fbpx

Post Tagged with: "伊健"

《古惑仔》賀年海報點解釘埋一齊?《同擔日月天》又關甘尚武事?
by / on 26/01/2017 at 9:45 pm

《古惑仔》賀年海報點解釘埋一齊?《同擔日月天》又關甘尚武事?

1995-1996期丁酉孖寶版《古惑仔》送賀年海報,我等鍾意儲海報嘅港漫迷原本開心到拍手掌,但點知海報原來係跨頁釘喺書中間,咁撕唔撕佢落嚟好呢?呢鑊考起嘞。挑剔?或者喇,但唔只得我一個有呢個諗法,烏龜喺面書留言曰:「點解張海報釘埋係書到,唔係分開,有得換嗎?」Lau Chi Whai又咁話:「海報釘住嫁?」係喇,牛佬,點解唔分番開佢獨立一張呢?以前不嬲都係咁架。另,海報順便Sell埋倫裕國唱嘅《同擔日月天》,左起亦龍、大飛、伊健、甘尚武、陳浩南、大天二、立花正仁、生蕃同灰狗……唔,係咪覺得有啲問題呢?斷估應該係畫福田八大壯士赴死救南哥一役,但甘尚武屬第二代喎,應該無佢份喎,係咪原本想畫太子,但唔小心畫咗甘尚武呀?定係我意會錯?BTW,真心Mode,呢張海報畫得好靚。

Read more ›

Fans熱話 《古惑仔》邊個大佬會翻生?
by / on 31/07/2015 at 10:00 am

Fans熱話 《古惑仔》邊個大佬會翻生?

芸芸港漫公司,和平算同讀者最多互動,開個面書專頁,有問有答有水吹,吸唔吸納到新讀係一回事,但絕對維繫到死忠《古惑仔》Fans,咁當然Including me啦。牛佬最新搞作,有「驚天重生大行動競猜遊戲」,十二個候選大佬包括車寶山、立花正仁、太子、太乙、灰狗、山下忠秀、耀揚、大天二、伊健、地中海、o靚坤同山雞,叫讀者來信競猜究竟邊兩位大佬可以翻生,得獎者可以得親筆畫板一大張。就面書專頁所見,讀者們議論紛紛,有人唔贊成翻生之舉,有人強烈要求車寶山同伊健重出江湖,仲諗埋橋畀牛佬點樣自圓其說添。如果問我的話,我會揀山雞同耀揚,好希望山雞同南哥做番Friend、耀揚可以改邪歸正。

Read more ›
《洪興仔》經典珍藏本創刊號$33
by / on 08/10/2013 at 7:33 pm

《洪興仔》經典珍藏本創刊

呢條News遲咗啲呀呵?無計,上周五創刊,諗住收工先買,點知賣晒;周六落觀塘,又賣晒;周日叫相熟書報攤問發行留書,輾輾轉轉搞到今朝先終於到手。

Read more ›
繼續食老本 牛佬重出《洪興仔》
by / on 01/10/2013 at 6:20 pm

繼續食老本 牛佬重出《洪興仔》

記得《古惑仔》福田一役,牛佬事先張揚會整死大部份洪興主角,當時左佑右估,都估唔到伊健會最早歸西,雖未致於哭,但也不禁心酸好一陣子。

Read more ›
新片速報 鄭伊健 X 稻船敬二專訪 《Soul Sacrifice》香港活動實況
by / on 27/06/2013 at 5:13 pm

新片速報 鄭伊健 X 稻船敬二專訪 《Soul Sacrifice》香港活動實況

有追開GameoverHK報導都知,為宣傳《Soul Sacrifice》推出中文版,製作人稻船敬二早前嚟咗香港同鄭伊健挑機。我哋就分別同鄭伊健、稻船敬二做咗個專訪,伊健話佢最鍾意救人,唔會有友情嘅考驗,義字行頭,約咗朋友打機隻手傷咗都唔可以放飛機!而鄭太就對佢玩嗰啲遊戲冇興趣喎……佢仲會講吓對PS4嘅睇法!至於稻船敬二先生,佢就話佢哋仲製作緊新嘅DLC,玩家可以繼續期待,續集呢?「續集?有講過有續集咩?」入嚟睇片,詳盡訪問、活動實況一次睇晒!伊健仲話佢日日都會上GameoverHK,好感動呀呀呀呀呀呀呀!

Read more ›
新片速報《Soul Sacrifice 闇魂獻祭》稻船敬二拍片挑伊健機
by / on 19/06/2013 at 2:05 pm

新片速報《Soul Sacrifice 闇魂獻祭》稻船敬二拍片挑伊健機

呢條新片,係《Soul Sacrifice(闇魂獻祭)》製作人稻船敬二專為香港之旅而拍嘅,佢話聽講香港有個藝人都係呢隻遊戲嘅fans,冇記錯應該係叫鄭伊健……今次稻船擺明挑戰,到時佢哋兩個就會喺台上見面!

Read more ›

有片即睇 鄭伊健遊戲大使訪問 末日前打多啲機!
by / on 25/11/2012 at 8:09 pm

有片即睇 鄭伊健遊戲大使訪問 末日前打多啲機!

今年12月21日喺灣仔會展舉行嘅「亞洲遊戲展」,搵咗公認係機迷嘅鄭伊健做大使,千呼萬喚,終於今日(25日) 喺活動現真身,之後仲坐定定接受訪問。八卦嘢唔多講,梗係講番打機啦!伊健話佢由細到大都咁鍾意打機,仲成日會online打FPS射擊game,而且仲會開埋咪同隊友chat,如果你有一晚打機遇到條友把聲好似伊健嘅,不妨大膽講句:「那麼瘋癲過,那麼珍惜過,那麼動地驚天愛戀過。」睇吓有冇人應你機。

Read more ›