【感人】創意酒店住客vs執房姐姐 連續10日用毛巾被舖砌公仔

每次住酒店都好感激執房嘅員工,外國有位男士出trip去阿塞拜疆,可能日日住酒店太苦悶,佢居然諗到同執房姐姐交流吓。第一日佢用枕頭、毛巾、遙控器砌咗個人形公仔出嚟,姐姐見到好開心,仲留咗張畫咗笑臉嘅紙仔俾佢。之後佢再接再勵,每日都創作一個公仔,仲越嚟越搞笑,越搞越大陣仗,每次都氹到執房姐姐勁開心,如是者玩足10日,入嚟有得慢慢笑,臨尾佢仲好有心思留咗份小禮物俾姐姐,好正,如果每個住客都咁窩心就好嘞!

Read more ›