我就幾鍾意《殺破狼》呢類戲嘅，一百幾十蚊入場，成班武打巨星打餐死畀你睇，抵喇！最重要係唔使太用腦，一味打打打，純視覺官能刺激，正邪不兩立，Last就邪不能勝正，委實大快人心。續集《殺破狼II》無咗甄子丹，換嚟拳王Tony Jaa，我就覺得幾有新鮮感嘞，下下睇宇宙最強Chok樣，其實都幾悶。

衝鋒車唔係正義化身，反成大賊座駕，大賊揸衝鋒車打算打劫，居然遇到另一班賊人同真警察，三幫人馬撈到亂晒籠，單靠制服同車難定忠奸，拔搶都唔知射向邊個好，果然係非一般警匪片。

《江湖大家族》經典珍藏本創刊，每本$33，誠如牛佬喺《古惑仔》專欄賣花讚花香所言，真係幾有「教父味」，最過癮係大量參照名相大頭照入畫，睇得人 好過癮。

任達華、邵美琪加林雪，《衝鋒戰警》可以當《PTU》延續篇咁睇，不過今次任達華唔淨止靠把口屈古惑仔，改為實牙實齒打到班壞人一仆一碌，身手仲非常唔錯，好揪得添。

  4K未入屋! 我話嘅! 請問在座幾多人有4K電視、4K CAM、4K碟! Heeee! 你咁都有齊呀? 我唯有叫你一聲富貴囉! 我冇唔代表人人冇, 最近Canon就同安樂影片合作, 借出最新Cinema EOS系統俾佢哋拍港產鬼片, 嘩! 有我個囡神邵音音0架! 喂! 我有屋企有隻騾仔喎, 使唔使借埋俾你先!

好耐都無港產恐怖片上映，想當年隔一年半載就可以喺大銀幕見到龍婆，《陰陽路系列》堪稱長拍長有，我都睇得不知幾過癮。