fbpx

Post Tagged with: "代言人"

《進擊的巨人》兵長做洗衣液代言人 一日售罄網上熱傳
by / on 14/12/2018 at 7:40 am

《進擊的巨人》兵長做洗衣液代言人 一日售罄網上熱傳

花王洗衣液同《進擊的巨人》呢個聯乘真心正,搵咗最高人氣兼有潔癖嘅兵長リヴァイ做主角,由7月開始已經喺Twitter做投票,問fans鍾意佢用邊個表情嚟量度洗衣液份量。之後又投票揀選想要嘅木桶款。難怪12月10日推出第一日喺日本Amazon已經售罄,另外Matsumoto Kiyoshi嘅貨亦被搶得七七八八,買唔到嘅就唯有等買遲啲推出嘅木桶嘞。

Read more ›

網圖分享:我究竟睇咗啲乜?抽水要快任何仁成眾矢之的
by / on 05/11/2018 at 8:30 pm

網圖分享:我究竟睇咗啲乜?抽水要快任何仁成眾矢之的

本來好眼訓,但睇完監生笑番醒,消防處最新代言人「任何仁」個Look想點?阿凡達咁嘅膚色,著條黑色短褲極似日本AV男優,無眼耳口鼻仲要啞嘅,個名食字又食得老土,究竟邊個咁有創意諗得出呢個吉祥物?任何仁真身是誰?真心好想訪問吓。香港人抽水抽得好快,阿傑多作畫話:「……我想講我係非常十分尊敬前線嘅消防人員,希望呢套唔會變成佢哋嘅制服啦……」Cuson仲搞鬼:「潮~為甚麼不在萬聖節前推出?」我究竟睇咗啲乜?真係笑死我了。

Read more ›
日本卡樂B黑胡椒新口味    代言人黑到睇唔到
by / on 15/09/2017 at 7:38 am

日本卡樂B黑胡椒新口味 代言人黑到睇唔到

日本嘅產品設計一向好高質,最近有呢款卡樂B嘅黑胡椒味薯片,厚切波浪紋,搵咗出名膚色好黑嘅藝人松崎茂幸做代言人兼監修,有網民買咗包返屋企,真係黑到睇佢唔到喎。味道方面,樓主話相當唔錯,用嚟配芝士者日本清酒都正,去開日本記住買嚟試吓。

Read more ›
日本網民又發現「「千年一見美女」    睇清楚想改題?
by / on 13/06/2015 at 10:39 am

日本網民又發現「「千年一見美女」 睇清楚想改題?

呢位越南靚女可能大家之前喺網上都見過,或者已經follow緊,仲有網民知佢已經做咗人妻,不過日本網民最近先發現佢,仲將中間著紅色旗袍張相放上討論區,標題係「千年一見嘅美女」,好多網民以為佢來自中國(可能因為著住旗袍),仲讚佢好可愛。不過有熟悉國情嘅網民就留言話:「呢種又靚又有身裁嘅女仔,中國有大把喎」,好快亦有人搵到佢嘅真名叫Elly Tran Ha,係越中混血兒,樓主睇完啲相用感激嘅口吻回覆:「多謝你令我醒覺,我想將條題改返做10分鐘一見嘅美女」,我哋都搵咗啲相,其實呢位叫阮金紅嘅靚女,之前做過網遊《蜀門OL》嘅越南版代言人,為人好大方,都幾靚嘅,不過就未到千年一見咁誇張。

Read more ›
有片:李光洙飲蕉奶 李小龍上身
by / on 06/05/2015 at 6:00 am

有片:李光洙飲蕉奶 李小龍上身

有「長頸鹿」之稱嘅韓國藝人李光洙剛剛幫韓國某香蕉味牛奶飲料做代言人,喺廣告裡面,佢俾壞人追殺,以一敵四,正走投無路之際,佢決定飲香蕉味牛奶飲料,飲完即時李小龍上身,又飛腿又擒拿,打到壞人一仆一碌。雖則唔明呢隻飲料同功夫有乜關係,但李光洙戚起堂眉翁起個鼻加咬牙切齒嘅表情,又確實有幾分似李小龍,咁當然係搞笑版啦。

Read more ›
有片:碧咸聯乘James Corden 惡搞廣告賣底底
by / on 03/04/2015 at 10:00 am

有片:碧咸聯乘James Corden 惡搞廣告賣底底

唔踢波,齋拍廣告都夠食幾世,講緊嘅係碧咸(David Beckham),已屆中佬之年依Keep然到一副好身材,加埋個Chok樣同紋身,難怪至今依然係萬人迷。之前佢為H&M拍嘅廣告,一味型字掛帥、以激突金丸子為亮點,今次呢個最新底底廣告有新搞作嘞,型佢繼續型,樣佢繼續Chok,但同時邀請電視節目《The Late Late Show》主持人James Corden亮相。[ 鋪擺明惡搞,James Corden腰懷大車胎,啲肉泡嘅,同碧咸嗰六舊朱古力腹肌根本無得比,有啖笑咁喇。

Read more ›

日本版忌廉哥   萌爆賣旅遊廣告
by / on 30/01/2014 at 7:17 am

日本版忌廉哥 萌爆賣旅遊廣告

可能貓貓天性鐘意流浪,所以同旅遊好似特別有緣,香港有忌廉哥同永安旅遊賣廣告,日本旅遊網Jalan最近都搵咗兩隻貓貓Nyalan同埋Deshi做代言人,周遊列國去齊日本名勝拍宣傳照。佢哋嘅行程似足你同我遊日本,例如賞櫻、寺廟參拜、浸溫泉‥‥‥睇完我都好想去日本。不過貓貓全程頸上面要掛住個行李喼,陰功豬。主人話,你唔做嘢,我邊有錢買糧買零食養你呀。

Read more ›