Post Tagged with: "伊文華"

《古惑仔》送潮爆貼紙 賀伊文華唔使死
by / on 26/02/2018 at 4:41 pm

《古惑仔》送潮爆貼紙 賀伊文華唔使死

今期第2108期《古惑仔》封面,我覺得好型,南哥啖煙兼眼睥睥嘅表情,韓賓耷晒頭嘅肢體動作,好表達到韓賓呢個洪興龍頭對南哥「功高震主」嘅憂慮,內文韓賓同佐敦通話嘅幾段對白,亦非常精彩,睇嚟三聯離間計開始得逞。今期送「古惑仔父子」潮爆貼紙,我買嘅係雷霆同雷耀揚版,好Like;而更加Like嘅係,雖然俾小海打到仆街裂胸骨,但伊文華只需瞓床唔使死,算不幸中之大大大大大幸咯,我幾驚新年流流又死多件二代呀。

Read more ›

《古惑仔》送超靚素描年曆卡 伊文華過唔到狗年?
by / on 15/02/2018 at 7:50 pm

《古惑仔》送超靚素描年曆卡 伊文華過唔到狗年?

今期第2015及2016期孖寶號《古惑仔》送素描賀年卡,一如上期有陳浩南版同大飛版兩款選擇,又一如早幾日咁樓下報紙檔只得大飛版賣,奇怪。張大飛賀年卡真係畫得好靚,倫裕國手畫真係無得頂,不得不寫個服字!今期孖寶號,一次過睇兩期,感覺一氣呵成好多,尤其采妮趕南哥出門口又跪南哥嗰幾格,究竟求南哥啲乜呢?係咪已經Sure咗豹子健已經係游子健?之後又整多格南哥疑似功高蓋主唔放洪興龍頭韓賓在眼內,啲衝突位開始慢慢浮出嚟嘞,估計呢Part故事應該幾正!不過我驚嘅係,為咗製造高潮兼煲勁小海武值同頭腦,牛佬好似想整死伊文華咁款喎。唉,最好唔好喇,二代死吓一個死吓又一個,斷估好多讀者都會同我一樣,好傷心架。

Read more ›
賀《古惑仔》2000期送海報 悲徐世飛之死
by / on 14/02/2017 at 7:41 pm

賀《古惑仔》2000期送海報 悲徐世飛之死

《古惑仔》2000期,呢個里程碑真係唔講得笑,牛佬話打算申請入《健力士紀錄》,我舉腳贊成,如果成事,畢竟係香港之光,連帶我等死忠港漫迷都可以叼一點點光。今期送百期封面回顧海報,原本好開心,但但但但但,點解要整死我心愛的徐世飛?唉,牛佬點解咁殘忍?生滋死、李志高斷腳殘廢、小詩著草、甘尚武變二打六、伊文華盲眼……洪興二代係得個梁家仁叫做有得威吓,家陣連徐世飛都俾金尊貴劈開後腦……唉,心罨,有啲Sad,一個夠數嘞,懇請牛佬手下留情,唔好再整死其他二代喇。

Read more ›
《古惑仔》送海報 伊文華擔正
by / on 02/06/2015 at 4:00 pm

《古惑仔》送海報 伊文華擔正

讚一讚先,今期第1822期《古惑仔》封面真真不俗,三聯龍頭佐敦仔有幾可做封面吖,又畫得佢幾有智慧喎。仲有一樣嘢想讚,黑白灰呢個Tone好蝦人用,公仔書唔落色好易分唔清邊個打邊個,家陣一眼就睇得出係畫緊佐敦仔,都要畀Like。言歸正傳,今期送綽號「鬼刀華」嘅伊文華海報,係畫得好靚嘅,用色同構圖都係高水準之作,不過好多網友都話涉嫌抄襲。抄邊個?啲姿體動作好似《進擊之巨人》喎,似唔似就真係見仁見智嘞。下期送邊個洪興新一代呢?有啲期待添。

Read more ›
《古惑仔》送伊文華超靚卡仔
by / on 30/01/2015 at 10:30 am

《古惑仔》送伊文華超靚卡仔

呢排《古惑仔》當真劇力萬鈞呀,口水堅聯同東英關忠偉獵殺昏迷中嘅陳浩南,李志高、甘尚武、小馬同山下詩織負隅頑抗,睇到我血脈沸騰,好耐都未有過快啲出下期啦、快啲出下期啦嘅感覺。下期第1788期一定要買,因為除咗交代陳浩南死唔死得之外,仲隨書附送伊文華超靚卡仔一大張,過埋膠架,唔係軟腍腍紙一張,值得珍藏嗰隻。

Read more ›