Post Tagged with: "任天堂"

任天堂部屋  放大版主機盒帶做傢俬
by / on 27/01/2013 at 2:05 pm

任天堂部屋 放大版主機盒帶做傢俬

呢間任天堂專用房認真厲害,由外國公司Pixel Art Studio設計,全部都係任天堂經典產品 ─ 放大版!包括大大張嘅NES主機咖啡枱、Mario Bros經典盒帶枱、兩張NES手掣杯墊,仲有掛喺牆上,用木造成嘅8-bit孖寶烏龜層架。部NES主機枱入面,仲設計咗位置比你放遊戲機同埋手掣。Etsy有得賣,全套開價美金$1350,嘩!過萬蚊港幣,唔怪得之仲有六套現貨,香港地啲屋豆潤咁細,我連部主機放喺邊都頭痕,全套傢俬?多謝嘞。

Read more ›

新片速報 Wii U網上發佈會總集 《薩爾達傳說 風のタクト》高清版 神秘劈龍新作《X》現身!
by / on 23/01/2013 at 11:24 pm

新片速報 Wii U網上發佈會總集 《薩爾達傳說 風のタクト》高清版 神秘劈龍新作《X》現身!

頭先個任天堂Direct,老老實實冇乜好嘢,首先慶祝紅白機30周年,會有一系列舊遊戲俾你以30円呢個價錢下載,包括《Ballon Fight》、《F-Zero》、《Punch Out!》、《Donkey Kong》等等,另外有未有畫面睇嘅《真‧女神轉生 x 火焰之紋章》、Platinum Games嘅《The Wonderful 101》同少少《Bayonetta》嘅新製作畫面睇。自家就有質地好似Sony Sackboy嘅《《Yoshi》新遊戲開發中,仲有《Wii Party U》又有好多小遊戲玩,最勁就係會推出《薩爾達傳說 風のタクト》高清版,可以齋用Gamepad off-TV玩。最後,Monolith Soft仲有隻可以揸機械人嘅劈龍遊戲玩,呢隻睇落反而好吸引!

Read more ›
神人 任天堂超粉 珍藏30年 簽名紅白機 齊套Game & Watch
by / on 20/01/2013 at 2:07 pm

神人 任天堂超粉 珍藏30年 簽名紅白機 齊套Game & Watch

香港玩家,有齊任天堂全線主機加幾部卡片機再加啲超任帶,都已經好難得,可以稱為收藏家。但係同呢個日本神人相比,我諗夾埋都唔夠佢1/10收藏鬥……36歲嘅Isao Yamazaki係網頁設計師,1982年第一次接觸遊戲機,就係幾嚿仿「Game & Watch」遊戲機擦紙膠!之後就開始收集任天堂嘅Board Game、玩具、遊戲機,最勁係連包裝盒都包膠,保存得勁新!到大個有經濟能力,仲買番Game & Watch、海量遊戲帶珍藏!最勁係製作人簽名嘅任天堂紅白機,仲有同任天堂社長岩田聰嘅合照添!

Read more ›
新片速報 5呎LEGO手掣 玩到孖寶兄弟
by / on 03/01/2013 at 3:47 pm

新片速報 5呎LEGO手掣 玩到孖寶兄弟

外國有好多神級LEGO玩家,佢哋咩都可以用LEGO砌出嚟,包括呢個任天堂灰機(美版紅白機)手掣,而且仲係加大碼5呎長,而且仲可以真係駁機玩到!入面有手掣嘅製作相片同埋製作Baron von Brunk親身用呢個手掣試玩Mario嘅片段,以咁大個手掣嚟講,算係玩得幾好喇。

Read more ›
手提超級任天堂 喼神懷舊價$900美元
by / on 29/12/2012 at 12:36 pm

手提超級任天堂 喼神懷舊價$900美元

大家都鍾意懷舊,外國就有玩家改裝咗一部美版超級任天堂做手提版喼神!打開個黃色喼,就係超任加個屏幕,仲有位放遊戲帶,幾鬼方便,不過佢就冇提到點樣攞電呢個問題。製作者話佢上年已經整好,不過o依家先放上網,仲諗住開價$900蚊美元賣咗佢,如果佢係日版機,相信香港玩家興趣會大啲。

Read more ›
原來如此 回憶超任吹帶的日子
by / on 08/12/2012 at 12:15 pm

原來如此 回憶超任吹帶的日子

今日日版Wii U推出,我哋嚟懷念一下。有打過任天堂或者超任或者N64嘅機迷,總會遇過開唔到機或者花畫面情況,你哋會點做?冇錯,熄機,拎起餅帶,對住個底大力吹一下,再插入去開機,有時work有時唔work。相隔咁多年,啱啱先發現原來每餅帶背後都講明,叫你唔好吹佢,要用專用清潔套裝……咦?有出過套咁嘅嘢咩?原來有,超任版本eBay仲有得賣……

Read more ›

新片速報 歷代任天堂主機 逐部同你數
by / on 01/12/2012 at 3:22 pm

新片速報 歷代任天堂主機 逐部同你數

呢條唔係官方片,而係歐洲設計師Anthony Veloso製作嘅音樂短片。片中由任天堂出嘅卡片機開始,到灰機,到最新啱啱喺歐洲開賣嘅Wii U都有。鮮艷嘅顏色同活潑嘅graphic令條片一啲都唔悶,唯一美中不足係冇紅白機,都話條片係歐洲人拍咯!

Read more ›
美國任天堂刊物停刊 封面跟足第一期
by / on 30/11/2012 at 11:31 am

美國任天堂刊物停刊 封面跟足第一期

喺8月,任天堂已經宣佈自80年代就喺美國推出嘅官方刊物《Nintendo Power》出埋12月就會停刊唔再出。Fine,唔關我哋事。好喇,啱啱最新一期出咗喇,封面係《New Super Mario Bros. U》,好正路,但係當有人對番刊物第一期嘅封面,原來……原來係一樣o架!我都好懷念《Game Player》同《超任一族》,仲有台灣本《星際》呀!嗚嗚嗚……

Read more ›
今晚直播 任天堂「Wii U本体機能 Direct」網上發表會
by / on 07/11/2012 at 3:31 pm

今晚直播 任天堂「Wii U本体機能 Direct」網上發表會

仲未決定買美版定日版Wii U?想了解多啲歐美11月18日出、日版12月8日出嘅Wii U?今晚香港時間7點任天堂又有直播睇。繼續由社長岩田聰主持,今晚嘅主題就係「Wii U本体機能 Direct」,入面有link,開飯前冇乜嘢做咪睇吓囉。

Read more ›
新片 任天堂都出薄機! 竟然係N64!?
by / on 27/09/2012 at 2:08 pm

新片 任天堂都出薄機! 竟然係N64!?

PS3出薄機?唓,又唔係平過人,又唔係有咩新功能……都係任天堂好嘢!不過呢部並唔係官方出嘅,而係有網友自製嘅。係,你講冇錯,有啲西人生活真係太悠閒,悶悶哋又要整多兩味,拎部牛龜大機N64出嚟拆開佢,再放入一個細殼度……講真,係幾靚仔,我仲記得N64有隻機戰好鬼好玩!講起都掛住佢!

Read more ›
下畫3點網上直播 任天堂Wii U發佈會(有Link)
by / on 13/09/2012 at 7:19 am

下畫3點網上直播 任天堂Wii U發佈會(有Link)

  Wii U要嚟喇,英國、美國任天堂分別喺今晚舉行嘅Wii U發佈會,今晚10點(香港時間),唔識日文嘅都可以睇得明。但係,又點會少得日本一份吖,仲早啲,香港時間今日下午3點有得睇直播,終於可以知道發售日同最重要嘅價錢,仲有就係護航跟機作品陣容同將會推出嘅新遊戲!呢個Wii U發佈會由日本任天堂社長岩田聰揸旗,會經由任天堂官方網站、niconico同Ustream直播!返緊工睇唔到片?準時留意我哋最新嘅報導啦!唔該唔該!  

Read more ›

足本片段 Nintendo Direct情報補完
by / on 30/08/2012 at 11:39 am

足本片段 Nintendo Direct情報補完

噚晚(29日)喺網上直播嘅Nintendo Direct網上發佈會,除咗3DS芒亨四(Monster Hunter 4)新武器同粉紅新機外,仲有大量情報發佈!包括雷頓教授系列最終作、Paper Mario、動物之森等等新遊戲,今次嚟個情報補完,兼有足本發佈片段,成粒鐘有多,飛住睇啦!

Read more ›
《芒亨4》神秘剪影 新武器情報公開
by / on 29/08/2012 at 9:02 pm

《芒亨4》神秘剪影 新武器情報公開

啱啱舉行嘅任天堂官方網站直播「Nintendo Direct」新作發表會,當然有大家最關注嘅芒亨新料,呢隻將會喺2013年春季推出嘅3DS新作《Monter Hunter 4》,發表會上宣佈將會有全新武器種類追加,仲好慷慨咁比咗張剪影圖各位芒亨迷欣賞一下,咩武器?個角色係….?今晚大家一齊上討論區慢慢傾吓啦,講講吓好快就到推出日o架嘞!

Read more ›
Nintendo Direct今日網上直播 Wii U 11/18發售!?
by / on 29/08/2012 at 10:16 am

Nintendo Direct今日網上直播 Wii U 11/18發售!?

又fake咗你?唔好意思,以上標題又係分兩部份嘅。首先,今晚(29日)香港時間7點就會喺任天堂官方網站直播「Nintendo Direct」任天堂新作發表會,照慣例都係由任天堂社長岩田聰主持啦,唔知有咩新嘢呢?另外Wii U又有傳聞發售日流出喇,今次係由一間遊戲周邊產品生產商同GameStop開會時洩漏出嚟嘅,而傳聞發售日就係11月18日,咦?星期日嚟喎?係咪呀?睇埋落去先啦!

Read more ›
新片速報 足本任天堂網上發佈會《超孖2》《AKB48+Me》登場
by / on 22/06/2012 at 4:41 pm

新片速報 足本任天堂網上發佈會《超孖2》《AKB48+Me》登場

除咗震撼3DS機主脆弱心靈嘅3DS LL發佈外,其實整個Nintendo Direct網上發佈會都有大量3DS/Wii/Wii U新遊戲最新情報登場。由任天堂社長岩田聰所主持,除《腦力訓練》、《任天堂明星大亂鬥》等遊戲外,仲有同人氣女子組合AKB48合作嘅新遊戲,而且皇牌動作遊戲《New Super Mario Bros. 2》更宣佈會跟新機同日於7月28日推出添。

Read more ›