,因為「時間上安排有所改動」,所以何志文取消7月27日動漫節簽名會,不過都可以放心,佢事前會簽好晒99張《波動少女天若》畫板,依舊購物滿$700即送一張。另,屆時,攤位會擺放500%大龍飛舞公仔,大家記得打卡呀。

Read more ›
何志文《波動少女天若》畫板屬非賣品 限99張送完即止
by / on 19/07/2019 at 9:30 pm

何志文《波動少女天若》畫板屬非賣品 限99張送完即止

其實早兩日前瀏覽何志文面書,已經見到呢幅靚靚畫板,我仲多口問價錢添,去到今日瀏覽「快樂百貨」專頁,先知原來係唔公開發售嘅。想得到呢件非賣品,唔該喺動漫節買番隻龍飛舞搪膠Figure或波動少女天若單色指頭,消費滿$700即送呢塊《波動少女天若》畫板一張。提提你,限量99張,送完就無,即係要搶囉。

Read more ›
何志文《絕世無雙》龍飛舞搪膠 十隻特別版顏色動漫節有得睇
by / on 05/07/2019 at 10:30 am

何志文《絕世無雙》龍飛舞搪膠 十隻特別版顏色動漫節有得睇

何志文隻《絕世無雙》龍飛舞搪膠Figure,大家有無入手?原來唔只你落訂嗰隻顏色架,仲有另外十隻特別版顏色,可惜係唔公開發售嘅。呢十隻特別版顏色搪膠Figure,只會喺動漫節作展覽之用,屆時大家入到場,可以去《同航藝術玩具展》個「快樂百貨」攤位望望,一字排開都幾有氣勢,記得打卡咯喂。

Read more ›
何志文操刀《古惑仔》封面 多謝牛佬送彩圖
by / on 04/07/2019 at 8:51 pm

何志文操刀《古惑仔》封面 多謝牛佬送彩圖

今期第2249期《古惑仔》封面由何志文操刀,畫到陳浩南斯斯文文咁,我覺得好正,志文仲喺自己面書分享落色過程,大家有興趣嘅可以Click入去睇睇。咁老例喇,買三本今期《古惑仔》,影張相放上面書,就有機會得到呢期封面彩圖,多謝牛佬先。

Read more ›
何志文推出龍飛舞搪膠 開訂價$590
by / on 21/05/2019 at 9:15 pm

何志文推出龍飛舞搪膠 開訂價$590

擒日報導過何志文會推出《絕世無雙》龍飛舞搪膠,今日有詳細資料。搪膠由何志文親自雕刻,分原著色同潛行裝兩個版本,約14cm高,價錢方面呢,預訂價$590,預訂期後賣$620,6月30日派貨。咁就好咯,幾舊水,抵玩呀喂。

Read more ›

何志文x快樂百貨 龍飛舞搪膠六月見街
by / on 20/05/2019 at 3:00 pm

何志文x快樂百貨 龍飛舞搪膠六月見街

好賣,所以添食,合理吖,繼《絕世無雙》鳯無雙首辦後,何志文又聯乘快樂百貨推出龍飛舞搪膠,講明六月登場云云。睇圖,今次係Q版作品,And,老實,想講嘅係,上次鳯無雙首辦賣$4880,小弟實在負擔唔起,今次個龍飛舞搪膠,可唔可以經濟番少少?我好想擁有呀,支持你呀志文!

Read more ›
何志文金臂版鳯無雙Figure極速售罄 睇咗當買咗
by / on 23/04/2019 at 7:35 pm

何志文金臂版鳯無雙Figure極速售罄 睇咗當買咗

何志文推出霸王金臂版鳯無雙Figure,超限量得10盒,附木盒編號001至010,條電鍍金手臂閃令令,有透明彩透藍地台、親筆簽名金屬牌、一塊3D立體水晶板,每盒$2880。很想要吧?我都想,係極想極想,但Sorry,得個恨字,因為短短一日已經賣晒,惟有睇咗當晚咗喇。

Read more ›
期待!《何志文作品典藏畫集》Coming Soon!
by / on 19/04/2019 at 7:37 pm

期待!《何志文作品典藏畫集》Coming Soon!

雖然未有詳細資料,但我忍唔住同港漫迷講一聲。話說何志文喺面書出咗個Post,話《何志文作品典藏畫集》Coming Soon喎,大家係咪好期待呢?佢仲話:「因爲想做的事,就要馬上先做的心態,而畫集一直是我想做的,所以現在全速進行中,出版日期未定,先多謝各位留言支持。」梗支持喇。在此,我姑且膽粗粗代Fans講,賣貴少少都唔怕呀,最緊要製作精美,方便收藏,係咪咁講先?

Read more ›
何志文《絕世無雙》鳳無雙首辦 收藏家港漫專區有辦睇
by / on 05/12/2018 at 10:30 pm

何志文《絕世無雙》鳳無雙首辦 收藏家港漫專區有辦睇

啱嘅,話晒$4880一個首辦都唔係小數目,好應該睇過辦先落訂。何志文《絕世無雙》鳳無雙首辦依家喺「收藏家港漫專區」展出,家陣落訂,再送親筆簽名編號水晶畫版、左手可替換磁力骨劍,仲心大心細的話,不妨想去望多兩眼喇。記住,全球限量50個,有買趁手。

Read more ›
何志文《絕世無雙》無雙首辦$4880 動漫節有辦睇
by / on 28/07/2018 at 12:01 am

何志文《絕世無雙》無雙首辦$4880 動漫節有辦睇

今年好似特別多港漫人出Figure,連何志文都參上一腳。佢喺面書剛剛釋出《絕世無雙》無雙首辦相片,用色好搶眼,個座台好有氣勢,尤其欣賞面相,有九成漫畫神髓。無雙首辦分晶瑩火龍座(紅)、晶瑩水龍座(藍)、晶瑩魔龍座(紫)同隱藏彩透無雙+晶瑩火龍座(紅)四個版本,各附金屬號碼牌、送水晶畫板大塊,四個版本加埋限量50個。家陣去動漫展有真身睇,預計10月至11月有貨。價錢方面,嗯……每個$4880,係貴,但我覺得值。

Read more ›

撐《PLAY!香港漫畫巡迴展覽》 曹志豪+何志文+山羯出手
by / on 15/01/2018 at 7:15 pm

撐《PLAY!香港漫畫巡迴展覽》 曹志豪+何志文+山羯出手

又畫展,又講座,又甚麼漫畫大百科,仲有現場繪畫,《PLAY!香港漫畫巡迴展覽》開好多瓣,自稱港漫迷者無得唔去。而呢排瀏覽面書,已見曹志豪、何志文與山羯率先拎住畫作公諸同好,幅幅都係高水準之作。展期去到2月1日,點都要抽時間撐一撐。

Read more ›
網圖分享:Eric Ng的面書版「七十二大圖集」
by / on 29/06/2017 at 12:00 pm

網圖分享:Eric Ng的面書版「七十二大圖集」

好早知道大好人Eric Ng會聯同曹志豪推出《七十二行》實體畫集,畫集會喺書展出版,有三十幾個畫手參與,另有四十幾幅插圖,會集畫、相同文字於一身,我係好拭目以待嘅。書展未到,畫集未有得睇,但可以睇住面書版迷你「七十二大圖集」先,Eric Ng力邀眾畫手用Q版畫香港老行業,每星期Share十張畀大家欣賞。靚畫固然好睇,睇完,你又估唔估到畫緊乜老行業?

Read more ›
《山海逆戰》珍藏卡特別版三封面 賣萌雪晴版售罄
by / on 24/05/2017 at 7:45 pm

《山海逆戰》珍藏卡特別版三封面 賣萌雪晴版售罄

嚟緊第26期《山海逆戰》推出珍藏卡特別版,三個版本終於有齊封面睇嘞:一,手繪至尊版專刊封面由雪晴繪畫,售$1280;二,卡簿特別版專刊由何志文繪畫,售$188;三,珍藏卡套裝版專刊封面由馮志明繪畫,售$88,「收藏家港漫專區」已經開始全部接受訂購,你又最鍾意邊一個版本?值得一提係雪晴版本已經售罄,于若蘭同傲嵐出自女仔手筆,原來會咁受歡迎,賣萌一樣掂,厲害!

Read more ›
網圖分享:人日照舊有賀圖睇
by / on 04/02/2017 at 9:30 am

網圖分享:人日照舊有賀圖睇

擒日係大年初七人日,即係全人類嘅生日,估唔到依舊有賀圖睇,港漫人真係好勤力嘅啫,掌聲掌聲鼓勵,拍啪啪啪啪啪……

Read more ›