《漫道Battle》休刊 〈不是人間〉同〈蟲蝕〉何去何從?

睇嚟港漫迷真係唔多接受綜合漫畫,我買齊每一本港漫,自問死忠港漫Fans喇,買《漫道Battle》都只不過因為撐〈不是人間〉同〈蟲蝕〉,其他古仔?Sorry,得罪,唔講大話,我係揭都懶揭嘅,之所以《漫道Battle》出到第15期休刊,我係一啲都唔意外嘅。問題嚟嘞,啲古仔又爛尾呀?好彩,謝森龍異喺面書留言:「放心,還好這作品得各位錯愛支持,反應尚算不俗,公司亦向小弟再三保證繼續支持下去……至於再用甚麼形式連載?就需待公司進一步商討,再作決定。」〈不是人間〉有聲氣,咁〈蟲蝕〉?白水喺面書留言咁話:「有一樣嘢不得不自誇一下,十五期書裡面只得我一篇漫畫無間斷連載…..Anyways蟲蝕故事未完,希望有一日再續!」希望?即係點呀,白水兄,畀個確切答案我好喎。

Read more ›