Post Tagged with: "任食"

日本網民推介淺草餐廳 1000円任食6款料理
by / on 24/07/2019 at 7:38 am

日本網民推介淺草餐廳 1000円任食6款料理

去開東京又想平平哋任食嘅話,日本網民最近推介淺草嘅「浅草むぎとろ本店」,1000円可以任食6款料理,限時90分鐘,逢星期一至五11am-1:30pm嘅首100名入場人士可以享用,去開淺草可以試吓。

Read more ›

日本KFC炸雞放題 1780円任食70分鐘有「鬆餅」
by / on 15/03/2019 at 7:36 am

日本KFC炸雞放題 1780円任食70分鐘有「鬆餅」

作為KFC炸雞fans,可能都知日本有自助餐,不過通常係期間限定,而且只限一兩間店。最近有日本網民去咗名古屋間KFC挑機,除咗有無限炸雞,仲有好邪惡嘅「鬆餅」都係無限供應,入嚟有地址。午餐限時70分鐘任食,成人每位1780円;晚餐90分鐘2380円,去開可以留意吓。不過去親日本,其實我會揀Family Mart或者Lawson便利店炸雞多啲,你呢?

Read more ›
北海道超正酒店早餐 魚子刺身任食自製海鮮丼
by / on 22/09/2018 at 8:36 am

北海道超正酒店早餐 魚子刺身任食自製海鮮丼

好吸引呀!鍾意食魚子嘅朋友,見到呢幾張相應該會好肚餓。日本漫畫家分享咗佢住嘅酒店嘅早餐,可以自製「海鮮丼」,材料有大大量嘅魚子、三文魚同吞拿魚蓉等等,啲魚子好似唔洗錢咁可以任裝,好吸引!地點係北海道函館嘅酒店「ラビスタ函館ベイ」,有網民話呢度嘅風呂都超正,睇返資料,呢到嘅早餐好出名,有大量刺身任選,入嚟有回帶。下次去開附近可以考慮住呢間。

Read more ›
日本網民推介原宿「迴轉甜品店」 1800円任食40分鐘
by / on 13/09/2018 at 7:40 am

日本網民推介原宿「迴轉甜品店」 1800円任食40分鐘

迴轉壽司食得多,迴轉甜品未試過?最近有日本網民去咗原宿呢間甜品迴轉甜品店Cafe Ron Ron,仲話好好味。呢間餐廳有甜品任食放題,限時40分鐘,每位1800円,樓主挑戰成功,一口氣食咗30碟!去開日本嘅甜品迷可以試吓,入嚟有地址。

Read more ›
日本渋谷任食炸雞 100円放題Twitter熱傳
by / on 21/05/2018 at 7:44 am

日本渋谷任食炸雞 100円放題Twitter熱傳

覺唔覺得日本嘅炸雞特別好食?呢間渋谷嘅居酒屋「宵の空」最近喺Twitter好多人RT,因為佢推出咗100円任食炸雞放題!仲平過Family Mart塊雞扒!可以喺8款炸雞入面任選兩款,仲有特別醬汁點,睇見都肚餓。不過有網民留言話嗌咗要等好耐先到,應該係防止大家食到佢執笠。

Read more ›
【好想去!】日本冬甩任食放題 500円食足60分鐘
by / on 20/10/2017 at 7:02 am

【好想去!】日本冬甩任食放題 500円食足60分鐘

有無鍾意食冬甩嘅朋友?香港無晒冬甩專門店,日本就唔同,唔止大把,仲有放題!呢間Jack in the donuts喺日本有大量分店,今次放題限時60分鐘,每次500円,好抵!你覺得自己可以食幾多個?快啲tag你鍾意食冬甩嘅朋友入嚟。

Read more ›

【食肉獸時間】日本網民推介 大阪任食放題1350円狂食肉
by / on 06/10/2017 at 7:57 am

【食肉獸時間】日本網民推介 大阪任食放題1350円狂食肉

最近有日本網民推介呢間喺大阪梅田嘅「麵牛」,入面嘅任食放題每位1350円,可以食足90分鐘,又牛又雞又腸,食量大嘅都一定飽。樓主話好高質,咁其實睇相都真係流晒口水。入嚟有地址,去開大阪嘅食肉獸可以試吓。

Read more ›
日本網民推介高級壽司放題 4000円任食拖羅/海膽
by / on 31/08/2017 at 7:23 am

日本網民推介高級壽司放題 4000円任食拖羅/海膽

海膽、拖羅、魚子‥‥‥齋睇相都覺得肚餓,日本有網民推介呢間任食高級壽司,放咗啲相上Twitter後好多人RT。地點喺新宿歌舞技町附近,成人4000円任食,即係3百蚊港紙左右,佢話最推介中拖羅,自問大食嘅去到應該可以回本嘞。

Read more ›
【抹茶控要試】日本抹茶自助餐超吸引 大量甜品任食
by / on 20/08/2017 at 7:13 am

【抹茶控要試】日本抹茶自助餐超吸引 大量甜品任食

覺唔覺得日本嘅抹茶食物特別好味?抹茶控嚟緊去開大阪,可以去食呢個抹茶自助餐,由9月2日開始逢週末有得食,大量抹茶甜品包括招牌菜式 ─ 好似車胎形狀嘅法式甜品Paris-Brest,今年仲會加入甜薯、粟子同日本南瓜配抹茶嘅食物。如果想食啲咸嘅食物,佢哋都有南瓜忌廉湯、沙律等,食完仲可以嘆返杯抹茶,成人4200円,想試嘅抹茶控記住要預約。

Read more ›
【挑戰食量】日本壽司店放題優惠     期間限定1580円任食
by / on 13/06/2017 at 7:02 am

【挑戰食量】日本壽司店放題優惠 期間限定1580円任食

鍾意食壽司嘅嚟緊去日本有新選擇嘞!呢間「かっぱ寿司」喺日本各地都有分店,由即日起到7月14日會喺20間店舖做任食放題, 男嘅每位1580円,女仔就1380円,加埋稅即係港幣100蚊多啲,80款壽司任食,加680円仲可以有埋飲品放題!平日限下午2點至5點,每次食70分鐘,有唔少網民留言話自己可以食20碟甚至25碟,我預自己15碟應該無問題。

Read more ›
日本東京「0円餃子」大人氣      任食餃子好吸引
by / on 04/03/2017 at 7:17 am

日本東京「0円餃子」大人氣 任食餃子好吸引

呢度有無餃子控?日本東京「高円寺」JR站附近嘅「餃子処 たちばな」有「0円餃子」提供,一直都keep住大人氣。最近又有日本網民去咗食,仲影埋相放上Twitter,話嗌嘢飲就可以任食餃子,好爽。睇見啲餃子仲要用鐵板上熱辣辣,真係有啲肚餓。有另一位日本網民兩個男人去食,每杯飲品350円起,佢哋飲咗兩個鐘,食咗三客鐵板餃子,埋單2350円,每人唔駛港幣100蚊,超抵!飲食網站食べログ嘅評分都唔錯,下次去開東京記住試吓嘞!

Read more ›

【肉全部都係肉】日本食肉獸任食放題     3500円食足7種肉
by / on 03/02/2017 at 7:19 am

【肉全部都係肉】日本食肉獸任食放題 3500円食足7種肉

各位食肉獸齌睇相應該已經好興奮!呢間日本東京嘅餐廳「肉塊UNO」最近推出任食放題,每位3500円。睇見嚿咁大嘅肉已經飽咗一半?其實佢總共有7種肉提供,牛肉都有「イチボ」同「ランプ肉」,另外仲有雞腿串、肉腸、漢堡扒、豬肋骨等等,一定滿足到食肉獸嘅慾望。食到最後都有道甜品燒菠蘿清清腸胃嘅。去開東京記住試吓嘞!

Read more ›
日本淺草1000円任食刺身放題      拖羅/三文魚好吸引
by / on 13/01/2017 at 7:29 am

日本淺草1000円任食刺身放題 拖羅/三文魚好吸引

今次真係肚痛都唔理嘞,呢間淺草嘅「たいこ茶屋」有得試「1000円任食刺身放題」,有網民親身去咗兼影埋相放上Twitter,引到大家狂RT。睇見啲拖羅呀、三文魚呀、魚籽呀好似唔駛錢咁任夾,真係口水都流埋出嚟。飲食網「食べログ」嘅評分係3.5粒星,可以一戰!BTW,抵還抵,去嘅時候記住留意禮儀,食幾多先夾幾多,唔好做大嘥鬼。

Read more ›