日本水豚19號開始浸溫泉 溫泉扭蛋超可愛

喺日本做動物真係好爽,好多動物園冬天都會俾班動物浸溫泉,例如「伊豆シャボテン動物園」嘅水豚,由11月19日開始就可以每朝10點半浸一浸,逢星期六日仲會加多場下午1點半,佢又爽,睇佢浸嘅人又開心,一舉兩得!除咗「水豚」,日本長野縣地獄谷野猿公苑嘅「馬騮」都會浸溫泉,仲有神奈川箱根園水族館嘅「海獅」。去唔到親身睇可以買動物浸溫泉扭蛋「湯っくりしよ!〜温泉アニマル〜」,總共6款,有齊馬騮、海獅同水豚,超可愛!2017年2月發售。

Read more ›