又係實體化嘅時間嘞！呢位日本大師めーちっさい(@meetissai)嘅作品大家都見唔少，擅長將動物meme實體化嘅佢，最新作品係呢位伸懶腰嘅喵星人。完成品無論由邊個角度睇都咁可愛，今次仲多咗隻白貓做配角，超可愛！可唔可以考慮量產呀？

最近日本呢隻貓超人氣，之前有段同人類「high five」擊掌嘅片好受歡迎，最近主人又出新片，今次係隻喵將對手搭上主人隻腳度伸懶腰，用貓奴視角拍攝，可愛到暈，入嚟有片無限loop。

一直都好鍾意黑貓，呢隻日本喵星人雖然毛色黑黑，但表情好豐富，眼仔碌碌好似漫畫樣，而且肢體動作好美妙。有網民去咗呀妹屋企，見到呢隻可愛貓仔，見到佢坐得咁直，仲同佢玩開店關店扮reception。不過好快喵星人有啲悶就走咗去伸懶腰同賣萌，啲相超可愛，睇見都想摸吓佢呀！

之前出過舔毛貓、坐水煲貓，日本扭蛋公司EPOCH今次出貓奴最愛嘅伸懶腰貓！一式六款，其中三款係坐喺度擘大個口打喊露嘅款式，另外三款係一邊伸懶腰一邊打喊露，各有特色，但全部都勁治癒，好想儲齊一套呀！今個月推出，貓奴要留意嘞。

喵星人好鍾意伸懶腰，而且一伸就伸到好長好盡情，所以成日俾貓奴影低放上網恥笑。最近日本網民就好開心咁討論呢張相，話隻貓實在太長嘞！你睇，連旁邊嘅黑貓都睇唔過眼。咁有貓奴又話可能係角度問題，又話唔算太長，然後仲畫埋圖解釋，亦有人改圖，將呢隻喵有咁長拉咁長。有啲網民仲喺網上搵咗大量「長」貓圖，超好笑，我鍾意揈揈吓嗰張GIF，入嚟慢慢欣賞。