Post Tagged with: "低頭族"

【新片速報】低頭族雙下巴救星 日本節目教超簡單消除動作
by / on 16/06/2018 at 4:25 pm

【新片速報】低頭族雙下巴救星 日本節目教超簡單消除動作

成日低頭撳手機,雙下巴自自然然就會出現,同肚腩一樣好難減。最近日本Twitter熱傳呢段片,電視節目教大家做一個超間單嘅動作,雙手托住後頸,之後緩緩低頭,定實幾秒,每日做三次,聲稱兩星期就睇到成效,仲有真人實證圖,快啲拎住部電話一齊試吓!

Read more ›

有片:咪做低頭族 小心無聊人剝你鞋
by / on 05/03/2018 at 8:00 pm

有片:咪做低頭族 小心無聊人剝你鞋

地球很危險,以後喺街唔好掛住做低頭族嘞,要一眼關七,提防啲無聊人對你做無聊事,包括──失驚無神剝你鞋。玩人嗰個好開心,被玩嗰個好無奈,不過玩得嚟都算有品,至少唔玩女仔,同埋去到尾都會丟番低隻鞋。最痴線係無聊人可以趴低慢慢解完鞋帶先剝鞋,而成個過程又可以神不知鬼不覺……都係嗰句,少做低頭族喇。問題又嚟嘞,如果俾人玩嗰個係你,你會點?俾我捉到無聊人的話,肯定醒佢一招刻骨銘心爪。

Read more ›
日本名古屋公園「低頭族」陷阱   網民話似遊戲畫面
by / on 02/05/2017 at 7:49 am

日本名古屋公園「低頭族」陷阱 網民話似遊戲畫面

今時今日個個行路都望住部手機,如果條路好似圖中呢條咁,大家肯定死梗嘞!有日本網民最近放咗呢張相上Twitter,地點係名古屋嘅久屋大通公園,網民睇完都好有共鳴,仲話好想裝個鏡頭偷拍有無人中招。另外樓主話呢個格局令佢諗起《Dark Soul》、《古惑狼》之類嘅遊戲,好多網民出圖回應,入嚟有回帶。

Read more ›
有片:超賤整蠱!低頭族小心!Cream兜面拍落嚟!
by / on 12/08/2016 at 9:30 pm

有片:超賤整蠱!低頭族小心!Cream兜面拍落嚟!

無時無刻都掛住Loop手機嘅低頭族要小心,《Pokemon》可以玩,但玩嗰陣都唔該你一眼關七,慎防有三九唔識七嘅無聊人偷偷閃埋身,之後一碟Cream兜面拍落嚟。嬲?梗嬲喇,但可惜,有心裝無心,整蠱人嗰個次次都走得甩,而成面Cream嗰個,一係就呆在當場不知所措,一係就大吃一驚唔知追好定唔追好,一係就立即開步跑企圖捉到兇手。呢個Prank,睇就好笑,但如果俾人整蠱嗰個係你,我保證你一定笑唔出。

Read more ›
有片:Pokémon大報復追殺玩家 精靈球撞人入水池
by / on 11/08/2016 at 9:00 pm

有片:Pokémon大報復追殺玩家 精靈球撞人入水池

捉精靈捉得咁過癮?今次就等比卡超用精靈球掟番玩家轉頭!呢條短片叫《Pokémon GO The Revenge》,即係由人扮嘅比卡超進行大報復呀。精靈球有大半個人咁高,有彈力,雖然用彈弓發射有一定衝擊力,但估計掟中都唔痛得去邊。中招者包括行緊街、企喺樹底下嘅低頭族;有人坐喺水池邊,俾精靈球撞咗入水,嬲到追打番班比卡超轉頭,睇個勢係堅嬲!有人甚至比三個手持精靈球嘅比卡超追殺,由橋頭跑到橋尾,真真過癮。

Read more ›
【新片速報】荷蘭電車抗低頭族  小遊戲學抬頭欣賞風景
by / on 27/06/2016 at 7:12 am

【新片速報】荷蘭電車抗低頭族 小遊戲學抬頭欣賞風景

以前未有智能手機,搭車我哋會聽歌睇風景,不過而家好多人都會選擇做低頭族。荷蘭阿姆斯特丹嘅公共電車為咗鼓勵更多人唔好做低頭族,設計咗一個小遊戲GVBeestje俾搭車嘅人玩,追踪貼喺車窗上嘅可愛恐龍仔食咗幾多個人類,簡簡單單嘅玩法,但就好有意思,入嚟有片睇。

Read more ›

【瘋狂】落雨天行街照篤芒 特製雨遮低頭族啱用
by / on 23/05/2016 at 7:12 am

【瘋狂】落雨天行街照篤芒 特製雨遮低頭族啱用

睇還睇,真係唔好學。好多人鍾意一路行一路篤手機,不過落雨天有隻手要拎遮,點算好?外國公司發明咗呢個O字型手挽位嘅遮,可以將把遮勾實喺前臂,之後就可以騰出雙手繼續邊行邊篤芒,好變態。

Read more ›
【居家必備】入牆「手機保險箱」 在家不做低頭族
by / on 09/04/2016 at 2:28 pm

【居家必備】入牆「手機保險箱」 在家不做低頭族

要改善兩性關係,呢個入牆裝置可能幫到手。盒面大大隻字寫住「Socialize」,入面可以裝兩部手提電話,盒面有超強保護力,仲有把大鎖確保安全。放佢喺屋企,睇碟、食飯時見到對方拎實部電話唔放,就可以即時手起刀落鎖起部電話,確保大家唔會分心。打開個箱之後仲有紙有筆,可以寫留言。嘩,好耐無寫過字喎,WhatsApp得唔得?

Read more ›
有片:發人深省!低頭族滅絕地球!
by / on 09/11/2015 at 8:45 pm

有片:發人深省!低頭族滅絕地球!

明白嘅,今時今日無咗手機係唔會死,但真係好難做人,不過切記唔好成為手機奴隸,否則,誠如呢條《低頭人生》動畫咁,低頭族遲早會令地球滅亡。當人類為Loop手機撞柱爆缸都誓要繼續低頭、裙拉褲甩都唔知、坐死隻貓都唔理、跌咗個仔當無事發生、唔睇路俾木梯撞死而無憾、打錯針無拮屁股拮入後頸搞出人命、遇車禍唔報警淨係掛住Selfie、消防員掛住睇手機撻死人唔理、實驗室大爆炸都唔知,那──人類滅絕,真係大有可能衰喺手機手上。係誇張咗,不過真係幾發人深省,都係嗰句,勿做低頭族,咁當然,我哋有機網就梗係要繼續睇喇。

Read more ›
4000萬Views影片 朋友不能從電腦認識 別做低頭族(中文字幕)
by / on 05/07/2014 at 7:00 pm

4000萬Views影片 朋友不能從電腦認識 別做低頭族(中文字幕)

先講講呢條片,其實原片已經係2個月前,有成4000幾萬個Views!不過啱啱有中文字幕版,可以睇得輕鬆啲。講得啱,呢條確係低頭族必看嘅短片,片長接近五分鐘,得一個人齋吹,無甚麼好爆嘅畫面,但句句真摯,字字發人深省,我翻睇咗三次,雖然無眼淚,但好感觸。

Read more ›
【編輯Blog】尉遲一:誓不低頭
by / on 24/02/2013 at 12:00 pm

【編輯Blog】尉遲一:誓不低頭

當人人在做低頭族,乘車吃飯過馬路上洗手間都要拿著智能手機按按按的時候來臨,我的心竟開始有點慌了,說「慌了」或許有點浮誇,或者應該說,我的心就有點不知所措了。我不低頭,不肯低頭,不屑低頭,是我本身標奇立異?還是我壓根兒追不上潮流,人人在變唯獨自己不變不肯變不屑變,所以不知不覺在時間的洪流裡變成異類?

Read more ›