毛公仔掛飾見得多，日本呢款細胞與內臟都算好另類，日本有網民喺Twitter分享咗，超過30款掛飾，全部都係cute版嘅內臟部位，你睇個腦同埋心臟？小朋友係咪真係會鍾意架？

雖然睇落有少少奇怪，不過又真心好想試！日本嘅「大阪王將」最近推出呢款「餃子熱狗」，一共有六款味道，熱狗入面裝住8隻餃子，睇落怪怪哋又好似好好味！令人諗起日本好受歡迎嘅拉面熱狗。可惜只限大阪道頓堀嗰間「大阪王將」有得食，去開附近旅行記住試吓嘞。嫌太大份可以揀半份3隻餸子嗰款，賣600円，其餘賣1000円，亦有一款KING賣2000円，睇完好肚餓好想去日本呀。